Search results


   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI


BAM 6, 574
Click for archival page


Primary publicationBAM 6, 574
Author(s)Köcher, Franz
Publication date1980
Secondary publication(s)AMT pl. 030, no. 07 (K 13446) + AMT pl. 044, no. 3 (K 10713) + AMT pl. 070, no. 8 (K 05899); BAM 6, 577
CollectionBritish Museum, London, UK
Museum no.BM —
Accession no.K 00191 + K 00201 + K 02374 + K 02474 + K 02957 + K 03230 + K 03363 + K 05899 + K 06869 + K 10327 + K 10713 + K 11266 + K 12909 + K 13446 + K 17096
ProvenienceNineveh (mod. Kuyunjik)
Excavation no.
PeriodNeo-Assyrian (ca. 911-612 BC)
Dates referenced
Object typetablet
Remarks
Materialclay
LanguageAkkadian
Genre
Sub-genremedical
CDLI comments
Catalogue source20100217 cdliadmin_bmcat
ATF sourceBabMed Team
Translationno translation
UCLA Library ARK21198/zz0020csjd
Composite no.
Seal no.
CDLI no.P393782

Can you improve upon the content of this entry?
Please contact us!


(click on image to enlarge)

Tablet


obverse

column 1
1. _DISZ na_ su-a-lam _gig_ ana ki-is _sza3 gur_-<szu> szu-ru-usz _{gesz}nam-tar_ szu-ru#-usz# {gesz}szu-sze
2. _{u2}tar-musz _{u2}igi_-lim _{u2}igi-nisz_ {u2}tu-lal _{u2}szakira 7(disz) _u2-hi-a szesz tesz2-bi sud2_
3. ina _kasz szub_-di ina _mul_ tusz-bat ina _a2-gu2-zi-ga nu_ pa-tan _nag-mesz_-ma ina-esz
single ruling
4. _DISZ na_ ki-is _sza3 gig_ ina hisz-sza2-tu ana# _{gesz}ma2-gur8 u5_-szu2 _e11_-szu2-ma _tu6_ ki-a-am _szid_-nu
5. _enuru{+e2-nu-ru}_ dab-ra sza2-tam2-ma kul _min : gi {d}en-lil2 a2-e nu-ub-zum_ {d}s,ar-pa-ni-tum
6. sza _igi-gal2-la gub-ba# giri3-a-ni gub-ba giri3-a-ni dur2-ra{du-ra} giri3 igi-gal2 gub_
7. _giri3 igi-gal2 tu6 en2 tu6_ an-ni-ta _szid_-nu-ma _ti_
single ruling
8. _DISZ ki-min uzu {d}nin-kilim had2-a_ ba-lu pa-tan _nag_-ma _ti : DISZ ki-min_ szu-ru-usz {gesz}szu-sze ina _a-mesz_ ba-lu pa-tan _nag_-ma _ti_
9. _DISZ ki-min mun sud2_ ina _a-mesz_ ba-lu pa-tan _nag_-ma _ti_
10. _DISZ ki-min mun_ a-ma-nim _sud2_ ba-lu pa-tan _nag_-ma _ti_
single ruling
11. _DISZ na_ ki-is _sza3 gig na bi_ ina _ugu giri3-min_-szu2 tu-sze-szab-szu2
12. _a gazi{sar}_ sek-ru-ti _kum2_-ti ana _ugu_-szu2 _dub_-ma _ti_
single ruling
13. _DISZ ki-min_ ina _ugu giri3-min_-szu2 uk-tam-ma-as-ma u2-szab _a sed_ ana _ugu sag_-szu2 tu-qar-ra-ar2
single ruling
14. _DISZ ki-min sag-du_-su ana szap-la-nu _gar_-an _giri3-min_-szu2 ana _an-ta_-nu tu-sza2-qa ina szip-ku-ti
15. _te_-su ta-ma-has, ina szip-ku-ti tu-ma-asz2-<sza>-su-ma ana _sza3 du10_-ab _du11-ga_ ina _szu-si_-ka _gal_-ti
16. sza _gub3_ 1(u) 4(disz)-szu2 _gu-du_-su _tag_-at 1(u) 4(disz)-szu2 _sag-du_-su _tag_-at u qaq-qa-ra _tag_-at
single ruling
17. _DISZ ki-min suhusz {gesz}nam-tar nita2 suhusz_ {gesz}szu-szum _{u2}igi_-lim _{u2#}igi-nisz_ {u2}tar-musz
18. _{u2#}in#-nu#-usz {u2}eme ur-gi7 sud2_ lu ina _a_ lu ina _[kasz] nag_
single ruling
19. _DISZ na sza3_-szu2 it-te-net-ba-asz-szum 1(u) _kisal_ x [...] x
20. 1(u) _kisal {u2}ma2-eresz-ma2-la2_-e _sud2 hi-hi_ [...] _ti#_
single ruling
21. _DISZ na_ ki-is _sza3 gig sza3-mesz_-szu2 ma-gal# _mu2#-mu2_-hu mu-sze-er-[rit-ta-szu2 _gu7]_-szu2#
22. _{u2}igi-nisz suhusz {gesz}nam-tar nita2_ a-he-en-[na _sud2_ x x x] mal#-ma#-lisz# _ti#_-qe2# [ina _a sed]_
23. tu-la-bak ina _mul4_ tusz-bat ina sze-ri3 _szeg6#_-szal# ta#-sza2#-hal# ina# _dur2#_-szu2 _dub_-ak _si-sa2_-ma# _[ti]_
single ruling
24. _{szim}gur2-gur2 {szim}li {szim}gam-ma pa {gesz}ge6-par3 pa {gesz}SZE.HAR numun_ {u2}ur-ba-ti# [...]
