CDLI-Found Texts

RINAP 4 Esarhaddon 001, ex. 002
Click for archival page

Primary publication	RINAP 4 Esarhaddon 001, ex. 002
Author(s)	Leichty, Erle V.
Publication date	2011
Secondary publication(s)
Collection	British Museum, London, UK
Museum no.	BM 091030 +
Accession no.	K 01667 + K 06387 + K 091030 + 1848-11-04, 0315
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Esarhaddon.08.n.00 ?
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20100217 cdliadmin_bmcat
ATF source	Leichty, Erle V. & Novotny, Jamie R.
Translation	no translation
UCLA Library ARK	21198/zz00207kzx
Composite no.	Q003230
Seal no.
CDLI no.	P393959

Can you improve upon the content of this entry?
Please contact us!

(click on image to enlarge)

Prism

surface a

column 1
beginning broken
1'. [...] lil-[...]
2'. [x]-la-nu-u2-a [...]
3'. [_x]-mesz kur_ asz-szur{ki} sza a-de-[...]
4'. a-na na-s,ar _lugal_-ti-ia2# [...]
5'. ul il-li-ku [...]
6'. a-na-ku {disz}{d}asz-szur-pap-asz sza [...]
7'. ina qe2-reb ta-ha-zi la i-[...]
8'. ep-sze-ti#-[x]-nu# lem-ne2-e-[...]
9'. [...] aq#-bi#-[...] ru-[...]
10'. u2-szar-rit,-ma u2-sza2-as,-ri-[...]
11'. la-ab-bi-isz an-na-dir-ma is,-s,a-ri-ih ka-bat-[x]
12'. asz2-szu2 e-pesz _lugal_-ti _e2 ad_-ia _ir_-pi-sa rit-ti-ia
13'. a-na {d}asz-szur {d}3(u) {d}utu {d}en {d}ag u {d}u-gur
14'. _{d}1(u)-5(disz)_ sza nina{ki} _{d}1(u)-5(disz)_ sza {iri}limmu2-dingir
15'. qa-a-ti asz2-szi-ma im-gu-ru qi2-bi-ti
16'. ina an-ni-szu2-nu ke-nim _uzu_ ta-kil-tu2
17'. isz-tap-pa-ru-nim-ma a-lik la ka-la-ta
18'. i-da-a-ka ni-it-tal-lak-ma ni-na-a-ra ga-ri-i-ka
19'. 1(disz)-en u4-me 2(disz) u4-me ul uq-qi2 pa-an _erin2 hi-a_-ia ul ad-gul
20'. ar-ka-a ul a-mur pi-qit-ti _ansze-kur-ra-mesz_ s,i-mit-ti _szudun_
21'. u3 u2-nu-ut _me3_-ia ul a-szu-ur
22'. s,i-di-it ger-ri-ia ul asz2-pu-uk
23'. szal-gu ku-us,-s,u {iti}ziz2 dan-na-at _en-te-na_ ul a-dur
24'. ki-ma u5-ri2-in-ni mu-up-pa-ar-szi
25'. a-na sa-kap za-'i-i-ri-ia ap-ta-a i-da-a-a
26'. har-ra-an nina{ki} pa-asz2-qi-isz ur-ru-uh-isz ar-de-ma
27'. el-la-mu-u8-a ina _ki_-tim {kur}ha-ni-gal-bat gi-mir {lu2}qu-ra-di-szu2-un
28'. s,i-ru-ti pa-an ger-ri-ia s,ab-tu-ma u2-sza2-'a-lu _{gesz}tukul_-szu2-un
29'. pu-luh-ti _dingir-mesz gal-mesz en-mesz_-ia is-hup2-szu2-nu-ti-ma
30'. ti-ib _me3_-ia dan-ni e-mu-ru-ma e-mu-u mah-hu-tisz2
31'. {d}isz-tar be-let _muru2 me3_ ra-a'-i-mat sza-an-gu-ti-ia
32'. i-da-a-a ta-zi-iz-ma _{gesz}pan_-su-nu tasz-bir
33'. ta-ha-za-szu2-nu ra-ak-su tap-t,u-ur-ma
34'. ina _ukken_-szu2-nu iq-bu-u um-ma an-nu-u _lugal_-a-ni
35'. ina qi2-bi-ti-sza2 s,ir-ti i-da-a-a it-ta-na-as-ha-ru ti-bu-u
36'. _egir#_-[x x] ka#-lu-mesz i-dak-ka-ku u2-s,al-lu-u be-lu-ti

