Witness
Witness to composite(s): Q003460
Primary Publication: Tadmor, Hayim; Yamada, Shigeo (2011) RINAP 1 Tiglath-pileser III 47, ex. 001
Collection: British Museum, London, UK
Museum no.: BM —
Provenience: Kalhu (mod. Nimrud/ Tawfiqiyah)
Period: Neo-Assyrian (ca. 911-612 BC)
Object Type: tablet or envelope > tablet
Material: clay
Date: Tiglath-pileser3.00.00.00
Transliteration:
atf: lang akk
tablet
obverse
1. _e2-gal_ {disz}tukul-ti-a-e2-szar2-[ra _lugal gal_-u2 _lugal_ dan-nu _lugal szu2 lugal kur_ asz-szur _lugal babila{ki} lugal kur_] szu#-me#-ri u uri{ki} _lugal_ kib-rat _limmu2_-ti
2. _gurusz_ qar-du sza ina tu-kul-ti asz-szur# _en#_-szu2# kul#-lat# [la ma-gi-ri-szu _gin7_ has,-bat-ti u2-daq-qi-qu a]-bu#-bisz is-pu-nu-ma zi-qi-qisz im-nu-u2
3. _lugal_ sza2 ina zi-kir asz-szur {d}sza2-masz u {d}marduk _dingir-mesz gal-mesz [du-mesz_-ma] ul#-[tu {i7}]mar-ra-ti sza _e2_-{disz}ia-ki-ni a-di {kur}bi-ik-ni sza _kur_ {d}szam-szi
4. u3 tam-tim sza szul-mi {d}szam-szi a-di {kur}mu-us,-ri [ul-tu] _an#-ur2_ a-di _an-pa kur-kur-mesz_ i-pe-lu-ma e-pu-szu szar-ru-us-si-in
single ruling
5. ul-tu _sag lugal_-ti-ia a-di 1(u) 7(disz) _bala-mesz_-ia {lu2}i-tu-'u# [{lu2}ru-bu]-'u# {lu2}ha-mar-a-ni {lu2}lu-hu-u2-a-tu {lu2}ha-t,al-lu {lu2}ru-ub-bu-u2 ra-pi-qu {lu2}hi-ra-a-nu {lu2}ra-bi-dingir
6. {lu2}na-s,i-ru {lu2}gu-lu-su {lu2}na-ba-tu {lu2}ra-hi-qu {lu2}ka#-[pi-ri] {lu2#}ru-um-mu-lu-tu {lu2}a-di-le-e {lu2}gib-re-e {lu2}u2-bu-du {lu2}gu-ru-mu {lu2}hu-da-du {lu2}hi-in-di-ru
7. {lu2}da-mu-nu {lu2}du-na-nu {lu2}ni-il-qu {lu2}ra-de-e {lu2}da-i#-[x]-nu#? {lu2#}u2-bu-lu {lu2}kar-ma-'u {lu2}am-la-tu {lu2}ru-'u-a {lu2}qa-bi-'u {lu2}li-i'-ta-a-u2 {lu2}ma-ru-su
8. {lu2}a-ma-tu {lu2}ha-ga-ra-a-nu {iri}bad3-ku-ri-gal-zi {iri}a-di-in#-[ni {iri}]bir#-tu sza sa-ar-ra-gi-ti {iri}bir-tu sza la-ab-ba-na-at {iri}bir-tu sza {iri}kar-{d}en-kur-kur
9. {lu2}a-ru-mu _du3_-szu2-nu sza szid-di {i7}idigna _{i7}a-szita3_ u3 {i7}su-rap-[pi] a#-di lib3-bi {i7}uq-ne2-e sza _gu2_ tam-tim szap-li-ti ak-szud di-ik-ta-szu2-nu a-duk szal-la-su-nu asz2-lu-la
10. {lu2}a-ru-mu ma-la ba-szu-u a-na mi-s,ir _kur_ asz-szur{ki} u2-ter-ra-asz2-szu-nu-ti-ma# {lu2}szu-ut _sag_-ia _{lu2}en-nam ugu_-szu2-nu asz2-kun ina _ugu du6_ kam-ri sza {iri}hu-mut i-qab-bu-szu2-u-ni