25. _disz_-nisz _gaz sim [ki_ x ...] _{szim}hab hi-hi_ ina _kusz-edin sur_-ri _sag sza3_-szu2 _lal2_-ma _ti_
single ruling
26. _DISZ na_ ki-is _[sza3 gig ninda_ u _kasz] sza3_-szu2 _nu igi_-har-szu2 ina _ka_-szu2 _gur-gur_-ra _tun3_-szu2 u2-sa-hal-szu2
27. ip-ta-na-ru _[uzu-mesz_-szu2 ir]-ta#-nam-mu-u2 _tumu_ ina _dur2_-szu2 _nigin sza3-mesz_-szu2 eb-t,u2 ana _ti_-szu2
28. 1/2(disz) _sila3 a zu2-lum-ma 1/2(disz) sila3 a gazi{sar} 1(u) kisal a-gesztin-na 3(disz) gin2 i3_ hal-s,a 2(disz) _gin2 lal3 1(u) gin2 {u2}kur-ra_
29. _sud2_ ana _sza3 szub_-di ina _ge6_ ana _igi {mul}ud5_ tusz-bat ina _a2-gu2-zi-ga nu_ pa-tan _nag_-szu2
30. _egir_-szu2 1/2(disz) _sila3_ szi-qa _nag_-szu2 ina _ka_-szu2 u _dur2_-szu2 _si-sa2_ tu-_sud_-szu2-ma _ti_-ut,
single ruling
31. _DISZ ki-min mun kur_-i _mun_ a-ma-nim _tesz2-bi sud2_ ina _kasz nu_ pa-tan _nag_-szu2 ina _ka_-szu2 u _dur2_-szu2 _si-sa2_-ma tu-_sud_-szu2-ma _ti_
single ruling
32. _DISZ ki-min {u2}nu-luh-ha 7(disz) sze-mesz {u2}igi_-lim _tesz2-bi sud2_ ina _kasz sag nu_ pa-tan _nag_-szu2 ina _ka_-szu2 u _dur2_-szu2 _si-sa2_-ma _ki-min_
single ruling
33. _[DISZ ki-min] zi3# sze-sa-a zi3_ ha-ru-be di-ik-ta _zu2-lum-ma tesz2-bi sud2_ ina _kasz nu_ pa-tan 2(disz) _u4-[me nag]_
34. [u3 3(disz)] _u4-me_ ina _a-mesz nu_ pa-tan _nag-mesz a-mesz sag sza3_-szu2 tu#-[sa-lah2-ma _ti]_
single ruling
35. _[DISZ ki-min sza3]_-szu2# _a_ u _kasz si-a_-ma {gesz}si#-[ha {gesz}]ar2#-gan#-na {gesz}ba-[ri-ra-ta _disz_-nisz _gaz]_
36. [x x] {u2#}at-⌈kam# ana# _sza3# szub#_-di# [...]