column 2
beginning broken
1'. [...] ha-si-is [...]
2'. [...] in#-szi-ma i-na da-li-ih-ti [...]
3'. [_...] hi-a_-szu2 _karasz_-su id-ke-e-ma a-na {disz}{d}nin-gal-[x x]
4'. _{lu2}gar-kur_ <szesz>-unu{ki} ar-du da-gil2 pa-ni-ia
5'. ni-i-tu il-me-szu-ma is,-ba-tu mu-s,a-a-szu2
6'. ul-tu {d}asz-sur {d}utu {d}en u {d}ag _{d}1(u)-5(disz)_ sza nina{ki}
7'. _{d}1(u)-5(disz)_ sza {iri}limmu2-dingir ia-a-ti {disz}{d}asz-szur-pap-asz
8'. ina _{gesz}gu-za ad_-ia t,a-bisz u2-sze-szi-bu-ni-ma
9'. be-lut _kur_ u2-szad-gi-lu pa-ni-ia szu-u2 ul ip-lah3
10'. na-de-e a-hi ul ir-szi-ma ar-di ul u2-masz-szir
11'. u3 {lu2}rak-bu-szu a-di mah-ri-ia
12'. ul isz-pu-ra-ma szul-mu _lugal_-ti-ia ul isz-al
13'. ep-sze-te-e-szu lem-ne2-e-ti ina qe2-reb nina{ki} asz2-me-e-ma
14'. lib3-bi i-gug-ma is,-s,a-ri-ih ka-bat-ti {lu2}szu-ut _sag-mesz_-ia
15'. _{lu2}nam-mesz_ sza2 pa-a-t,i _kur_-szu2 u2-ma-'e-er s,e-ru-usz-szu2
16'. u3 szu-u {disz}{d}ag-numun-zi-gesz ba-ra-nu-u na-bal-kat3-ta-nu
17'. a-lak _erin2 hi-a_-ia isz-me-ma a-na {kur}elam-ma{ki} sze-la-bisz in-na-bit
18'. asz2-szu2 ma-mit _dingir-mesz gal-mesz_ sza e-te-qu {d}asz-szur {d}3(u) u {d}utu
19'. {d}en u {d}ag an-nu kab-tu e-mi3-du-szu-ma
20'. qe2-reb {kur}elam-ma{ki} i-na-ru-szu ina _{gesz}tukul_
21'. {disz}i-{d}mar-duk _szesz_-szu ep-szet {kur}e-lam-ti
22'. sza a-na _szesz_-szu i-tep-pu-szu e-mu-ur-ma
23'. ul-tu {kur}e-lam-ti in-nab-tam-ma a-na e-pesz _ARAD2_-ti-ia
24'. a-na _kur_ asz-szur il-lik-am-ma u2-s,al-la-a be-lu-ti
25'. _kur_ tam-tim a-na si-hir-ti-sza2 ri-du-ut _szesz_-szu2 u2-szad-gil2 pa-nu-usz-szu2
26'. szat-ti-szam-ma la na-par-ka-a it-ti ta-mar-ti-szu2 ka-bit-tu
27'. a-na nina{ki} il-lak-am-ma u2-na-asz2-sza2-qa _giri3-min_-ia
single ruling
28'. {disz}ab-di-mil-ku-ut-ti _lugal_ {iri}s,i-dun-ni
29'. la pa-lih3 be-lu-ti-ia la sze-mu-u2 zi-kir szap-ti-ia2
30'. sza2 _ugu_ tam-tim gal-la-ti it-tak-lu-ma is-lu-u _{gesz}szudun_ asz-szur
31'. {iri}s,i-dun-ni _iri_ tuk-la-ti-szu2 sza qe2-reb tam-tim na-du-u

