Witness
Witness to composite(s): Q000365
Primary Publication:
Collection: Yale Babylonian Collection, New Haven, Connecticut, USA
Museum no.: YBC 09857
Provenience: —
Period: Old Babylonian (ca. 1900-1600 BC)
Object Type: tablet or envelope > tablet
Material: clay
Date: 00.00.00.00
Transliteration:
atf: lang sux
link: def A = Q000365 = Gilgamesh and Huwawa, version A
tablet
obverse
1. en-e kur lu2 ti-la-sze3 gesztu2-ga-ni na-an-gub
2. en {d}bil4-ga-mes-e kur lu2 ti-la-sze3 gesztu2-ga-ni na-an-gub
3. arad-da-ni en-ki-du10-ra gu3 mu-un-na-de2-e
4. en-ki-du10 murgu gurusz-e ti-la sag til#-bi-sze3 la-ba-ra-an-e3-a
5. kur-ra ga-an-ku4 mu-gu10 ga-am3-gar
6. ki mu gub-bu-ba-am3 mu-gu10 ga-bi2-ib-gub
7. ki mu nu-gub-bu-ba-am3 mu digir-re-e-ne ga-bi2-ib-gub
8. arad-da-ni en-ki-du10-e inim mu-un-ni-ib-gi4-gi4
9. lugal-gu10 tukum-bi kur-ra i-in-ku4-ku4-de3-en / {d}utu he2-me-da-an-zu
10. {d}utu szul {d}utu he2-me-da-an-zu
11. kur-ra dim2-ma-bi {d}utu-kam
12. kur-{gisz}eren-ku5 dim2-ma-bi szul {d}utu-kam {d}utu he2-me-da-an-zu
13. {d}bil4-ga-mes masz2 babbar2-ra szu im-mi-in-tag
14. masz2-si4 masz2-da-ri-a gaba-ni ba-an-tab
15. szu-ni gidri ku3 kiri3-na ba-da-gal2
16. {d}utu-an-na-ra gu3 mu-un-na-de2-e
17. {d}utu kur-sze3 i-in-ku4-ku4-de3-en a2-dah-gu10 he2-me-en
18. kur-{gisz}eren-ku5-sze3 i-in-ku4-ku4-de3-en a2-dah-gu10 he2-me-en
reverse
1. {d}utu an-na-ta inim mu-un-ni-ib-gi4-gi4
2. gurusz dumu-gi7 ni2-zu-a he2-me-en kur-ra a-na-bi-me-en
3. {d}utu inim ga-ra-ab-du inim-gu10-sze3 gesztu2-zu
4. silim ga-ra-ab-du11 gizzal |HA.QA| he2-em-szi-ia-a5
5. iri{ki}-ga2 lu2 ba-usz2 sza3 ba-sag3
6. lu2 u2-gu ba-an-de2 sza3-gu10 ba-an-gi4
7. bad3-da gu2-gu10 im-ma-an-la2
8. ad6 a-a i7 i3-ib2-diri-ge igi im-ma-an-sze3
9. u3 ge26-e ur5-gim nam-ba-ak-e ur5-sze3 he2-me-a
10. lu2 sukux(SUKUD)-da an-sze3 nu-mu-un-da-la2
11. lu2 dagal-la kur-ra la-ba-an-szu2-szu2
12. murgu gurusz-e ti-la sag til-bi-sze3 la-ba-ra-an-e3-a
13. kur-ra ga-an-ku4 mu-gu10 ga-am3-gar
14. ki mu gub-bu-ba-am3 mu-gu10 ga-bi2-ib-gub
15. ki mu nu-gub-bu-ba-am3 mu# digir-re-e-ne ga-bi2-ib-gub
16. {d}utu er2-na kadra-gin7 szu ba-an-szi-in-ti
17. lu2 arhusz-a-gin7 arhusz ba-ni-in-ak
18. ur-sag dumu ama dili inim-me-esz
Total 1 record(s)