37. [x] rik#-su 1/2(disz) _sila3_ sah-le2-e 1/2(disz) _sila3 {szim}gur2-gur2 1/2(disz) sila3#_ [x x x x x] qut#-ri 1/2(disz) _sila3_ x [x x x]
38. [1/2(disz) _sila3] zi3# munu6 1/2(disz) sila3 zi3 gu2-gal 1/2(disz) sila3 zi3 gu2-tur 1/2(disz) sila3# pa {gesz#}erin#? 1/2(disz) sila3 {u2}kur-ra 1/2(disz) sila3 {u2}ab2-duh#_
39. [1/2(disz)] _sila3# sze10 tu{muszen} 1/2(disz) sila3_ {u2}kam-ti _a-sza3 1(u) gin2 {szim}masz 1(u) gin2 ka a-ab-ba 1/2(disz) sila3 zi3 gig_
40. [1/2(disz)] _sila3# zu2-lum-ma 1/2(disz) sila3 dida sig-ga 1/2(disz) sila3 zi3-kum 1(u) 6(disz) u2-mesz_ an-nu-ti _tesz2-bi gaz sim_
41. [ina _kasz]-sag_ ina _{uruda}szen.tur gin7_ ra-bi-ki tara-bak 3(disz) _u4-me sag sza3_-szu2 _lal2_-id _ninda-mesz_ u _kasz# sza3#_-szu2# _igi#_-har#-ma# _ti_
single ruling
42. _[DISZ] na# sza3_-szu2 ik-ta-na-su-szu2 _{u2}igi_-lim _nu_ pa-tan i-kal ta-sak3 ina _kasz# nu#_ pa#-tan# _nag#-mesz_-ma _ti_-ut,
single ruling
43. _[DISZ] ki#-min {u2}igi-nisz suhusz_ {u2}szur-ne2-e _nu_ pa-tan _gu7-mesz sud2_ ina _kasz nu_ pa-tan _nag-mesz_-ma _ti_-ut,
single ruling
44. _[DISZ] ki-min {u2}ar2-zal-la {u2}har-har {szim#}gig# x x x x x _nu_ pa-tan _ki-min_
single ruling
45. _DISZ ki-min i3-udu_ a-a-ar-_dingir ki i3-nun-na_ u _mun# hi-hi nu_ pa-tan# _gu7#-mesz#_-ma _ti_
single ruling
46. _DISZ ki-min_ kak-ku-sa-kam2# sza2 _pa-mesz_-szu2 _dagal-mesz_ ina _a gazi{sar} sud2_ ina _kasz#_ NE#? x x _nu#_ pa#-tan# _nag-mesz_-ma _ti_
single ruling
47. _DISZ ki-min_ kak-ku-sa-kam2 sza2 _pa#-mesz#_-szu2# _dagal#-mesz#_ u _mun# disz_-nisz _hi#-hi#_ x x x _nu_ pa-tan _nag-mesz_-ma _ti_
single ruling
48. _DISZ# ki-min {u2}kiszi17-hab_ sza2 _pa-mesz_-szu2 _dagal-mesz gin7 lu-ub2#{sar#}_ ta-sa-laq _nag-mesz ti_ [x]
single ruling
49. _[DISZ] ki#-min#_ me-ki _gesz-gi# nu_ pa-tan _gu7 sud2_ ina _kasz nu_ pa-tan _nag# ti#_
single ruling
50. _[DISZ_ x x x x x x] _gig#? tuku u4_-um _sza3_-szu2 _dab_ x [...] x _min# ti_
single ruling
51. [...] _min_
15 lines missing
64. [...] x
65. [...] x

column 2
1. _[DISZ na sza3]_-szu2# _gu7_-szu2 _{u2}har-har mun sud2_ lu ina _[a]_ lu ina _kasz_ lu ina _gesztin_ <<EN2>> ana _sza3 szub_-di _nag_
single ruling
2. _DISZ na sza3_-szu2 _gu7_-szu2 _{u2}har-har_ lu ina _a_ lu ina _kasz nag_
single ruling
3. _DISZ na sza3_-szu2 _gu7_-szu2 {u2}ti-ia-a-ti ina _kasz nag {u2}igi_-lim ina _kasz {u2}igi-nisz_ ina _kasz_
4. {u2}tar-musz ina _kasz {u2}dili_ ina _kasz {u2}gamun-ge6_ ina _kasz {u2}hab_ ina _kasz {u2}har-har_ lu ina _kasz_ lu ina _gesztin_
single ruling
5. _DISZ na sza3-mesz nag-mesz_-szu2 1/2(disz) sila3 zu2-lum-ma 1/2(disz) sila3 nig2-ar3-ra gig-ba 1/2(disz) sila3 lagab munu6_