column 3
beginning broken
1'. ina er-s,e-et {kur}hu-bu-usz#-[...]
2'. u2-ra-as-si-ib# [...]
single ruling
3'. ak-bu-us ki-sza2-di _ug3-[mesz_ ...]
4'. szad-du-u2-a a-szi-bu-ti [...]
5'. sza2 t,e-hi {kur}ta-ba-la {lu2}ha-[...]
6'. sza2 _ugu kur-mesz_-szu2-nu dan-nu-ti [...]
7'. ul-tu u4-me pa-ni la kit-nu#-[...]
8'. 2(u) 1(disz) _iri-mesz_-szu2-nu dan-nu-te a-di [...]
9'. sza2 li-me-ti-szu2-nu al-me ak-[...]
10'. ap-pu-ul aq-qur ina {d}[...]
11'. si-it-tu-ti-szu2-nu sza hi-it,-t,u [...]
12'. la i-szu-u2 kab-tu2 ni-ir be-lu-ti-ia [...]
single ruling
13'. ad-isz {kur}bar-na-ka-a-a lem-nu-[x x]
14'. a-szi-bu-ti {iri}du6-a-szur-ri sza ina pi-i [x x]
15'. {kur}mi-ih-ra-a-nu {kur}pi-ta-a-nu i-nam-bu-u zi-kir-[x x]
single ruling
16'. u2-sap-pi-ih _ug3-mesz_ {kur}man-na-a-a qu-tu-u2 la sa-an-qu3#
17'. u3 _erin2 hi-a_-szu2 {disz}isz-pa-ka-a-a {iri}as-gu-za-a-a
18'. kit-ru la mu-sze-zi-bi-szu2 a-na-ar ina _{gesz}tukul_
single ruling
19'. asz2-lul {kur}e2-{disz}dak-kur-ri sza qe2-reb {kur}kal-di a-a-ab babila2{ki}
20'. ak-mu {disz}{d}utu-ib-ni _lugal_-szu isz-hap-pu ha-bi-lu
21'. la pa-li-hu zik-ri _en en-en_
22'. sza2 _a-sza3-mesz dumu-mesz_ babila2{ki} u3 bar2-sipa{ki}
23'. ina pa-rik-ti it-ba-lu-ma u2-ter-ru ra-ma-nu-usz
24'. asz2-szu2 a-na-ku pu-luh-ti {d}en u {d}ag i-du-u
25'. _a-sza3-mesz_ sza2-ti-na u2-ter-ma pa-an _dumu-mesz_ babila2{ki}
26'. u3 bar2-sipa{ki} u2-szad-gil2
27'. {disz}{d}ag-szal-lim _dumu_ {disz}ba-la-si
28'. [x x] _gu-za_-szu2 u2-sze-szib-ma i-sza2-t,a ab-sza2-a-ni

column 4
beginning broken
1'. [...]-te
2'. [...]-szu2-un
3'. [...]-kin# e-li-szu2-un
single ruling
4'. [...]-gu-u2 sza2 i-te-e _e2-mun_
5'. [...] sza pa-a-t,i {kur}bi-ik-ni _kur {na4}za-gin3_
6'. [...]-ma la ik-bu-su _ki_-tim _kur_-szu2-un
7'. [...]-ar-na _{lu2}en-iri-mesz_ dan-nu-ti
8'. [...]-i-ri sza2-a-szu2-nu a-di _ug3-mesz_-szu2-nu
9'. [...] _gu4-mesz_ s,e-e-ni {ansze}u2-du-ri
10'. [...]-tu2# asz2-lu-la a-na qe2-reb _kur_ asz-szur{ki}
single ruling
11'. [...] na-gu-u2 sza a-szar-szu2 ru-u2-qu
12'. [x x] na#-ba-li qaq-qar _mun_ a-szar s,u-ma-me
13'. [x x] 2(u) _danna_ qaq-qar ba-a-s,i pu-qut-tu2 u _{na4}zu2-masz-da3_
14'. a-szar _musz_ u _gir2-tab gim_ kul-ba-bi ma-lu-u _a-gar3_
15'. 2(u) _danna_ {kur}ha-zu-u szad-di _{na4}sag-gil-mud_
16'. a-na _egir_-ia u2-masz-szir-ma e-ti-iq
17'. na-gu-u2 szu-a-tu2 sza ul-tu _u4-mesz_ ul-lu-ti
18'. la il-li-ku _lugal_ pa-ni mah-ri-ia
19'. ina qi2-bit {d}asz-szur _en_-ia qer-bi-szu2 szal-t,a-nisz at-tal-lak
20'. {disz}ki-i-su _lugal_ {iri}hal-di-su {disz}ak-ba-ru _lugal_ {iri}il-pi-a-te
21'. {disz}ma-an-sa-ku _lugal_ ma-gal-a-ni {munus}ia-pa-a' szar-rat {iri}di-ih-ra-a-ni
22'. {disz}ha-bi-su _lugal_ {iri}qa-da-ba-a' {disz}ni-ha-ru _lugal_ {iri}ga-a'-ia-ni
23'. {munus}ba-as-lu szar-rat {iri}i-hi-lu {disz}ha-ba-zi-ru _lugal_ {iri}pu-da-a'
24'. 8(disz) _lugal-mesz_ sza2 qe2-reb na-ge-e szu-a-tu2 a-duk
25'. ki-ma _munu4_ asz2-ta-t,i pa-gar qu3-ra-di-szu2-un
26'. _dingir-mesz_-szu2-nu _nig2-szu_-szu2-nu _nig2-gur11_-szu2-nu _ug3-mesz_-szu2-nu asz2-lu-la a-na qe2-reb _kur_ asz-szur{ki}
27'. {disz}la-a-a-le-e _lugal_ {iri}ia-di-i' sza la-pa-an _{gesz}tukul_-ia in-nab-tu2