11. _iri du3_-usz {iri}kar-asz-szur _mu_-szu2 ab-bi _ug3-mesz kur-kur_ ki-szit-ti _szu-min_-ia ina lib3-bi u2-sze-rib ina sip-par nibru{ki} babila2{ki} bar2-sipa{ki} gu2-du8-a{ki} kisz#{ki#} dil-bat{ki} u3 unu{ki} ma-ha-zi la sza2-na-an
12. _{udu}siskur-mesz ku3-mesz_ a-na {d}en {d}numun-du3-ti {d}ag {d}tasz-me-tum {d}u-gur {d}la-as, _dingir#-mesz gal-mesz en-mesz_-ia aq-qi2-ma i-ra-mu _{lu2}sanga_-u2-ti {kur}kar2-{d}du-ni-asz2 _dagal_-tu a-na pat, gim-ri-sza2 a-bel2-ma
13. e-pu-sza2 _lugal_-u2-sa {lu2}pu-qu-du _gin7_ sa-pa-ri as-hu-up di-ik-ta-szu2-nu a#-duk szal-la-su-nu ma-at-tu asz2-lu-la {lu2}pu-qu-du szu-a-tu {iri}la-hi-ru sza i-di-bi-ri-i-na {iri}hi-li-im-mu
14. {iri}pi-il-lu-tu sza pat-ti {kur}e-lam-ti a-na mi-s,ir _kur_ asz-szur{ki} u2-ter-ra# ina _szu-min_ {lu2}szu-ut _sag_-ia _{lu2}gar-kur_ {iri}ar-rap-ha am-nu {kur}lab-du-du ma-la ba-szu-u as-su-ha-am-ma
15. ina qe2-reb _kur_ asz-szur{ki} u2-sza2-as,-bit {kur}kal-du a-na si-hir-ti-szu2 hu-ha-risz as-hu#-up sza {disz}{d}ag-u2-szab-szi _a_ {disz}szi-la-a-ni di-ik-ta-szu2 ina i-ta-at {iri}sa-ar-rab-a-ni _iri_-szu2 a-duk
16. u3 sza2-a-szu2 meh-re-et _ka2-gal iri_-szu2 a-na {gesz}za-qi-pi u2-sze-li-szu-ma u2-szad#-gi-la _kur_-su {iri}sa-ar-rab-a-nu ina szi-pi-ik _sahar#-hi#-a#_ [u3 {gesz}]szu#-pi-i ak-szud 5(u) _lim_ 5(disz) _lim un-mesz_ a-di mar-szi-ti-szu2-nu
17. szal-la-su _nig2-szu_-szu2 _nig2-gur11_-szu2 _dam_-su _dumu-mesz_-szu2 _dumu-munus-mesz_-szu2 u3 _dingir-mesz_-szu2 asz2-lu-la _iri#_ szu-a-tu2 a-di _iri-mesz_-ni sza li-me-ti-szu2 ap-[pul2 aq-qur ina _izi_ asz2]-ru#-up-ma a-na _du6_ u kar-me u2-ter
18. {iri}tar-ba-s,u {iri}ia-bal-lu ak-szud 3(u) _lim un-mesz_ a-di mar-szi-ti-szu2-nu [_nig2]-szu_-szu2-nu _nig2-gur11_-szu2-nu u _dingir-mesz_-szu2-nu asz2#-[lu-la _iri-mesz_ szu]-a-tu-nu a-di _iri-mesz_-ni sza li-me-ti-szu2-nu
19. ki-ma _du6_ a-bu-bi u2-ab-bit {disz}za-qi-ru _dumu_ {disz}sza2-'a-al-li i-na a-de#-e _dingir-mesz gal-mesz_ ih-t,i-ma it-ti [nak-ri-ia isz-ku-na] pi#-i-szu2 a-na sza2-a-szu2 a-di _{lu2}gal-mesz_-szu2 ina _szu-min_ u2-s,a-bit
20. bi-ra-a-ti _an-bar_ ad-di-szu2-nu-ti-ma a-na _kur_ asz-szur{ki} al-qa-a _ug3-mesz_ {kur}e2-sza2-'a-al-li ip-la-hu-ma {iri}bad3-[{d}kaskal-kur-a-a _iri] lugal#_-ti-szu2-nu a-na dan-nu-ti-szu2-nu is,-ba-tu