6. ina 3(disz) _sila3 kasz-sag szeg6_-szal tu-kas,3-,sa ta-sza2-hal _i3#-gesz#_ ana# _igi# szub#_ ana _dur2_-szu2 _dub_-ak
single ruling
7. _u4_-ma _lu-ub2 sum{sar} gamun{sar} sud2_ ina _kasz nag : DISZ ki-min_ hi#-il# x{sar} _sud2_ ina _a szub_-di ina _mul4_ tusz-bat _nag_
8. isz-tu _nag_-u2 _ninda#-i3#-de2#-a_ ina _i3-nun-na gu7# : DISZ ki-min {u2}nu-luh-ha sud2_ ina _kasz nag_
9. _DISZ ki-min {u2}igi_-lim _sud2 ki-min : DISZ ki-min {u2#}sikil sig7 gu7_
single ruling
10. _DISZ na sza3_-szu2 ka-si-szu2 _sum{sar} sig7_-su _{szim}gam-[ma] tesz2#-bi sud2_ ina _a sig3_-as, _nu_ pa-tan _nag_-szu2
11. _zu2-lum-ma_ lu ina _i3-szah_ [lu ina] _i3-gesz gu7_
12. _DISZ ki-min {szim}sze-li babbar sud2_ ina _kasz# [nu_ pa-tan _nag]_-ma# _ti#_
13. _DISZ ki-min {u2}igi_-lim _{u2}igi-nisz_ {u2}tar-musz _suhusz {gesz}nam-tar# [nita2_ x x mal]-ma#-lisz# _hi-hi_
14. ina _kasz_ tara3-sa-an ina _mul4_ tusz-bat ina sze-ri3 ba-lu pa-tan# [x x] KI# _gar_-nu _nag_-szu2 _ti_
single ruling
15. _DISZ na sza3_-szu2 ik-ta-na-su-szu2 _sza3-mesz_-szu2 ma-gal nap-[hu] _{u2#}har-har gi du10-ga {szim}mug_
16. _{szim}li_ ana _sza3_-bi _szub_-di _szeg6_-szal ta-sza2-hal lu ba-hir2 ana _dur2_-szu2 _dub_-ma _ti_
single ruling
17. _DISZ na ninda gu7 kasz nag_-ma i-szi-bi _sza3_-szu2 ik-ta-na-su#-szu2# _dab-mesz_-su _sza3-mesz_-szu2 _mu2-mu2_
18. u i-sil _sza3_-szu2 mu-sze _kin-nim gig_ ana _ti_-szu2 {gesz}e-re-na _{gesz}szur-min3 gi du10-ga {szim}bal_
19. _{szim}gir2 {u2}har-har 5(disz) u2-hi-a szesz tesz2-bi_ ta-ka-sim ana _kasz szub_-di _szeg6_-szal
20. ta-sza2-hal _lal3_ u _i3_ hal-s,a ana _sza3 szub_-di lu ba-hi-ir ana {kusz}masz-qi2-ti te-si-ip ana _dur2_-szu2 _dub_-ma#? _[ti]_
single ruling
21. _[en2 sza3-mesz_ it]-ta#-nap-sza2-ru ze-er kar-szi# _sza3-nigin_ ku-us,-s,u-ru#-ti# [...]
22. [x x] hir#? ik-le-ta ki-i me-e hi-ri-ti a-la-pa-a na-du-u2 _igi-mesz_-szu2
23. sza#-[ar] _edin_ e-di-ip na-t,i i-ta-naq-qi2 _szu edin_ ma-la _er2-mesz_-szu2
24. e-ta#-na#-ba-la sza-pa-tu-szu2 i-ta-na-pa-as, ki-ma _ku6-mesz_ it-ta-nak-bir ki-ma _musz_
25. e-[mur]-ma# {d}gu-la na-di-na-at ba-la-t,i2 _nam-lu2-ulu3{lu}_ ina _e2 {d}asal-lu2-hi_ u2-bil et,-lu
26. _{d}idim_ re-me2-nu-u ip-pa-lis-su-ma gi-sza-ma _ti_-ut, et,-lu
27. szum-ma _tumu_ ina _dur2_ lu-s,i szum2-ma gi-sza-tu ina nap-sza2-ti li-sze-s,i _tu6 en2_
single ruling
28. _ka# inim#-ma_ ana ki-is _sza3 szid_-nu
single ruling
29. _DISZ# [na_ e]-ta#-na-sza2-asz2 _ninda_ u _kasz_ la i-mah-har _masz-sila3-min_-szu2 _gu7-mesz_-szu2
30. _[sag-du_-su] gi-na-a _la2 i3-nun-na gu7 u4 7(disz)-kam sum{sar} sum-sikil{sar} ga-rasz{sar} nu gu7_
31. [ina _a {gesz}sze-nu] ra-mesz_-as, _numun {u2}ukusz2-hab numun {u2}har#-har sud2_ ina _kasz nag_-ma _ti_
single ruling
