Witness
Witness to composite(s): Q003362
Primary Publication: Leichty, Erle V. (2011) RINAP 4 Esarhaddon 133, ex. 007
Collection: Harvard Museum of the Ancient Near East, Harvard University, Cambridge, Massachusetts, USA
Museum no.: SM 1916.02.001
Provenience: Uruk (mod. Warka)
Period: Neo-Assyrian (ca. 911-612 BC)
Object Type: cylinder
Material: clay
Date: Esarhaddon.00.00.00
Transliteration:
atf: lang akk
object cylinder
surface a
(Original line arrangement based on the composite text RINAP 4 Esarhaddon 133)
1. a-na {d}isz-tar _gaszan_ szur-bu-ti e-tel-let _an_-e u _ki_-tim qa-rit-ti _dingir-mesz_ sza2-ru-uh-ti
2. {d}inanna unu{ki} ru-ba-a-ti s,ir-ti le-qa-a-ti pa-ra-as, {d}a-nu-u2-ti
3. sza2 ri-kis te-re-e-ti ha-am-mat
4. ru-um-ti ti-iz-qar-ti sza2 ana _lugal_ mi-ig-ri-sza2 ke-nisz ip-pal-la-su
5. _bala_-szu2 u2-szal-ba-ru i-szar-ra-ku-usz da-na-nu u li-i-ti
6. sza2-nun-ka-ti ad-na-a-ti sza2-qu-ti _dingir-mesz_ a-szi-bat e2-nir-gal2-an-na
7. sza2 qe2-reb e2-an-na be-let unu{ki} _gaszan gal gaszan_-szu2
8. {disz}an-szar2-szesz-szum2-na _lugal gal_-u2 _lugal_ dan-nu _lugal_ kisz-szat _lugal kur_ asz-szur{ki} _lugal_ kib-rat _limmu2_-ti _szagina_ babilax(|DIN.TIR|){ki} _lugal_ szu-me-ri u3 uri{ki}
9. ti-ri-is, _szu-min_ an-szar2 i-tu-ut kun lib3-bi {d}en-lil2 ni-bit {d}marduk mi-gir {d}ir-ni-ni
10. sza2 ul-tu s,e-he-ri-szu2 ana _an-szar2_ {d}a-nim {d}en-lil2 {d}idim {d}3(u) {d}utu {d}iszkur {d}marduk {d}ag {d}u-gur u _{d}1(u)-5(disz)_
11. _dingir-mesz gal-mesz en-mesz_-szu2 it-tak-lu-ma ni-iz-mat-su u2-szak-szi-du-usz i-mu-ru da-na-an-szu2-un
12. a-na nu-uh-hu lib3-bi _dingir_-u2-ti-szu2-nu u nu-up-pu-usz ka-bat-ti-szu2-nu _gissu_-szu2-nu da-ru-u2
13. it-ru-s,u _ugu_-szu2
14. ina e-muq _an-szar2_ {d}en _dumu_ {d}en u _{d}1(u)-5(disz) dingir-me_ ti-ik-li-szu2 kul-lat _kur-kur_ i-be-lu-ma
15. gi-mir ma-li-ku u2-szak-ni-szu2 sze-pu-usz-szu
16. ba-nu-u2 _e2_ an-szar2 e-pisz e2-sag-il2 u babilax(|DIN.TIR|){ki} mu-ud-disz e2-an-na
17. mu-szak-lil esz-re-e-ti ma-ha-zu mu-kin-nu sat-tuk-ku
18. _lugal_ sza2 ina _ud-mesz bala_-szu2 _en gal_-u2 {d}marduk ana babilax(|DIN.TIR|){ki} sa-li-mu ir-szu-u2
19. ina e2-sag-il2 _e2-gal_-szu2 ir-mu-u2 szu-bat-su
20. {d}a-num _gal_-u2 a-na _iri_-szu2 bad3-an{ki} u _e2_-szu2 e2-dim-gal-kalam-ma u2-sze-ri-bu
21. u2-sze-szi-bu pa-rak da-ra-a-ti
22. _dingir-mesz kur-kur_ sza2 a-na _kur_ asz-szur{ki} i-hi-szu-ni szu-kut-ta-szu2-nu ud-disz-ma ul-tu qe2-reb _kur_ asz-szur{ki}
23. a-na asz2-ri-szu2-nu u2-ter-szu2-nu-ti-ma u2-kin is-qu-usz-szu2-un
24. _nun_ en-qu it-pe-szu2 ha-sis kal szip-ri sza2 ina ma-ha-zu _gal-mesz_
25. si-ma-a-ti isz-tak-ka-nu usz-te-szi-ru szu-luh-ha
26. _dumu_ {disz}{d}3(u)-szesz-mesz-eri-ba _lugal szu2 lugal kur_ asz-szur{ki} _dumu_ {disz}lugal-gin _lugal kur_ asz-szur{ki}
27. _szagina_ babilax(|DIN.TIR|){ki} _lugal kur_ szu-me-ru u3 ak-ka-di-i
28. li-ip-li-pi da-ru-u2 sza2 {d}en-ba-ni _dumu_ {disz}a-da-si _lugal kur_ asz-szur{ki}
29. _nunuz_ bal-til{ki} szu-qu-ru _numun lugal_-u2-ti ki-sit2-ti s,a-a-ti
30. i-nu-ma e2-an-na _e2_ {d}a-nu-u2-tu na-ram _{d}1(u)-5(disz) gaszan_-ia sza2 _lugal_ ma-har i-pu-szu
31. la-ba-risz il-lik-ma i-qu-pu _e2-gar8-mesz_-szu2
32. asz2-ra-ti-szu2 asz2-te-e'-e ma-qit-ta-szu2 as-suh te-me-en-szu2 u2-s,ab-bi-ma ki-ma si-ma-ti-szu2
33. la-bi-ra-a-ti ina szi-pir {d}kulla ar-s,ip u2-szak-lil ki-ma sza2-di-i re-e-szi-szu2 ul-li
34. _{d}1(u)-5(disz) gaszan_ szur-bu-ti szi-pir szu-a-ti ha-disz lip-pa-lis-ma a-mat _munus-saga_-ia2 lisz-sza2-kin szap-tusz-sza2
35. _ugu_ kul-lat na-ki-ri li-szam-ri-ir _{gesz}tukul-mesz_-ia
36. ma-ti-ma ina ah-rat _ud-mesz nun egir_-u2 sza2 ina _ud-mesz bala_-szu2 szi-pir szu-a-ti
37. in-na-hu-ma ma-qit-ti i-rasz-szu-u2 asz2-ra-ti-szu2 lisz-te-e'-e ma-qit-ta-szu2 lik-szir3
38. _mu-sar_-u2 szi-t,ir _mu_-ia _i3-gesz_ lip-szu-usz _{udu}siskur2 bal_-qi2 ina asz2-ri-szu2 lisz-kun
39. ik-ri-bi-szu2 _dingir-mesz_ i-szem-mu-u2 ur-ra-ak _u4-mesz_ u2-rap-pa-asz2 kim-ti
40. sza2 _mu-sar_-u2 szi-t,ir _mu_-ia ina szi-pir ni-kil-ti ib-ba-tu lu-u2 a-szar-szu2 u2-nak-ka-ru
41. _{d}1(u)-5(disz) gaszan gal_-ti ag-gisz lik-kil-me-szu2-ma _mu_-szu2 _numun_-szu2 ina nap-har _kur-kur_ li-hal-liq
Total 1 record(s)