column 5
beginning broken
1'. [...] hat-tu2 [...]
2'. [...]-szu2-nu it-[...]
3'. [...] la hat,-t,e-[...]
4'. [...]
5'. [...]
6'. [...] _gal-mesz_ [...]
7'. [...] _en_ u {d}ag {d}[...]
8'. [...] _ugu#_ na-ki-ri-ia ina li#-[...]
9'. [...] am-s,u-u [...]
10'. [...] ina ki-[...]
11'. [...]
12'. [...]-nam-me-ra _gin7_ u4-me
single ruling
13'. [...] sza nina{ki}
14'. sza [...]
15'. a-na [...]
16'. _{ansze}kunga-mesz {gesz}gigir_-[...]
17'. u szal-la-at na-ki-ri gi-[...]
18'. sza2 {d}asz-szur _man dingir-mesz_ a-na esz-qi2 _lugal_-ti-ia [...]
19'. a-na szit-mur _ansze-kur-ra-mesz_ szi-tam-du-uh _{gesz}gigir-mesz_
20'. asz2-ru szu-a-tu2 i-mi-s,a-an-ni-ma _ug3-mesz kur-kur_ hu-bu-ut _{gesz}pan_-ia
21'. {gesz}al-lu tup-szik-ku u2-sza2-asz2-szi-szu2-nu-ti-ma il-bi-nu _sig4 hi-a_
22'. _e2-gal-tur-ra_ szu-a-tu2 a-na si-hir-ti-sza2 aq-[x x]
23'. qaq-qa-ru ma-a'-du _gin7_ a-tar-tim-ma ul-tu _sza3 a-sza3-mesz_ [...]
24'. _ugu_-szu2 usz-rad-di ina {na4}pi-i-li _na4 kur_-i <dan-ni> _usz8_-sza2 ad-[x x]
25'. tam-la-a u2-mal-li ad-ke-e-ma _lugal-mesz_ {kur}hat-ti u e-ber _i7#_
26'. {disz}ba-'a-lu _lugal_ {kur}s,ur-ri {disz}me-na-se-e _lugal_ {iri}ia-u2-di
27'. {disz}qa-usz-gab-ri _lugal_ {iri}u2-du-me {disz}mu-s,ur-i _lugal_ {iri}ma-'a-ba
28'. {disz}s,il-{d}en _lugal_ {iri}ha-zi-ti {disz}me-ti-in-ti _lugal_ {iri}is-qa-lu-na
29'. {disz}i-ka-u2-su _man_ {iri}am-qar-ru-na {disz}mil-ki-a-sza2-pa _man_ {iri}gu-ub-li
30'. {disz}ma-ta-an-ba-'a-al _man_ {iri}a-ru-a-ad {disz}a-bi-ba-al _man_ {iri}sam-si-mur-ru-na
31'. {disz}bu-du-_dingir man {iri}e2_-am-ma-na {disz}pap-mil-ki _man_ {iri}as-du-di
32'. 1(u) 2(disz) _lugal-mesz_ sza2 _gu2_ tam-tim {disz}e-ki-isz-tu-ra _lugal_ {iri}e-di-'i-il
33'. {disz}pi-la-a-gu-ra-a _man_ {iri}ki-it-ru-si {disz}ki-i-su _man_ {iri}si-il-lu-u-a
34'. {disz}i-tu-u2-an-da-ar _man_ {iri}pa-ap-pa {disz}e-re-e-su _man_ {iri}si-il-lu
35'. {disz}da-ma-su _man_ {iri}ku-ri-i {disz}ad2-me-su _man_ {iri}ta-me-su
36'. {disz}da-mu-u2-si _man_ {iri}qar-ti-ha-da-as-ti
37'. {disz}u2-na-sa-gu-su _man_ {iri}li-di-ir {disz}bu-s,u-su _man_ {iri}nu-ri-ia2
38'. 1(u) _lugal-mesz_ sza2 {kur}ia-ad-na-na _muru2_ tam-tim
39'. _szu-nigin_ 2(u) 2(disz) _lugal-mesz_ {kur}hat-ti a-hi tam-tim _muru2_ tam-tim _du3_-szu2-nu
40'. u2-ma-'e-er-szu2-nu-ti-ma _gesz-ur3-mesz gal-mesz_