32. _[DISZ ki-min_ x x _nig2]-sila11#-ga2 had2-a sud2_ ina _kasz {lu2}kurun2-na nag numun {u2}ukusz2-hab : numun {szim}li numun {gesz}sze-nu sud2_ ina _kasz nag_
single ruling
33. _[DISZ na_ ki-is _sza3 gig]_ ana# ki-is _sza3 kud_-si _{u2}igi_-lim _{u2}igi-nisz_ {u2}tar-musz : {u2}tar-musz8
34. [x x x x x x x] ina _i3_ u _kasz nag_
single ruling
35. _[DISZ ki-min_ x x] ina# _kasz# nag pesz2-sila3-gaz_ sza2-bu-la _gu7_
36. [x x x] {u2#}kak-ku-sak-ku sza2 _pa-mesz_-szu2 _dagal-mesz {u2}hab {u2}igi_-lim _sud2_
37. [ina _i3]-kur#-ra# : i3 sikil nag mun_ ina _kasz nag mun_ ina _a nu_ pa-tan _nag_-ma ina-esz
single ruling
38. _[DISZ] na# sza3_-bi _sza3_-bi _gu3-gu3_-si {u2}ur2-ne2-e _{u2}har.har_ {u2}ti-ia-tu2
39. _{u2#}nu#-luh-ha {u2}kur-ra_ sah-le2-e {u2}tar-musz8 _{u2#}igi_-lim _{u2}igi-nisz_ {u2}ak-tam
40. _{u2}in#-nu-usz {gesz#}szinig# 1(u)# 2(disz)# u2#-hi#-a# szesz#_ ba-lu pa-tan ina _kasz nag-mesz_
single ruling
41. _DISZ na sza3_-szu2 ik-ta-na-ar# _{gesz}szinig {u2}in-nu-usz gesz# bur2# sud2_ ina _kasz nu_ pa-tan _nag_-ma ina-esz
single ruling
42. _suhusz_ {gesz}szu-szi _suhusz {gesz#}nam#-tar nita2_ {u2}tar-musz8 _{u2}igi_-lim _{u2}igi-nisz {u2}in6-usz2 numun {u2}in6-usz2#_
single ruling
43. 7(disz)# _u2-hi-a_ ki-is _sza3_-bi ina _kasz nag#_
single ruling
44. 1(disz) _gin2 mun_ eme-sal-lim {szim#}[x] {szim#}li disz_-nisz _gaz [sim]_
45. ina _kasz szeg6_-szal [x x ana] _sza3# szub#_-di ana _dur2_-szu2 _dub#_-[ak-ma _ti]_
single ruling
46. _en2_ mi#-na#-a ma-lu-u2 lib#-bu#-[ka mi-na-a ma-lu]-u2# lib-bu#-[ka]
47. U2-me ma2?-nu? lisz!?-[x ...] _gu2?-[gal]_ ina lib-bi-ka#
48. [lisz-sza2]-a# [...] li#-pat-ta-a _id2-mesz#_
49. [...] du#-ma li-s,u-ni zu-u2-szu2#
50. [...] li#-mur _en2_ ul iu-tu-un
51. [...] {d}gu-la _ti-la_ qisz-tu2 _ti_-e _en2_
52. _[en2 sza3_-bu _sza3_-bu e-ki-a-am tal-lak _sza3_-bi _gurusz_ ina] _gu7#_-ia _sza3_-bi _ki-sikil_ ana _gaz_-ia
53. _[sza3_-bi _gurusz_ la ta-kal _sza3_-bi _ki-sikil_ la ta-ha-pi a-kul] _sza3_-bi _gu4_ ina ur2-re-e li-kul
54. _[sza3_-bi _udu-nita2_ ina su-pu-ri] _sza3#_-bi _szah_ ina a-sur-re-e#
55. [...] x LUH u {d}gu-[la x x]
56. [...] x TA#? x [x x x x]
5 lines missing
62. BAR [...]
63. LU2 [...]
single ruling
64. _ka# [inim-ma sza3-gig-ga-kam2]_

reverse

column 1
3 lines missing
single ruling
4. _en2_ [...]
5. UL# [...]
6. KI# [...]
5 lines missing
12. A [...]
13. _sza3_ [...]
14. _sza3 nenni [a nenni_ ...]
15. _nag_ u [...]
single ruling
16. _ka inim#-[ma_ ...]
single ruling
17. _kid3-kid3-bi#_ [...]
18. 7(disz)-szu2 u 7(disz)-szu2 _naga# [si_ ...]
19. _ta uruda_ na-ah#-[ma-s,i ...]
20. ana _igi {d}utu en2_ sza2#-[szu2 x x] _szid#_-nu# [...]
21. ina _ki_ ta-sa-rim [...] x ina _giri3_ 1(u)# 5(disz)# x x x [...]
