Search results

   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI

RINBE 1, Nebuchadnezzar II nn, ex. nn
Click for archival page

Primary publicationRINBE 1, Nebuchadnezzar II nn, ex. nn
Publication datend
Secondary publication(s)
CollectionSaint Louis Art Museum, St. Louis, Missouri, USA
Museum no.SLAM 160:1928
Accession no.
ProvenienceMarad (mod. Wanna-wa-Sadum) ?
Excavation no.
PeriodNeo-Babylonian (ca. 626-539 BC)
Dates referencedNebuchadnezzar2.00.00.00
Object typecylinder
CDLI comments
Catalogue source20110312 cdliadmin_stlcam
ATF sourcecdlistaff (check)
Translationno translation
UCLA Library ARK21198/zz0029swnh
Composite no.needed
Seal no.
CDLI no.P416495

Can you improve upon the content of this entry?
Please contact us!

(click on image to enlarge)


column 1
1. {d}na-bi-um-ku-dur-ri-u2-s,u-ur2 szar ba-bi-lam{ki}
2. ru-ba-a-am na-a-dam mi-gi-ir2 {d}marduk
3. isz-sza-ak-ku s,i-i-ri na-ra-am {d}na-bi-um
4. sza-ak-ka-na-ma la a-ne-ha
5. za-ni-in e2-sag-il2 u3 e2-zi-da
6. sza a-na {d}na-bi-um u3 {d}marduk _en-mesz_-szu
7. ki-it-nu-szu-ma ip-pu-szu ri-e-szu-su-un
8. na-a-dam mu-usz-te-mi-ku i-tu-ti ku-un _sza3 dingir gal gal_
9. _ibila_ a-sza-ri-du sza {d}na-ibila-u2-s,-ur szar ba-bi-lam{ki} a-na-ku
10. i3-nu-um {d}marduk _en_ ra-be2-u3 ki-ni-isz ib-ba-an-ni-ma
11. ma-ta2 szu-te-szu-ru ni-szim ri-e-a-am
12. za-na-an ma-ha-zi ud-du-szu esz-ri-e-tim
13. ra-bi-isz u2-ma-a'-ir-an-ni-ma
14. a-na-ku a-na {d}marduk _en_-ia pa-al-hi-isz u2-ta-qu
15. ba-bi-lam{ki} ma-ha-za-szu s,i-i-ri _iri_{ki} ta-na-da-a-tu-szu
16. im-gu-ur3-{d}enlil ni-mi-it-ti-{d}enlil
17. _bad3-bad3_-szu _gal-gal_ u2-sza-ak-li-il
18. i-na si3-i-ip-pi _ka2-gal ka2-kal_-szu
19. _am-am urudu_ e-ik-du-u2-tim
20. u3 _musz-husz musz-husz_ sze-zu-zu-u2-tim
21. u2-usz-zi-iz
22. sza _lugal_ ma-ah-ri-im la i-pu-szu ka-a-ri hi-ri-ti-szu
23. i-na _a-esir2-ud-du-a_ u3 _sig4-al-ur3-ra_
24. a-ti szi-ni-szu a-ba-am a-li-tu _iri_{ki} u2-sza-al-am
25. ia-ti ka-a-ri _nita-kala_-a-ti sze-la-szi-szu isz-ti-en i-ti sza-ni-i
26. i-na _a-esir2-ud-du-a_ u3 _sig4-al-ur3-ra_ ab-ni-ma
27. it-ti ka-a-ri a-ba-am ik-zu-ru e-si2-ni-iq-ma
28. i-szi-su i-na i-ra-at _ki-gal_ u2-sza-ar-szi-id-ma
29. ri-szi-szu sza-da-ni-isz u2-za-aq-qi-ir2
30. ka-a-ri _sig4-al-ur3-ra_ bal-ri _{d}utu-szu2-a_
31. bad3 ba-bil-lam{ki} u2-sza-al-ma#-am
32. ka-a-ri a-ra-ah-tim
33. i-na _a-esir2-ud-du-a_ u3 _sig4-al-ur3-ra_
34. a-ba-am a-li-tu ik-zu-ur-ma
35. ma-ka-a-at _sig4-al-ur3-ra_
36. a-ba-ar-ti _{i7}ud-kib-nun{ki}_ u2-ra-ak-ki-is-ma
37. la u2-sza-ak-li-il si2-it-ta-a-tim
38. ia-ti a-bi-il-szu ri-e-esz-ta-a-am
39. na-ra-am li-ib-bi-szu
40. ka-a-ri a-ra-ah-tim
41. i-na _a-esir2-ud-du-a_ u3 _sig4-al-ur3-ra_ ab-ni-ma
42. it-ti ka-a-ri a-ba-am ik-zu-ur-ru u2-da-an-ni-in