21. _iri_ szu-a-tu i-na be2-ru-ti u3 {gesz}ne2-pe-szi ak-szud-ma qaq-qa-risz am#-nu 4(u) _lim_ 5(disz) _me un-mesz_ a-di mar-szi-ti-szu2-nu szal-la-su-[nu _nig2-szu_]-szu2#-nu _nig2-gur11_-szu2-nu _dam_-su _dumu-mesz_-szu2 _dumu-munus-mesz_-szu2 u3 _dingir-mesz_-ni-szu2 asz2-lu-la
22. {iri}am-li-la-tu ak-szud _ug3-mesz_ a-di mar-szi-ti-szu2-nu szal-la-su _nig2-szu_-szu2 _nig2-gur11#_-szu2 asz2-lu-la {kur}e2-sza2-'a-al-li a-na si-hir-ti-szu2 a-bu-bisz as-pu-un-ma u2-szah-ri-ba da-ad2-me-szu2
23. _kur-kur-mesz_ szu-a-ti-na a-na mi-s,ir _kur_ asz-szur{ki} u2-ter-ra {disz}gin-numun _dumu_ {disz}a#-muk-ka-a-ni ina {iri}sa-pe-e _iri lugal_-ti-szu2 e-sir-szu2 di-ik-ta-szu2 ma-at-tu ina _igi ka2-gal-mesz_-szu2 a-duk
24. _{gesz}kiri6-mesz_ {gesz}mu-suk-kan-ni sza t,e-eh _bad3_-szu2 a-kis-ma 1(disz)-en ul e-zib _{gesz}geszimmar#-mesz_-szu2 sza pi-rik _kur_-szu2 a-duk-ma u2-hi-nu-szu2 asz2-mut,-ma u2-mal-la-a qer-ba-a-ti gi-mir _iri-mesz_-ni-szu2
25. ap-pul2 aq-qur ina _izi_ asz2-ru-up {kur}e2-szi-la-a-ni {kur}e2-a-muk-ka-a-ni u {kur#}_e2_-sza2-'a-al-li a-na si-hir-ti-szu2-nu ki-ma _du6_ a-bu-bi u2-ab-bit a-na _du6_ u kar-me u2-ter
26. ma-da-tu sza {disz}ba-la-su _dumu_ {disz}dak-ku-ri {disz}na-di-ni _ud-ud-ak#_-a-a _ku3-babbar ku3#-sig17_ ni-siq-ti _na4-mesz_ am-hur {disz}{d}marduk-a-szum2-na _dumu_ {disz}ia-ki-ni _lugal_ tam-tim sza ina _lugal-mesz_-ni _ad-mesz_-ia a-na ma-har ma-am-man la il-li-kam-ma
27. la u2-na-asz2-szi-qa _giri3-min-mesz_-szu2-un pul-hi me-lam-me sza asz-szur _en_-ia is-hu-pu-szu2-ma a#-na {iri}sa-pi-ia a-di mah-ri-ia il-li-kam-ma u2-na-asz2-szi-qa _giri3-min-mesz_-ia _ku3-sig17_ e-per _kur_-szu2 a-na ma-a'-de-e
28. szu-kut-ti _ku3-sig17 na4 gu2-mesz ku3-sig17_ ni-siq-ti _na4-mesz_ bi-nu-ut tam-tim _gesz-ur3#-mesz {gesz}esi#_ {gesz#}el#-lu-tu {u2}_lal_ {u2}_lu2_-a-nu lu-bul-ti bir-me _szim hi-a du3_-ma _gu4-mesz_ u s,e-e-ni ma-da-ta-szu2 am-hur
single ruling
29. {kur}nam-ri {kur}e2-sa-an-gi-bu-ti {kur}e2-ha-am-ban {kur}su-mur-zu {kur}ba-ar-ru#-a {kur}e2-zu-al-za-asz2 {kur}e2-ma-at-ti {iri}ni-qu sza {kur}tup-li-ia-asz2 {kur}e2-tar-an-za-a-a {kur}par-su-a {kur}e2-za-at-ti
30. {kur#}_e2#_-ab-da-da-ni {kur}e2-kap-si {kur}e2-sa-an-gi {kur}e2-ur-zak-ki {kur}e2-{d}1(u)-5(disz) {iri}zak-ru-ti {kur}gi-zi-ni-ki-is-si {kur}ni-isz-sza2-a {iri}s,i-bu-ur {iri}u2-ri-im-za-an {kur}ra-'u-u2-sa-an