22. ina na-kap _giri3_ [1(u) 5(disz) u] 2(gesz2) 3(u) i-na-as-suk-ma _[ti]_
single ruling
23. _en2 sza3 {d}utu_ ina _kur_-i [...] _gig_-ma _u2 sza3_ ina ma2-kan{ki} a-s,i-ma {d}3(u) x [x]
24. sza2 _{d}utu_ im-me-ru pa#-nu#-szu2 _{d}utu_ szam-ma _ta kur_ u2-sze-ri-dam
25. isz-kun-ma ina qaq-qa-ri szur-szu-szu qaq-qa-ra _si-a si-mesz_-szu2 _an_-e nak-pa
26. is,-bat _sza3 {d}utu_ ina# le#-ki-szu is,-bat _sza3 {d}3(u) ina _dungu-mesz_ is,-bat _sza3 gu4_ ina tar-ba-s,i
27. is,-bat _sza3 udu-nita2_ ina su-pu-ri is,-bat _sza3 ansze_ ina su-gul-li
28. is,-bat _sza3 ur-gi7#_ ina szi-ga-ri is,-bat _sza3 szah_ ina ir-ri-ti
29. is,-bat _sza3 gurusz_ ina me-lul-ti is,-bat _sza3 ki-sikil_ ina ur-szi-sza2
30. is,-bat _sza3 nenni a nenni_ tu-mu-re-e tu-ga-re-e
31. a-na e-ri-szi-szu-ma _su_-szu2 i-di e-ma isz-ku-nu i-di _tu6 en2_
single ruling
32. _kid3-kid3-bi_ {u2}ur2-ne2-e _{u2}nu-luh-ha_ {u2}ti-ia-tu2 _gazi{sar} {u2}kur-ra_
33. _disz_-nisz _sud2_ ina _kasz# sig3_-as, _en2_ ana _sza3 szid_-nu ina _szu gub3_-szu2 _nag_-ma _ti_
single ruling
34. _en2#_ szam#-mu# [sza2 _sza3]_-bi ina _kur_-i a-s,i-ma as-suh-szu2-ma is,-s,a-bat _sza3_-bi
35. [...] aq-bi-ma is,-s,a-bat _sza3_-bi {d}utu
36. [ana _an_ u _ki_ aq]-bi#-ma is,-s,a-bat _[sza3_-bi] _an#_ u _ki_
37. [ana u2-ma-me aq-bi-ma is,]-s,a-bat _sza3_ u2-ma-me a-na# [...]
38. [... _sza3]_-bi {d}utu lip-pa-szir ki-ma# [...] x
39. [... lip-pa]-szir ki-ma _sza3_-bi _an_ u _ki_ [x x x x x x] x ME# A#
single ruling
40. _[du3-du3-bi_ ...] x _szid_-nu ina _ka_-szu2 u2-[x ...] ina-esz
single ruling
41. _[en2_ a]-na# _igi tur3#?_ li#? x x [x] sa-bi#-tu4
42. nam#-zi-tu4 a-szi-szi-tu4 ina a-mat _{d}amar-utu_ ina qi2-bit _[{d}]utu# lu2_ lib-lut, _tu6 en2_-pi
single ruling
43. _en2 tumu_ el-lu sza2 ina _kur_-i asz2-bu man-nu ub-lak-ka# [na-pisz]-tu2#? sza2 a-me-lu-ti
44. sza2 _uzu_-szu2 la a-ka-lim sza2 _bur3-bur3_-lu-sza2 la szi [...] SA _tumu_ ana szu-bur-ri
45. ki-ma s,e-er ka-ra-nim <lit>-ta-as,-s,i [...] _tu6 en2_
single ruling
46. _kid3-kid3-bi_ {u2}ti-ia-tu2 _gazi{sar} x [...] x
47. _i3-gesz_ ana pa-ni ma-asz-ti-i ta-za-ru3 3(disz)-szu2 [...]
single ruling
48. [...]
