CDLI-Found Texts

RINBE 2, Nabonidus 19, ex. 02
Click for archival page

Primary publication	RINBE 2, Nabonidus 19, ex. 02
Author(s)	Weiershäuser, Frauke & Novotny, Jamie
Publication date	2020
Secondary publication(s)	Gadd, Cyril J., CT 36 (1921) pl. 21-23, BM 108981; Schaudig, Hanspeter, AOAT 256 (2001) 2.05, ex. 02
Collection	British Museum, London, UK
Museum no.	BM 108981
Accession no.
Provenience	uncertain (mod. uncertain)
Excavation no.
Period	Neo-Babylonian (ca. 626-539 BC)
Dates referenced	Nabonidus.00.00.00
Object type	tablet
Remarks
Material	clay
Language
Genre	Royal/Monumental
Sub-genre	witness
CDLI comments
Catalogue source	20061110 cdliadmin_tinney
ATF source	Weiershäuser, Frauke & Novotny, Jamie
Translation	no translation (witness)
UCLA Library ARK	21198/zz001x3f74
Composite no.	Q005416
Seal no.
CDLI no.	P345498

Can you improve upon the content of this entry?
Please contact us!

(click on image to enlarge)

Tablet

obverse

column 1
1. i3-nu-um {d}marduk {d}en-lil2 _dingir-dingir_ sza-qu-u2 _en_ gi-im-ra
2. u2-sza-pu-u2 ma-al-ku a-na e-pe2-esz e-nu-tim
3. {d}na-bi-um-na-'i-id szar-ri a-na za-ni-nu-tim im-bu-u3
4. u2-ul-lu-u2 re-e-szi-szu e-li ka-li-szu-nu _lugal-mesz_
5. qi2-bi-tu-usz-szu _dingir-dingir gal-gal_ ih-du-u2 a-na szar-ru-ti-szu2
6. {d}a-num u3 {d}en-lil2 _{gesz}gu-za_ a-gu-u2 _{gesz}nig2-gidri_ u3 szi-bir-ri
7. pa-ra-as, szar-ru-tim a-na du-ur u4-mu i-qi2-szu-szum
8. {d}e2-a ba-an ka-la-mu ne2-me!(SZI) qi2 u2-sza2-ag-mi-ir-szu
9. {d}be-let-i3-li2 ba-na-at gi-im-ra u2-sza2-ak-li-lu bu-na-an-ne2-e-szu2
10. {d}na-bi-um pa-qi2-du ki-isz-sza2-ti isz-ru-uk-szu szu-ka-ma
11. {d}nanna-ri _dumu_ ru-be2-e u2-s,a-ab-ba-a nab-ni-it-su
12. {d}utu#-szi nu-ur2 i3-li2 ir-i-am re-e2-ut-su
13. [x]-'u-la-a-ti u2-sze-szi-ib qi2-bi-tu-usz-szu
14. {d}er3-ra-gal ga-asz-ru _dingir-dingir_ isz-ru-uk-szu du-un-num
15. {d}za-ba4-ba4 mu-ut-ta-al-lum u2-ma-szu u2-sza-ag-mi-ir-szu2
16. {d}nusku da-pi-nu u2-za-'i-in-szu2 me-lam _lugal_-u2-tim
17. a-na u2-'u-ur2 t,e3-e-mu sza-ka-ni7 szi-tul-tim
18. u3 pa-ra-as ar2-ka-tim i-tur sze-du-usz-szu
19. a-na mu-er-ru-ti-szu e-pe2-szu _dingir-dingir gal-gal_ u2-sza2-li-ku re-s,u-ut-su
20. i-nu-szu {d}na-bi-um-na-'i-id _lugal_ babilax(|TIN.TIR|){ki} ru-ba-a na-a-dam
21. re-e2-a-am it-pe-szu pa-li-ih _dingir-dingir gal-gal_
22. _szagina_ za-ni-nu sza2 a-na t,e3-me _dingir-dingir_ pu-tuq-qu
23. sza u4-mi-sza-am-ma isz-te-ne2-e'-u2 asz-rat _dingir-dingir_ u3 {d}inanna
24. _dumu_ {disz}{d}na-bi-um-din-su-iq-bi _nun_ e-em-qa2 a-na-ku
25. e-nu-ma {d}marduk <_en gal_-u2> a-na be-lu-tu ma-a-tim im-bu-u3 ni-bi-ti3
26. mar ru-be2-e {d}na-bi-um zi-ik-ri szar-ru-ti-ia u2-szar-bu-u3
27. u4-mi-szam-ma a-ta-mi pu-lu-uh2-ti3 i-lu-ti-szu-un
28. ka-a-a-nam asz-te-ne2-e'-a sza2 e-li-szu2-nu t,a-a-bi
29. a-na e2-sag-il2 u3 e2-zi-da szu-tu-rak zi-in-na-a-tu2
30. re-esz im-mi-ma-a-a dam-qa u2-sze-er-re-bu ma-har-szu-un
31. gi-na-a la na-par-ka-a' asz-te-ne2-'a-a asz-ri-szu-un
32. ma-ha-zi-szu-nu ra-bu-tim a-na ta-na-da-a-tu2 asz-tak2-ka-an
33. u2-szar-bi zi-ik-ra-<szu2>-nu in a-pa12-ta-asz2 da-ad2-me!(BAR)
34. a-na {d}utu _di-ku5-gal dingir-dingir_ sza-qu-u2 _en_ zimbir{ki} e2-babbar-ra
35. ki-is,-s,i!(AD) _ku3_ szu-bat-sa resz-ti-ti sza ma-na-ma _lugal_ mah-ri la u2-kal-li-mu
36. te-me-en-sza e-pe2-esz-su {d}utu _en gal_-u2 u2-qa2-an-ni-ma
37. e-li te-me-en sza2 na-ra-am-{d}suen u2-ki-in usz-szu-szu