column 6
beginning broken
1'. [_...]-kur-ra-mesz_ ina qe2-[...]
2'. [...]-szah-bi-ba a-tap-pisz <ul-tu> _e2-gal_ [...]
3'. [...] gaba-dib-bi-sza2 ar-s,ip u2-szak-lil-ma lu#-[...]
4'. esz3-gal-szid-du3-du3-a _e2-gal_ pa-qi-da-at ka-la-me [...]
single ruling
5'. {d}asz-szur {d}en u {d}ag _{d}1(u)-5(disz)_ sza [...]
6'. _dingir-mesz kur_ asz-szur{ki} _du3_-szu2-nu ina qer#-bi#-sza2 aq-[x x]
7'. _{udu}siskur-mesz_ tasz-ri-ih-ti eb#-bu-ti ma-har-[x x]
8'. aq-qi-ma u2-szam-[x x] kad3-ra-a-a
9'. _dingir-mesz_ sza2#-[...] ik-tar-ra-bu _lugal_-u-ti
10'. [...] _du3_-szu2-nu
11'. [...] ta-kul-ti u3 qe2-re-e-ti
12'. [...]-li-s,a nu-pa-ar-szu2-un
13'. _gesztin-mesz_ u ku#-[...]-ra#-szu2-un
14'. _i3-sag_ i3-gu-la-[x] muh#-ha-szu2-nu u2-sza2-asz2-qi
15'. ina qi2-bit {d}asz-szur _man dingir-mesz_ u _dingir-mesz kur_ asz-szur{ki} _du3_-szu2-nu
16'. ina t,u-ub _uzu_ hu-ud lib3-bi nu-um-mur ka-bat-ti
17'. sze-be2-e lit-tu-ti qe2-reb-sza2 da-risz
18'. lu-ur-mi3-i-ma lu-usz-ba-a la-la-a-sza2
19'. ina za3-muk-ki _iti_ resz-ti-i kul-lat {ansze}mur-ni-is-qi2
20'. _{ansze}kunga-mesz {ansze}gam-mal-mesz_ til-li u2-nu-ut _me3_
21'. gi-mir _erin2 hi-a_ szal-la-at na-ki-ri
22'. szat-ti-szam la na-par-ka-a lu-up-qi-da qe2-reb-sza2
23'. qe2-reb _e2-gal_ sza2-a-tu {d}alad _saga_ {d}lamma _saga_
24'. na-s,ir kib-si _lugal_-ti-ia mu-ha-du-u ka-bat-ti-ia2
25'. da-risz lisz-tab-ru-u2 a-a ip-par-ku-u2 i-da-a-sza2
26'. a-na _egir u4-mesz_ ina _lugal-mesz dumu-mesz_-ia sza2 {d}asz-szur u {d}isz-tar
27'. a-na be-lut _kur_ u _ug3-mesz_ i-nam-bu-u zi-kir-szu2
28'. e-nu-ma _e2-gal_ sza2-a-tu2 i-lab-bi-ru-ma in-na-hu an-hu-us-sa lu-disz
29'. ki-i sza a-na-ku _mu-sar_-u szi-t,ir _mu lugal ad_ ba-ni-ia
30'. it-ti _mu-sar_-e szi-t,ir _mu_-ia asz2-kun-u-ma
31'. at-ta ki-i ia-a-ti-ma _mu-sar_-u2 szi-t,ir _mu_-ia
32'. a-mur-ma _i3-gesz_ pu-szu-usz _{udu}siskur bal_-qi2
33'. it-ti _mu-sar_-e szi-t,ir _mu_-ka szu-kun
34'. {d}asz-szur {d}isz-tar ik-ri-bi-ka i-szem-mu-u2
double ruling
35'. {iti}bad-ka2 lim-me {disz}a-tar-_dingir {lu2}en-nam_ {iri}la-hi-ri

Version History

Page: 1

Search results