49. [... {u2}]ti#-ia-tu2 _gazi{sar} ta-mar-raq ina _kasz nag_
single ruling
50. _DISZ ki-[min_ ...] ina _i3-gesz_ u _kasz-sag nag_
51. _en2_ e-sil ki#-[ma na]-di# na-pi-ih-ma ki-ma lu-up-pi
52. ka-na-szu#-u2# [ina] _ka#_-szu2 szu-u2 _{gesz}ma-nu e3_-ma _tu6 en2_
single ruling
53. _kid3-kid3-bi_ ina _szu-si giri3_-ka# _gal_-ti sza2 _gub3 en2_ 7(disz)-szu2 ana _ugu en3-dur_-szu2 _szub_-ma ina-esz
single ruling
54. _en2# sza3_ nam-zi-tu4 bi-la-as-su _uh tu6 en2_
single ruling
55. _kid3-kid3-bi_ ina _szu-si giri3_-ka _gal_-ti sza2 2(gesz2) 3(u) _en2 szub_-di u ina _szu-si_-ka tu2-mar-rat,-ma ina-esz
single ruling
56. _en2_ sza-ru-um-mi sza2-ru sza2-ru _izi dingir-mesz_ at-tu2 sza-ru sza bi-rit ze-e
57. u szi-na-a-ti at-tu2 tu-s,i-a-ma it-ti _dingir-mesz szesz-mesz_-ka na#-di-a-at _{gesz}gu-za_-ka _en2_
single ruling
58. _kid3-kid3-bi {u2}eme ur-gi7 had2-a sud2_ ina _i3-gesz szub_-di _en2 szid_-nu _szesz2_-su-ma ina-esz
single ruling
59. _en2_ lib-bu-ma _sza3_-bu _sza3_-bu da-an _sza3_-bu qar-rad _gin7 ur-mah_ ma-li# pu-luh-[ta]
60. ki-ma _ur-bar-ra_ la-ka-da usz-szur _en2_ ul ia-at-tu2 _en2#_ {d}gu-la
single ruling
61. _en2_ a-nam-di _en2_ ana _dumu-munus_ {d}e2-a a-nam-di _en2_ ana _dumu-munus_ {d}a-nim
62. a-nam-di _en2_ ana _dumu-munus dingir_ asz-szum mi-ni-i asz-szum mi-ni-i asz-szum ka-bat-ti asz-szum li-ib-bi
63. asz-szum li-ib-bi asz-szum li-ib-bi mar#-s,i# _tu6 en2_
single ruling
64. _kid3-kid3-bi siki babbar dur nu-nu 7(disz) ka-keszda keszda#_ [tu-pa-asz]-szah#?-szu2 _keszda_-ma ina-esz
single ruling
65. _en2_ ana li-bur-za-ni-nu qi2-bi# [... x]-pa _abgal#_-ma
66. ta#-pi# at-tu2 u a-na-ku kul-lat _kur_ ni-ti-qam-ma# _a tul2_ ha# [...]

column 2
1. [...] qa2#-ti mar-s,i s,a-bat _en2 {d}e2-a _szub_-szu2-ma _lu2_ lib-lut,
single ruling
2. [... _{u2}nu-luh]-ha_ {u2}ti-ia2-tu2 _mun_ ta-mar-raq
3. [...] szu2# ina szu-ka ta-mar-rat,
single ruling
4. [...] x-tim a-na li-bur-na-din isz-pur-an-ni
5. [...] ina a-hi _tul2_ sza2 _kur_-i
6. [...] ul nu-usz-ba-am-ma
7. [... _nenni] a nenni_ ra-szi _dingir_ ana mah-ri-ka
8. [...] x MI AL KUL _tu6 en2_
single ruling
9. [...] x sza2 _en2_ ana x [...] _szub_-u2
10. [... ta]-de#-ek-ki-szu-ma i-ne-[esz]
single ruling
11. [...] _dumu#? {d}utu_ ina _an_-e u _ki_-te _min_
single ruling
12. _[en2_ ...] _ni2#_-szu2 _szid_-nu
single ruling
13. [...] _bala# lugal#_ e-mur-szu2-ma _{d}asal-lu2-hi_ ih-ba-a _a-mesz abzu_
14. [...] _bir#_ ina qa2-ti-szu _gesz-hur sza3_-bi ana {d}e2-a be-li2-szu
15. _en2#_ ul# iu-tu-un _en2 {d}1(gesz2)_ u _{d}asal-lu2-hi en2_ {d}gu-la _gaszan en2 tu6 en2_
single ruling
16. _kid3-kid3-bi {u2}nu-luh-ha mun ti_-qi2 _en2_ 3(disz)-szu2 ana _sza3 szub_-ma i-man-zaq-ma _ti_
single ruling
17. _en2_ da-an _sza3_-bu qar-rad _sza3_-bu sza2 _sza3_-bi ar-ra-qa _igi-min_-szu2 pur-si-it _mud2_ na-szi-ma
18. ir-ru sa-hi-ru-ti ul-lu-lu ina a-hi-szu2 e ta-szit, _sza3_-bu e ta-tu-ra _min_
19. ana _gurusz_ dam-qi2 ana _ki-sikil_ da-me-eq-tu4 usz-szir3 _gurusz_-ma _e2_ li-pu-usz