column 2
1. i-na e2-sag-il2 ki-iz-zi ra-asz-ba-am
2. _e2-gal_ sza-mi-e u3 ir-s,i-tim
3. szu-ba-at ta-szi-la-a-tim
4. e2-ku-a pa-pa-ha {d}enlil _dingir dingir_ {d}marduk
5. ka2-dug3-li-su3 szu-ba-at {d}zar-pa-ni-tum
6. e2-zi-da szu-ba-at _{d}lugal lugal_ sza3-me ir-_an-ki-a_
7. _ku3-babbar_ na-am-ru u2-sza-al-bi-isz-ma
8. u2-na-am-mi-ir ki-ma u2-um
9. e-temen-an-ki zi-ku-ra-at ba-bi-lam{ki}
10. e-esz-sez-isz e-pu2-usz
11. e2-zi-da _e2_ ki-i-nim na-ra-am {d}na-bi-um
12. i-na ba-ar-zi-pa2{ki} e-esz-sze-isz ab-ni-ma
13. i-na ku3-babbar u3 ni-si2-iq-tim _na_
14. ki-ma szi-t,i-ir2-ti-ir4-ti sza ma-mi u2-ba-an-nim
15. e-ri-nim _kala_-tim _ku3-babbar_ u2-sza-al-bi-isz-ma
16. a-na s,u-lu-ul e-mah-til-la pa-pa-ha {d}na-bi-um
17. pa-nim sze-lal-ti-szu u2-sza-at-ri-isz
18. e2-mah _e2_ {d}nin-hur-sag _e2_ lib3-ba ka2-dingir-ra{ki}
19. e2-nig-pa-kala-ma-sum-ma _e2_ {d}na-bi-um sza ha-ri-e
20. e2-nam-ke _e2_ {d}iszkur lib3-ba ku-ma-ar{ki}
21. e2-ki-dur2-in _e2_ {d}nin-e-an-na sza tu-ub-ga-at _kala_
22. i-na ba-bi-lam{ki} e-esz-sze-isz ab-ni-ma
23. u2-ul-la-a ri-esz-sza-szi-in
24. sza ma-na-a-ma szar ma-ah-ri la i-pu2-szu
25. 4(disz) lim _kusz3_ ga-ga-ra-am i-ta-a-at _iri_{ki}
26. ni-si2-isz la t,a-hi-e
27. _bad3_ da-num2 bal-ri _{d}utu e3_ ba-bi-lam{ki}
28. u2-sza-asz-hi-ir
29. hi-ri-su ah-ri-e-ma szu-pu-ul mi-e ak-szu-ud
30. qi2-bi2-ir-szu i-na _a-esir2-ud-du-a_ u3 _sig4-al-ur3-ra_ ab-ni-ma
31. it-ti ka-a-ri a-ba-am ik-zu-ur3-ru e-si2-ni-iq-ma
32. _bad3_ da-num2 i-na _a-esir2-ud-du-a_ u3 _sig4-al-ur3-ra_
33. i-na ki-sza-di-sza sza-da-ni-isz ab-nim#
34. t,a-a-bi-su-pu-ur3-szu _bad3_ ba-ar-zi-pa{ki}
35. e-esz-sze-isz e-pu-usz
36. ka-a-ri hi-ri-ti-szu i-na _a-esir2-ud-du-a_ u3 _sig4-al-ur3-ra_
37. _iri_{ki} a-na ki-da-nam u2-sza-asz-hi-ir2
38. a-na {d}dumu _e2 en_ mu-sza-ab-bi-ir _gisz-tukul_ na-ki-ri-ia
39. _e2_-su i-na ba-ar-zi-pa{ki} e-esz-sze-isz e-pu2-usz
40. e2-bar2-ra _e2_ {d}utu sza ud-kib-nun{ki}
41. e2-dur2-gin-na _e2_ {d}lugal-asal2 sza {iri}ba-as
42. e2-i-id-{d}a-nim _e2_ {d}an sza dil-bat{ki}
43. e2-an-na _e2_ {d}isz-tar sza unu{ki}
44. e2-bar2-ra _e2_ {d}utu sza larsa{ki}
45. e2-gisz3-nu-gal2 _e2_ {d}utu sza uri3{ki}
46. e-esz-ri-e-tim _dingir gal gal_

