Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINAP 4 Esarhaddon 008 composite Click for archival page
Can you improve upon the content of this entry? Please contact us! | No Image Available | Composite text surface a beginning broken 1'. [...] x x? [...] 2'. [...] {lu2}szu-ut _sag-mesz_-ia _{lu2}nam-mesz_ sza2 pa-a-t,i 3'. _kur_-szu-un it-ti-szu2-nu u2-ma-'e-er-ma 4'. _ug3-mesz_ a-szi-bu-te _iri-mesz_ sza2-tu-nu ik-bu-su u2-szak-ni-szu2 _giri3-min_-szu2-un 5'. _gun_ man-da-tu2 be-lu-te-ia2 u2-kin s,e-ru-usz-szu2-un 6'. {kur}pa-tu-usz-ar-ri na-gu-u sza2 i-te-e _e2-mun_ 7'. sza2 qe2-reb {kur}ma-da-a-a _su3-mesz_ sza2 pa-a-t,i {kur}bi-ik-ni szad-di _{na4}za-gin3_ 8'. sza ina _lugal-mesz ad-mesz_-ia mam2-ma la ik-bu-su _ki_-tim _kur_-szu-un 9'. {disz}szi-dir-pa-ar-na {disz}e-pa-ar-na _{lu2}en-iri-mesz_ dan-nu-te 10'. sza2 la kit-nu-szu2 a-na ni-i-ri sza2-a-szu2-nu a-di _ug3-mesz_-szu2-nu 11'. _ansze-kur-ra-mesz_ ru-ku-bi-szu2-nu _gu4-mesz_ s,e-e-ni {ansze}u2-du-ri 12'. szal-lat-sun2 ka-bit-tu asz2-lu-la a-na qe2-reb _kur_ asz-szur{ki} 13'. ina x x ger-ri-ia {kur}ba-a-zu na-gu-u sza2 a-szar-szu2 ru-u-qu 14'. mi-szit na-ba-li qaq-qar _mun_ a-szar s,u-ma-a-me 15'. 1(disz) _me_ 2(u) _danna_ qaq-qar ba-s,i pu-qut-te u3 _{na4}zu2-masz-da3_ 16'. a-szar _musz_ u _gir2-tab_ ki-ma kul-ba-bi ma-lu-u _a-gar3_ 17'. 2(u) _danna_ {kur}ha-zu-u szad-di _{na4}sag-gil-mud_ ana _egir_-ia2 u2-masz-szir-ma 18'. e-ti7-iq na-gu-u szu-a-tu2 sza2 ul-tu u4-me ul-lu-ti 19'. la il-li-ku _lugal_ pa-ni mah-ri-ia2 ina qi2-bit {d}asz-szur _en_-ia 20'. ina qe2-reb-e-szu2 szal-t,a-nisz at-tal-lak {disz}ki-i-su _man_ {kur}hal-di-su 21'. {disz}ak-ba-ru _man_ {iri}il-pi-a-tu2 {disz}ma-an-sa-ku _man_ {kur}ma-gal-a-ni 22'. {munus}ia-pa-a' szar-rat {kur}di-ih-ra-a-ni {disz}ha-bi-su _man_ {kur}qa-da-ba-a' 23'. {disz}ni-ha-ru _lugal_ {iri}ga-a'-u-a-ni {munus}ba-as-lu szar-rat {iri}i-hi-lum 24'. {disz}ha-ba-zi-ru _lugal_ {iri}pu-da-a' 8(disz) _lugal-mesz_-ni sza2 qe2-reb na-ge-e szu-a-tu2 a-duk 25'. [...] x x x [...] n lines broken 26'. pa-an x x? [...] 27'. _u4 3(disz)-kam_ nu-bat-tu2 [...] 28'. i-sin-ni {d}a-edin {d}zar-pa-ni-tum an-szar2 {d}sin? {d}utu? 29'. {d}iszkur {d}en {d}gaszan-ia5 {d}ag {d}1(u)-5(disz) sza2 nina{ki} 30'. {d}1(u)-5(disz) sza2 {iri}limmu2-dingir u3 {d}gu-sze-a _dingir-mesz_ ti-ik-li-ia 31'. qa-ti asz2-szi-ma isz-mu-u su-up-pi-ia2 lab-bi-isz an-na-dir-ma 32'. at-tal-bi-isz si-ri-ia-am hul2-ia-am si-mat s,i-il-ti a-pi-ra 33'. at-muh rit-tu-u-a _{gesz}pan_ dan-na-tu2 mul-mul-lu gesz-ru 34'. sza2 {d}asz-szur _man dingir-mesz_ u2-mal-lu-u2 qa-tu-u-a 35'. _gin7 ti8{muszen}_ na-ad-ri pe-ta a-gap-pa-a meh-ret _{lu2}erin2_-ia 36'. a-bu-ba-nisz al-lak {gesz}szil-ta-hi an-szar2 la pa-du-u 37'. ez-zi-isz szam-risz it-ta-s,i [...] 38'. {d}szar2-ur4 {d}szar2-gaz il-la-ku ina i-di-ia 39'. ina qi2-bit {d}asz-szur _man dingir-mesz en_-ia2 _dingir-mesz gal-mesz_ 40'. am-hur-szu2-nu-te-ma isz-mu-u su-up-pi-ia2 x x x? 41'. ana-ku {disz}asz-szur-pap-asz _man kur_ asz a-bu-nat _erin2_-ni-ia _erin2_ x [...] 42'. ar-ki _dingir_-ti-szu2-nu _gal_-tim al-lak ina tukul-ti-szu2-nu _gal-mesz?_ 43'. _gin7_ ez-zi ti-ib me-hi-i ina bi-ri-szu2-nu a-zi-iq 44'. el-lat-su-nu ka-s,ir-tu2 u2-par-ri-ir _{lu2}erin2_-szu2 [...] 45'. a-lik pa-an _erin2_-szu2 _szesz-mesz_-szu2 _{lu2}nam-mesz_-szu2 {lu2}_3(disz)-u5-mesz_-szu2 46'. ul-tu {iri}isz-hu-up-ri a-di {iri}me-em-pi ma-lak 1(u) 5(disz) u4-me 47'. qaq-qa-ri as-hup se-de-ra mit-ha-s,u-tu2 ina qi2-bit {d}asz-szur 48'. u4-me-szam-ma la na-par-ka-a asz2-tak-ka-na [...] 49'. [...] x-szu2-nu u2-t,a-bi-ih _gin7_ s,e-e-ni [...] 50'. [...] sza2 ina _{gesz}tukul-mesz_-ia ez-zu-te x [...] 51'. [...] u2?-s,u-nim-ma ina _igi ka2_ x [...] 52'. [...] x {disz}tar-qu-u _man_ {kur}ku-u-si 53'. [...] szu-zu-ub _{lu2}ARAD-mesz_-szu2 [...] rest broken Version History |