31. [{kur}]u2#-pa-ri-a {kur}bu-us-tu-us {kur}a-ri-ar-mi _kur dar-lugal-mesz{muszen}_ {kur}sa-ak#-su-uk-ni {kur}a-ra-qu-ut-tu {kur}kar-zi-ib-ra {kur}gu-kin-na-na {kur}e2-sa-ag-ba-at {kur}si-il-ha-zi
32. [sza] dan#-nu-tu2 sza _dumu_ babila2{ki} i-qab-bu-szu2-u-ni {kur}ru-u2-<a> a-di _kur e2-mun_ {kur}usz-qaq-qa-a-na {kur}szi-ik-ra-ki sza _ku3-sig17_ na-ge-e sza {kur}ma-da-a-a _kal-mesz_ a-na pat, gim-ri-szu2-nu hu-ha-risz ak-tum3-ma
33. [di]-ik-ta-szu2-nu ma-at-tu a-duk 1(gesz2) _lim_ 5(disz) _me un-mesz_ a-di mar-szi-ti-szu2-nu# _ansze-kur-ra-mesz_-szu2#-nu _{ansze}giri3-nun-na-<mesz>_-szu2-nu {ansze}ud-ra-a-ti-szu2-nu _gu4-mesz_-szu2-nu s,e-e-ni-szu2-nu a-na la ma-ni asz2-lu-la
34. [_iri]-mesz#_-ni-szu2-nu ap-pul2 aq-qur ina _izi_ asz2-ru-up a-na _du6_ u kar-me u2-ter {kur}nam-ri {kur}e2-sa-an-gi-bu-ti {kur}e2-ha-am-ban {kur}su-mur-zu {kur}e2-bar-ru-a {kur}e2-zu-al-za-asz2
35. [{kur}_e2_]-ma-at-ti {iri}niq-qu sza {kur}tup-li-ia-asz2 {kur}e2-tar-an-za-a-a# {kur}pa-ar-su-a {kur}e2-za-at-ti {kur}e2-ab-da-da-ni {kur}e2-kap-si {kur}e2-sa-an-gi {kur}e2-ur-zak-ki {iri}e2-{d}1(u)-5(disz)
36. [{iri}]zak#-ru-ti sza {kur}ma-da-a-a _kal-mesz_ a-na mi-s,ir _kur_ asz-szur{ki} u2-ter-ra _iri-mesz_-ni sza qer-bi-szu2-nu a-na esz-szu2-ti _du3_-usz _{gesz}tukul_ asz-szur _en_-ia ina lib3-bi ar-mi _ug3-mesz kur-kur_ ki-szit-ti _szu-min_-ia ina _sza3_ u2-sze-rib
37. [x {lu2}]szu-ut _sag_-ia _{lu2}en-nam-mesz ugu_-szu2-nu asz2-kun s,a-lam _lugal_-ti-ia ina {kur}ti-ik-ra-ak#-ki# {iri#}e2#-{d#}1(u)-5(disz) {iri}s,i-bu-ur {kur}a-ri-ar-mi _kur dar-lugal-mesz{muszen}_
38. [{kur}si]-il#-ha-zi sza dan-nu-tu sza _dumu_ babila2{ki} i-qab-bu-szu2-ni ul-ziz ma-da#-[tu sza {kur}ma-da]-a#-a {kur}el-li-pa-a-a u3 _en-iri-mesz_-ni sza _kur_-e _du3_-szu2-nu a-di {kur}bi-ik#-ni#
39. [x x] _ansze#-kur#-ra#-mesz {ansze}giri3-nun-na-mesz_ {ansze}ud-ra-a-ti _gu4-mesz_ u3 s,e-e-ni# a#-na# la# ma#-[ni am-hur {disz}ir-an-zu {kur}man-na]-a#-a qur-di ta-nit-ti sza asz-szur _en_-ia sza ina _kur-mesz_-e _du3_-szu2-nu e#-[te-ep-pu-szu2 isz-me-ma]
40. [me-lam]-me# asz-szur _en_-ia is-hu-pu-szu-ma a-na {iri}bad3-{disz}tukul-ti-a-e2-szar2-ra sza [... a]-di# mah-ri-ia il-li-kam u2-na-asz2#-szi#-[qa _giri3-min_-ia ...]
41. [_ansze-kur]-ra#-mesz# {ansze}giri3-nun-na-mesz gu4-mesz_ u3 s,e-e-ni {gesz}til-li [...]