column 3
1. e-esz-sze-isz e-pu2-usz-ma
2. u2-sza-ak-li-il szi-bi-ir-szi-in
3. zi-in-na-a-at e2-sag-il-a e2-zi-da
4. te-di-isz-ti ba-bi-lam{ki} ba-ar-zi-pa2{ki}
5. sza e-li sza ma-ah-ri-im u2-sza-ti-qu-ma
6. asz-ku-nim a-na ri-esz-e-tim
7. ka-la e-ip-sze-ti-ia szu-qu-ra-a-tim
8. za-na-an e-esz-ri-e-tim _dingir-gal-gal_
9. sza e-li _lugal lugal_ ab-bi-e-a u2-sza-ti-ru
10. i-na _{na4}na-ru2-a_ asz-t,u-ur2-ma
11. u2-ki-in ah-ra-ta-asz
12. ka-la e-ip-sze-ti-ia
13. sza i-na _{na4}na-ru2-a_ asz-t,u-ru
14. mu-da-a-am li-ta-am-ma-ar-ma
15. ta-ni-it-ti _dingir dingir_ li-ih-ta-as-sa-as
16. e-bi-szu ma-ha-zi _dingir dingir_ u3 {d}isz-tar
17. sza _en_ ra-bi2-u3 {d}marduk
18. ia-ti u2-ma-ra-an-ni-ma
19. u2-sza-ad-ka-an-ni li-ib-ba-am
20. pa-al-hi-isz la-a ba-at,-t,i-il-szu
21. u2-sza-al-la-am szi-bi-ir3-szu
22. i3-nu-mi-szu a-na {d}dumu-mar2-da _en_-ia
23. _e2_-su sza qi-ri-ib mar2-da{ki}
24. sza isz-tu u4-um ri-e-qu-u2-tim
25. te-me-en-szu la-be2-ri-im
26. la i-mu-ru szar ma-ah-ri-im
27. te-mi-en-szu la-be2-ri a-hi-it,
28. ab-ri-e-ma e-li te-me-en-na
29. sza na-ra-am-{d}en-ma _lugal_
30. a-ba-a-am la-be2-ri u2-ki-in usz-szu-szu
31. szi-t,e-ir3 szu-mi-ia ab-ni-ma
32. u2-ki-in ki-ir3-bu-usz-szu
33. {d}lugal-mar2-da _en_ ku-ul-la-at ga-ar-dam
34. li-bi-it ga-ti-ia
35. a-na da-mi-iq-tim
36. ha-di-isz na-ap-li-is-ma
37. ba-la-at, u2-um ri-e-ku-u2-tim
38. sze-bi-e li-it-tu-u2-tim
39. ku-un _gisz-gu-za_
40. u3 la-ba-ar pa-li-e
41. a-na szi-ri-iq-tim szu-ur-qam
42. szi-gi-isz la ma-gi-ri
43. szu-ub-bi-ir3 _gesz-tukul gisz-tukul_-szu-un
44. hu-ul-li-iq na-ap-ha-ar _iri-da_ a-a-bi
45. su-pu-un ku-ul-la-at-su-un
46. ka-ak-ki-ka e-iz-zu-u2-tim
47. sza la i-ga-am#-mi-lu na-ki-ri
48. lu-u2 ti-bu-u3 lu-u2 za-aq-tu
49. a-na na-a-ri a-a-bi-ia li-il-li-ku i-da-a-a
50. i-na ma-ha-ar {d}marduk
51. szar sza-mi-e u3 x x x
52. e-ku qab-ti-ia szu-um-gi-ir
52. qi2-bi2 tu-um-qu2-u2-a

Version History

  Page: 1