20. usz-szir3 _ki-sikil_ qin-na liq-nun ir-ru suh4-hu-ru ze-er kar-szum
21. u3 szi-i ri-qi2-tu2 bu-up-pa-ni-sza2 sah-pat lisz-lim kar-szum ir-ri lisz!-te-szi-ru-ma
22. ri-qi2-tu4 lit-ru-us, _gin7 tumu_ ina szu-bur-ri _gin7#_ ge-szu-ti ina na-pisz-ti li-s,a-a _en2_
single ruling
23. _kid3-kid3-bi 7(disz) lag mun_ ina _sza3_-bi _szub en2_ 7(disz)-szu2 _szid_-nu _nag_-szu2-ma ina-esz
single ruling
24. _en2 sza3_-bu _sza3_-bu e-ki-il _sza3_-bu _gin7_ mu-szi-ti3 ma-li nam-ri-ri
25. [i]-na#? qab-li-ti ul i-szu a-pa-tu2-ma ul u2-szir3-szu ma-am-ma
26. [ir]-ru su-hu-ru ze-er kar-szum u3 szi-i ri-qi2-tu2 bu-up-pa-ni-sza2 sah-pat
27. [li]-it-ru-us, kar-szu2 ri-qi2-tu2 lit-ru-us,
28. _[gin7]_ sza2-a-ri a-na szu-bur-ri ki-ma ge-szu-te a-na _zi-mesz_
29. _[gin7]_ zu-u'-ti u2-pa-t,i u di-ma-ti ka-la _su_-szu2 na-szal-li-la-ni
30. _en2#_ ul iu-ut-tu _en2_ {d}e2-a u _{d}asal-lu2#-hi en2_ {d}da-mu u {d}gu-la
31. _[en2] {d}nin#-girim3# en en2 tu6 en2_
single ruling
32. _[kid3]-kid3#-bi_ ana _sza3_-bi 1(u) _lag mun 7(disz)-ta-am3 en2 szid_-nu
33. [ina] _gub3#_-ka _suhusz_ szu-szi ina _gub3_-szu2 i-mah-har szu#-sza# _nag_-ma ina-esz
single ruling
34. _[en2 sza3]_-bu#-ma _sza3_-bu qar-rad _sza3 kas4_ sza _sza3_ ze-ra _igi-min_-szu2 pur-sit2 da-a-me
35. [...] x _sza3_-bu a-ia-sza2 ta-lak _sza3_-bu a-ia-sza2 ta-s,a-bur _sza3_-bu
36. [...] _sahar-hi-a_ [...]
37. [...]
38. [...] pad su [...]
39. [...] sza2-a-ru# [...] i-pa-szar pi-szer3-szu
40. [...] lip-szur li-szi# [...] sze ana _ka2_ li-sze-s,i _tu6 en2_
single ruling
41. _[ka inim]-ma en2#_ sza2 _sza3 dab_-szu2
single ruling
42. _[kid3-kid3-bi] i3-gesz# sza3_-szu2 _esz-mesz en2_ an-ni-tam 3(disz)-szu2 _szid_-nu
single ruling
43. _[DISZ na en3]-dur#_-su _du8_-at _{na4}pesz4 ansze# {u2}sikil {u2}szakira {szim}li_
44. [...] 5(disz)# _u2-hi-a szesz tesz2-bi sud2_ ina# [...] x ina# _en3-dur_-szu2 tu-na-tak
45. _[u2-hi-a] szesz#_-ma ina _kasz sila11_-asz tara-bak [... _{u2}]igi#-nisz#_ {u2}tar-musz
46. [...] _sud# sur_ tusz-ta-na-as-[sa3-qam2 ...] _ti_
single ruling
47. [... {u2}]s,i#-bu-ra _{u2}dili tesz2-bi_ [...]
single ruling
48. [...] _{u2}igi_-lim _sud2_ ina _gesztin sur-[ra_ ...]
single ruling
49. [... _en3]-dur#_-su _szub-mesz_-su ana _ti_-szu2 {u2}im-hur-asz-na _suhusz#_ [...]
50. [...] ti ina _kasz_ ina _gesztin du10-ga nag-mesz_-ma _ti_
single ruling
51. _DISZ# na# sza3_-szu2 _gig ga ab2 ku3-ga i3-nun-na u4 2(disz)-kam2 nag_
52. _dub 1(disz)-kam DISZ na_ su-a-lam _gig_ ana ki-is _sza3 gur_-<szu2>
53. _e2-gal man-szar2-du3-a lugal szu2 szar4 kur an-szar2{ki}_ sza {d}ag {d}tasz-me-tu4 _gesztu-min dagal_-tu4 isz-ru-ku-usz
54. e-hu-uz-zu _igi-min_ na-mir-tu4 ni-siq t,up-szar-ru-ti
55. sza ina _lugal-mesz_-ni a-lik mah-ri-ia mam2-ma szip-ru szu-a-tu la e-hu-uz-zu
56. bul-t,i _ta_ muh-hi _en umbin_ liq-ti _bar-mesz_ ta-hi-zu nak-la
57. _a-zu-gal_-lu-ut _{d}nin-urta_ u {d}gu-la ma-la ba-asz-mu
58. ina t,up-pa-a-ni asz2-t,ur as-niq _igi-kar2_-ma
59. a-na ta-mar-ti szi-ta-si-ia qe2-reb _e2-gal_-ia u2-kin
single ruling


Version History

  Page: 1