42. [{lu2}szu]-ut# _sag#_-ia {disz}asz-szur-_kal_-in-a-ni a-na {kur}ma-da-a-a _kal-mesz_ sza _kur_ {d}szam#-[szi asz2-pur 5(disz) _lim ansze-kur-ra-mesz un-mesz gu4-mesz_ u3 s,e-e-ni a-na la ma-ni il-qa-a]
single ruling
43. [{kur}ul-lu]-ba {kur}hab-hu a-na gi-mir-ti-szu2 ak-szud a-na mi-s,ir _kur_ asz-szur _gur_-ra [... ina qe2-reb {kur}ul-lu-ba _iri du3_-usz {iri}asz-szur-_ba_-sza2 _mu_-szu2 ab-bi]
44. [_e2-gal_ mu]-szab# _lugal_-ti-ia ina lib3-bi ad-di _{gesz}tukul_ asz-szur _en_-ia ina lib3-bi ar-mi _ug3-mesz kur#-[kur_ ki-szit-ti _szu-min_-ia i-na lib3-bi u2-sze-szib ...]
single ruling
45. [{disz}{d}1(u)-5(disz)-_bad3_ {kur}u2]-ra-ar-t,a-a-a {disz}su-lu-ma-al {kur}me-lid-da-a-a {disz}tar-hu-la#-[ra {kur}gur2-gu-ma-a-a ...]
46. [... {disz}]ku#-usz-ta-asz2-pi {kur}ku-muh-a-a a-na ka-sza2-di sza2-la-li [mi-s,ir _kur_ asz-szur ...]
47. [... ina] bi#-rit {kur}kisz-ta-an u3 {kur}hal-pi na-ge-e sza {kur}ku#-[muh-hi _bad5-bad5_-szu2-nu _sig3_-ma ana? la ma-ne2-e? ...]
48. [da-me qu-ra]-di#-szu2-nu {i7}si-in-zi _i7_-tu ki-ma na-ba-si [as,-ru-up ...]
49. [nap-har?] _karasz#?_-szu2#-nu e-kim-szu2-nu-ti ina _muru2_ ti#-[du-ki-ma ...]
50. [...] x _{gesz#}na2#-mesz# lugal#_-ti# [...]
broken
reverse
beginning broken
1'. [...]-ma ina _izi#_ asz2#-ru#-[up {munus}sa-am-si la-pa-an _{gesz}tukul-mesz_-ia _kal-mesz_ tasz-hu-ut-ma _ansze-a-ab-ba-mesz_ {munus}{ansze}a-na-qa-a-te a-di {ansze}ba-ak-ka-ri-szi-na]
2'. [a-na _kur_ asz]-szur a-di mah-ri-ia ta#-[asz2-sza2-a {lu2}qe-e-pu ina muh]-hi-sza2# asz2#-kun#-[ma 1(u) _lim {lu2}erin2-mesz_ ...]
single ruling
3'. [{iri}ma-as]-'a#-a-a {iri}te-ma-a-a {iri}sa-ab-'a-a-a {iri}ha-a-a-ap-pa-a-a {iri}ba-da-na-a-a {iri#}[ha-at-ti-a-a {lu2}i-di-ba-a'-il-a-a ... sza mi-s,ir _kur-kur_]
4'. [sza szu-lum _{d}]utu_-szi sza mam2-ma la i-du-szu2-nu-ti-ma a-szar-szu2-un ru-u2-qu ta-nit-ti be-lu-ti-ia [al-ka-ka-at qur-di-ia isz-mu-ma u2-s,al-lu-u2 be-lu-ti]
5'. [_ku3-sig17 ku3]-babbar ansze-a-ab-ba-mesz_ {munus}{ansze}a-na-qa-a-ti _szim hi-a du3_-a-ma ma-da-ta-szu2-nu ki-i 1(disz)-en a-di mah#-[ri-ia u2-bi-lu-nim-ma u2-na-asz2-szi-qu _giri3-min_-ia]
6'. [{disz}i]-di#-bi-'i-i-li a-na _{lu2}i3-du8_-u2-ti ina _ugu_ {kur}mu-us,-ri asz2-ku-un i-na _kur-kur-mesz du3_-szi-na sza2 x [...]