column 2
1. sza _bad3_ u4-gal-a-ma2-ru10 _bad3_ gu2-du8-a{ki} u2-ul-la-a re-e-szi-szu
2. _bad3_ me-lam-kur-kur-<ra>-dul-la _bad3_ kisz{ki} u2-zaq-qi2-ir hur-sa-ni-isz
3. a-na {d}urasz _en_ ga-asz-ru _e2_ a2-ki-tu4 ta-<ap>-szu-uh-ti-szu2
4. ki-ma la-bi2-ri-im-ma e-esz-szi-isz e-pu-usz
5. sza {iri}u2-ba-as-su _dal-ba-an-na_ babila2{ki} u3 bar2-sipa{ki}
6. i-na _esir-e3-a_ u3 a-gur-ru re-e-szi-szu u2-ul-li-ma
7. {d}na-na-a {d}inanna szu-ur2-bi-tum u2-sze-ri-bu ki-is,-s,u-usz-szu
8. a-na {d}sin _en gal_-u2 a-szi-ib e2-kisz-nu-gal2 sza2 qe2-reb uri2{ki}
9. sat-tuk-ki-szu u2-t,a-ah-hi-id-ma u2-szar-ri-ih ni-id-be2-e-szu
10. asz-te-ne2-<e'>-e-<ma> asz-ri-szu a-ba-lu be-lu-ut-su
11. a-na e-risz-tum i-ri-isz-an-ni ap-lah3 at-ta-'i-id-ma
12. e-ri-isz-ta-szu la ak-la-am-ma am-gu-ru qi2-bit-su
13. _dumu-munus_ s,i-it lib3-bi-ia2 a-na e-nu-tim asz2-szi-ma en-nig2-al-di_-{d}nanna_
14. _mu_-szu2 am-be2-e-ma a-na e2-ge6-par3 u2-sze-ri-bu ana ma-haz _dingir-dingir gal-gal_
15. ka-li-szu-nu za-na-nu na-sza-an-ni lib3-bi
16. i-nu-szu a-na {d}lugal-mar2-da qar-ra-du mu-ut-ta-al-lum
17. et,-lu mu-ut-le-el2-lu-u2 sza2 da-na-num szu-uk-lu-lu
18. u4-um ez-zu sza la im-mah-ha-ru qa2-bal-szu ra-hi-is, _kur_ nu-kur2-tum
19. sza-lil _kur_ a-a-bi a-szi-ib e2-igi-kalam-ma _en_-ia
20. <<_en_-ia>> at-ta-'i-id-ma _{gesz}gigir_ ru-ku-bu i-lu-ti-szu!(MA)
21. si3-ma-at qar-ra-du-ti-szu2 sza-li-la-at _kur_ a-a-bi
22. <sza> a-na ta-ha-za szu-lu-ka-at sza isz-tu _u4-mesz_ ru-qu2-tu2
23. _lugal_ mah-ri la i-pu-szu i-na te-me-en e2-igi-kalam-ma
24. _na4-mesz_ te-eq-ni-szu u3 u2-nu-ut-su in-na-mir-ma
25. _{gesz}gigir_ szu-a-tim e-esz-szi-isz ab-nim i-na _ku3-babbar_ eb-bi _ku3-sig17_ nam-ri
26. u3 ni-si3-iq-tu4 _na4-mesz_ ra-bisz u2-za-'i-in-szu-ma
27. a-na ma-ha-ri-szu2 u2-sze-rib e2-igi-kalam-ma _e2_-su sza2 _lugal_ mah-ri
28. i-pu2-szu-ma u2-ul-lu-u2 re-e-szi-szu i-ga-ri ki-di-szu
29. la u2-sza2-as-hi-ru-ma la u2-dan-ni-in ma-as,-s,ar-tu-usz
30. a-szar-szu na-di-ma la ru-uk-ku-su sip-pe-e-szu e-pe-ri-szu
31. qa-a-a-pu-tu ad-ka te-me-en-szu la-bi2-ra a-hi-it,
32. ab-re-e-ma e-li te-me-en-<ni>-szu u2-kin usz-szu-szu
33. _bad3_-szu ab-ne2-e-ma ma-as,-s,ar-ta-szu2 u2-dan-<ni>-in e-esz-szi-isz
34. e-pu-usz-ma u2-ul-la-a re-e-szi-szu {d}lugal-mar2-da _en_ szur-bu-u2
35. _ur-sag_ mug-da-szir9 a-na _e2_ szu-a-tim ha-disz ina e-re-bi-ka mim-mu-u2
36. e-te-ep-pu-usz ha-disz in nap-lu-si-ka in ma-har {d}marduk _lugal_
37. _an_-e u3 _ki_-tim u4-mi-szam-ma at-ma-a _saga_-tim li-ri-ku u4-mu _din_-ia2 lu-usz-ba-a
38. lit-tu-tu ina _{gesz}tukul-mesz_-ka ez-zu-tim szu-um-qi2-ta a-a-bi-ia hul-liq
39. gim-ra-at ga-ri-ia

Version History

Page: 1

Search results