Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| CDLI Literary 000364, ex. 078 Click for archival page
Can you improve upon the content of this entry? Please contact us! |  (click on image to enlarge) | Tablet obverse 1. mu ba-gur4 kusz-bi nu-mu-un-da-dar 2. ur2-bi-a musz tu6 nu-zu-e gud3 im-ma-ni-ib-us2 3. pa-bi-a muszen anzu2{muszen}-de3 amar-bi im-ma-ni-ib-gar 4. szab-ba-bi-a ki-sikil lil2-la2-ke4 e2 im-ma-ni-in-du3 5. ki-sikil zu2 li9-li9 sza3 hul2-hul2 6. ku3 {d}ga-sza-an-an-na#-gen er2 e-ne-ne ba-sze8-sze8 7. nin9-a-ni inim in-na-an-du11-ga 8. ur-sag {d}gilgamesz2 inim-bi ba-e-de3-gub 9. {tug2}eb2-ba-ru sza3-ba 5(u) ma-na-am3 ib2-ba-na ba-kar 10. [5(u)]-am3 3(u) gin2 ba-szi-in-ak 11. {uru4}ha#-[zi]-an-na har-ra-an-na-ka-ni 12. 1(asz) gu2 7(disz) ma#-na#-ka-ni szu-ni-a ba-an-dab5 13. ur2-bi-a musz tu6 nu-zu-e sag# gesz# ba-am3-ra 14. pa-bi-a muszen anzu2{muszen}-de3 15. amar-bi szu ba-an#-ti hur-sag-sze3 ba-e-U4#-DU-NE 16. [szab-ba-bi-a ki]-sikil lil2-la2-ke4 e2 im-ma-an-ni-ib2-x-x-ne 17. e2#-ri#-[e2-ri]-a-szu ba-an-kar-kar-re 18. gesz ur2-[ba mu]-ni-in-bur12 pa-ba mi-ni-in-suh 19.a. dumu iri#-na# [mu]-un#-de3-re7-esz-am3 19.b. pa mu-un-IGI-tar-ru-ne 20. ku3 {d}inanna-ra {gesz}gu-za-ni-sze3 mu-na-ab-szum2-mu 21. gesz-na2-ni-sze3 mu-na-ab-szum2-mu 22. e-ne ur2-bi {gesz}ellag-a-ni-sze3 ba-da-ab-dim2-e 23. pa-bi {gesz}e#-ke4#-ma-ni#-sze3 ba-ab-dim2-e 24. {gesz}ellag al du11-du11-ge# sila ur3-ra {gesz}ellag na-mu-un-e 25. ni2 silim du11-du11-ge# sila ur3-ra ni2 silim na-mu-un-e 26. gurusz iri-na-ka {gesz}ellag al du11-du11-ga-ne 27. e-ne erin2 dumu# nu-mu-un-su-a-ni TUM-ba u5-a 28. a gu2-mu a# ib2#-ba#?-mu a-nir-ni im-ga2-ga2-ne 29. ama tuku# dumu#-ni-sze3 ninda mu-na-ab-de6 30. nin9# [tuku szesz]-a-ni a mu-na-de2-e 31. u2#?-sa11#-an-e um-ma-te-a-ra 32. ki {gesz}ellag gar-ra-ka-ni gesz-hur# in-hur-re 33. {gesz}ellag igi-ni-a mu-ni-in-il2 e2-a-ni-sze3 mu-un-de6 34. a2-gu2-zi-ga-ta ki gesz-hur in-hur-re-ni TUM-ba u5-a 35. szu du3-du3-[a] nu-mu-su-e-ne 36. i-{d}utu ki-sikil# tur#-ra-ta reverse 1. [{gesz}ellag-a-ni] u3 {gesz}e-ke4-ma-ni dur2 kur#-ra-a-asz ba-da-an-szub 2. [szu]-ni# mu-ni-in-du11 sa2 nu-mu-ub-du11 3. giri3-ni mu-ni-in-du11 sa2 nu-mu-ub-du11 4. abul-an ganzer igi kur-ra-ke4 dur2 im-ma-ni-in-gar 5. {d}gilgamesz2 er2 im-ma-an-pa3 szex(SIG7)-IGI im-ga2-ga2 6. a {gesz}ellag-mu a {gesz}e-ak-ma-mu 7. {gesz}ellag la-la-bi nu-mu-un-gi4-a-mu 8. eszemen di nu-mu-un-sug4-ga-mu 9. u4-ba {gesz}ellag-mu e2 nagar-ra-ka nu-usz-ma-da-gal2-la 10. dam nagar-ra ama ugu-ge26-gin7 nu-usz-ma-da-gal2-la 11. dumu nagar-ra nin9 banda3{+da}-mu nu-usz-ma-da-gal2-la 12. {gesz}ellag-mu kur-ta a-ba im-ta-e11#-de3 13. {gesz}e-ak-mu ganzer3-ta a-ba im-ta-e11#-de3 14. ARAD-da-ni en-ki-du10-e gu3 mu-un-na-de2-e 15. lugal-mu er2 e-ne ba-sze8-sze8 sza3-zu a-na-asz hul ba-gig 16. u4-da {gesz}ellag-zu kur-ta ge26-e hu-mu-ra#-ab-e11-de3 17. {gesz}e-ak-ma-zu ganzer-ta ge26-e hu-mu-ra-ab#-[e11-de3] 18. tukum-bi u4-da kur-sze3 im-e-a-e11#-[de3] 19. inim ga-ra-du11 inim-mu# [he2]-dab2 20. na# ga#-e#?-de5 na# [de5]-mu# he2#-dab5 21. tug2# dan2-dan2-na-zu# [na]-an-mu4-mu4# 22. gir5-gin7 geszkim [na]-an-e3#-esz# 23. i3# du10#-ga# bur-ra na-an-sze22-sze22 24. ir-sim-zu-sze3 ba-e-de3-[x?]-nigin2#-nigin2-ne-esz 25. {gesz}ilar kur-ra nam-mu#-e#-sag3-ge 26. lu2 {gesz}ilar ra-a ba-e-de3-nigin2#-nigin2#-ne-esz 27. {gesz}ma#-nu szu-za nam-mu-un-ga2-ga2 28. gidim# [ba]-e-de3-ur4-re-en 29. {kusz}e#-sir2 giri3-za# nam-mu-un#-si#-ga 30. kur-ra gu3 nam-mu-un-ga2-ga2 31. dam# ki#-ag2#-zu ne na-an-su-ub-be2 32. dam hul gig-ga-zu nig2 nam-mu-un-ra-ra 33. dumu ki-ag2-zu ne na-an-su-ub-be2 34. dumu hul gig-ga-zu nig2 nam-mu-un-ra-ra 35. i-{d}utu kur-ra ba-e-dab5-be2 36. i3#-nu2-a-ra i3-nu2-a-ra 37. ama {d}nin-a-zu i3-nu2-a-ra Version History |