7'. [ma-da-at]-tu# sza {disz}ku-usz-ta-asz2-pi {kur}ku-muh-a-a {disz}u2-ri-ik {kur}qu-u-a-a {disz}si-bi-it-ti-bi-'i-il {iri#}[gu-ub-la-a-a {disz}hi-ri-mu {kur}s,ur-ra-a-a {disz}pi-si-ri-is {iri}gar-ga-misz-a-a]
8'. [{disz}e-ni]-il3 {kur}ha-am-ma-ta-a-a {disz}pa-na-am-mu-u {iri}sa-am-'a-la-a-a {disz}tar-hu-la-ra {kur}gur2-gu-ma-a-a {disz}su-lu#-[ma-al {kur}me-lid-da-a-a {disz}da-di-i-lu {iri}kas-ka-a-a]
9'. [{disz}u2]-as#-sur-me {kur}ta-bal-a-a {disz}usz-hi-it-ti {iri}tu-na-a-a {disz}ur-bal-la-a {iri}tu-ha-na-a-a {disz}tu-ha-am-[me {iri}isz-tu-un-da-a-a {disz}u2-ri-im-mi3-i {iri}hu-bi-isz-na-a-a]
10'. [{disz}ma]-ta-an-bi-'i-il {iri}ar-ma-da-a-a {disz}sa-ni-pu {iri}e2-am-ma-na-a-a {disz}sa-la-ma-nu {kur}ma-'a-ba-a-a {disz}x-[...]
11'. [{disz}mi]-ti-in-ti {kur}as-qa-lu-na-a-a {disz}ia-u2-ha-zi {kur}ia-u2-da-a-a {disz}qa-usz-ma-la-ka {kur}u2-du-mu-a-a {disz}mu-us,-x-[...]
12'. [{disz}ha]-a-nu-u2-nu {iri}ha-za-at-a-a _ku3-sig17 ku3-babbar an-na an-bar a-bar2_ lu-bul-ti bir-me _{tug2}gada_ lu-bul-ti _kur_-szu2-nu {siki}_za-gin3-sa5_ [...]
13'. [mim-ma] aq-ru bi-nu-ut tam-tim na-ba-li s,i-bu-ta-at _kur_-szu2-nu ni-s,ir-ti _lugal_-ti _ansze-kur-ra-mesz {ansze}giri3-nun-na-mesz lal_-at {gesz}ni-[ri ... am-hur]
single ruling
14'. [{disz}u2]-as-sur-me {kur}ta-bal-a-a a-na ep-szet _kur_ asz-szur{ki} u2-masz-szil-ma a-di mah-ri-ia la il-li-ka {lu2}szu-ut _sag_-ia _{lu2}gal [sag_ a-na {kur}ta-bal asz2-pur ...]
15'. [{disz}hu]-ul-li-i _dumu_ la ma-ma-na ina _{gesz}gu-za lugal_-ti-szu2 u2-sze-szib 1(u) _gun ku3-sig17_ 1(disz) _lim gun ku3-babbar_ 2(disz) _lim ansze-kur-ra-mesz [... {ansze}giri3-nun-na-mesz_ ta-mar-ta-szu2 am-hur]
single ruling
16'. {lu2#}szu-ut _sag_-ia _{lu2}gal sag_ a-na {iri}s,ur-ri asz2-pur sza {disz}me2-e-te-en-na {iri}s,ur-ra-a-a 1(disz) _me_ 5(u) _gun ku3-sig17_ [2(disz) _lim gun ku3-babbar_ ta-mar-ta-szu2 am-hur]
single ruling
17'. i-na uz-ni ni-kil-ti ha-sis-si pal-ke-e sza isz-ru-ka _abgal dingir-mesz nun_ {d}nu-dim2-mud _e2-gal {gesz}eren#_ [... ana mu-szab _en_-ti-ia]
18'. u3 _e2_ hi-it-la-an-ni tam-szil _e2-gal_ {kur}ha-at-ti a-na mul-ta-'u-ti-ia ina qe2-reb {iri}kal-hi _du3_-usz [x _kusz3 gal_-tu2 szid-du 1(gesz2) _kusz3 gal_-tu2 pu-u2-tu]
19'. mi-szih-ti qaq-qa-ri-sza _ugu e2-gal-mesz ad-mesz_-ia mah-ra-a-ti ul-tu lib3-bi {i7}idigna u2-sza2-tir#-[ma as,-s,a-ba-ta ...] x [x]
20'. gi-mir _dumu_ um-ma-a-ni ha-as-su-ti nak-lisz u2-kas,-s,ip-ma ad#-[...] x x [x]
21'. 2(u) _kusz3 gal_-tu szu-pul _a-mesz_ ez-zu-ti {na4}pi-lu-u2 dan-nu _gin7_ szi-pik _kur_-i asz2-pu-uk-ma u2-[...]-ma# mi-le-e#-[sza2]
22'. tam-li-szi-in asz2-kun-ma isz-di-szin u2-kin-ma u2-szaq-qi2 re-es-si-in 1/2(disz) _ninda_ 2/3(disz) _kusz3 e2_ [... u2]-kas,-s,ir-ma
23'. _igi_-et _{im}si-sa2_ u2-mah-hi-ra _ka2-mesz_-szin ina _zu2 am-si {gesz}esi {gesz}tug2_ {gesz}mu-suk-kan-ni _{gesz}eren# {gesz#}szur#-[min3 {gesz}li?_ u3?] {gesz}dup-ra-a-ni
24'. bi-lat _lugal-mesz_-ni {kur}hat-ti mal-ki {kur}a-ri-me u3 {kur}kal-di sza ina me2-tel qar-ra-du-ti-ia u2-szak-[ni-szu2 a]-na# _giri3-min_-ia# [... asz2]-kun# la#-le#-e u2-mal-li
25'. 5(disz) 1/2(disz) _ninda_ 4(disz) _kusz3_ ul-tu szu-pul _a-mesz_ a-di pa-asz2-qi szi-kit-ta-szin-<<ma>> e-s,ir-ma _ugu e2-gal-mesz kur-kur_ u2-szar-[ri]-ha# ep-sze-es-si-in
26'. _gesz-ur3-mesz {gesz}eren_ sze-hu-u2-ti sza ki-i e-ri-isz {gesz}ha-szur-ri a-na us,-s,u-ni t,a-a-bu# tar#-bit {kur}ha#-[ma]-na {kur}lab-na-na u3 {kur}am-ma-na-na
27'. u2-s,a-lil-szi-na-ma a-na kun-ni-i u2-sza2-lik a-na s,ur-ru-uh si-ma-a-ti sza {gesz#}szi#-gi-ri# [x] x _na4-mesz_ szi-pir {lu2}pur-kul2-lu-ti ab-ni-ma us-si-ma _ka2_
28'. _{gesz}ig-mesz {gesz}eren {gesz}szur-min3_ tu-'a-ma-te mu-na-ah-hi-sza2 e-ri-bi-szi-na e#-re-si#-na i-ziq-qu lib-bu
29'. i-na me-ser2 za-ha-le-e u3 <esz-ma-re-e> eb-bi u2-rak-kis-ma e-ma _ka2-mesz_-ni u2-rat-ti _ur-mah-mesz# {d}alad-mesz {d}lamma-mesz_ sza bi-na-te ma-a'-disz nu-uk-ku-lu hi-it-lu-pu ku-uz-bu
30'. ne2-re-bi u2-sza2-as,-bit-ma a-na tab-ra-a-te u2-sza2-az-zi-iz _kun4-mesz im-babbar_ {na4}pa-ru-ti# i-na _ki-ta_-szu2#-nu as,-li-ma u2-nam-me-ra mu-s,u-u2
31'. u3 s,a-lam ab-ni ma-s,ar szu-ut _dingir-mesz gal-mesz_ bi-nu-ut _zu-ab_ ki-szu-u u2-sza2-as-hir-ma# pu-luh-tu u2-szar-szi
32'. sik-kat3 kar-ri _ku3-sig17 ku3-babbar_ u3 _zabar_ a-na szuk-lul-ti-szi-in al-me-szi-na-ti-ma u2-sza2-an-bi-t,a bu-un-ni-szi-in
33'. a-na szu-bat _lugal_-ti-ia at-ma-an sza2-asz2-szi ni-siq-ti _na4-mesz_ szi-pir tam#-[le]-e ar-ma-a qe2-reb-sza2
34'. _e2-gal-mesz_-at hi-da-a-ti na-sza2-a _he2-gal2_-li ka-ri-ba _lugal_ mu-lab-[bi]-ra# e-pi-szi-szin a-na szu-me-szi-in ab-bi
35'. _ka2-mesz_ me-sza2-ri musz-te-szir di-in mal-ki sza kib-rat _limmu2_-ti mu-szam#-[hi]-ru bi-lat _kur_-e u ta-ma-a-ti
36'. mu-sze-ri-bu hi-s,ib ad-na-a-ti a-na ma-har _lugal en_-szu2-un az-[ku]-ra# zi-kir _ka2-mesz_-szi-in
Total 1 record(s)
