Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINAP 4 Esarhaddon 129 composite Click for archival page
Can you improve upon the content of this entry? Please contact us! | No Image Available | Composite text surface a 1. ana {d}en-lil2 _en kur-kur_ sza2 la in-nen-nu-u2 qi2-bit-su 2. x x x sza la usz-tam-sa?-ku s,i-it pi-i-szu2 3. [...] x _dingir-mesz_ szu-ta-x [...] x-su 4. [...] sza2? la? [...] x ma-al-ku 5. [...] _du_ 6. [...] _en gal_-i _en_-szu2 7. {disz}an-szar2-szesz-szum2-na _lugal gal_-u2 _lugal_ dan-nu _lugal szu2 lugal kur_ asz-szur{ki} _lugal_ kib-rat er-bet-ti 8. _szagina_ babilax(|DIN.TIR|){ki} _lugal kur_ szu-me-ri u uri{ki} i-tu-ut kun lib3-bi {d}en-lil2 9. sza2 ul-tu s,e-he-ri-szu2 ana an-szar2 {d}en-lil2 {d}sin {d}utu {d}iszkur {d}marduk {d}ag {d}u-gur u _dingir-mesz gal-mesz_ 10. _en-mesz_-szu2 it-tak-lu-u2-ma ni-iz-mat-su u2-szak-szid-usz i-mu-ru da-na-an-szu2-un 11. a-na nu-uh-hu lib3-bi _dingir_-ti-szu2-nu u nu-up-pu-usz ka-bat-ti-szu2-nu _gesz-mi_-szu2-nu da-ru-u2 12. it-ru-s,u _ugu_-szu2 13. ina e-muq an-szar2 {d}en-lil2 {d}en u _dumu {d}en dingir-mesz_ ti-ik-li-szu2 kul-lat _kur-kur_ i-be2-lu-ma 14. gi-mir ma-li-ku u2-szak-ni-szu sze-pu-usz-szu2 15. ba-nu-u2 _e2_ an-szar2 mu-ud-disz e2-kur e-pisz e2-sag-il2 u babilax(|DIN.TIR|){ki} 16. mu-szak-lil esz-re-e-ti u ma-ha-zu mu-kin sat-tuk-ku 17. _lugal_ sza2 i-na _u4-mesz bala_-szu2 _en gal_-u2 {d}marduk ana babilax(|DIN.TIR|){ki} sa-li-mu ir-szu-u2 18. ina e2-sag-il2 _e2-gal_-szu2 ir-mu-u2 szu-bat-su 19. {d}a-num _gal_-u2 ana _iri_-szu2 |BAD3.AN|{ki} u _e2_-szu2 e2-dim-gal-kalam-ma u2-sze-rib-u2-ma 20. u2-sze-szi-bu pa-rak da-ra-a-ti 21. _dingir-mesz kur-kur_ szal-lu-tu szu-kut-ta-szu2-nu ud-disz-ma ul-tu qe2-reb _kur_ asz-szur{ki} 22. a-na asz2-ri-szu2-nu u2-ter-szu2-nu-ti-ma u2-kin-nu is-qu-usz-szu2-un 23. _nun_ en-qu it-pe-szu ha-sis kal szip-ri sza2 ina ma-ha-zu _gal-mesz_ 24. si-ma-a-ti isz-tak-ka-nu usz-te-szi-ru szu-luh-hu 25. _dumu_ {disz}{d}sin-szesz-mesz-eri-ba _lugal szu2 lugal kur_ asz-szur{ki} _dumu_ {disz}lugal-gin _lugal kur_ asz-szur{ki} 26. _szagina_ babilax(|DIN.TIR|){ki} _lugal kur_ szu-me-ri u3 uri{ki}-i 27. li-ip-li-pi da-ru-u2 sza2 {disz}{d}en-ba-ni _dumu_ {disz}a-da-si _lugal kur_ asz-szur{ki} 28. _nunuz_ bal-til{ki} szu-qu-ru _numun lugal_-u2-tu ki-sit2-ti s,a-a-ti 29. i-nu-szu sza2 _e2-kur e2_ {d}en-lil2 _en kur-kur en_-ia sza2 _lugal_ ma-har i-pu-szu 30. la-ba-risz? il-lik-ma i-qu-(u2)-pu _e2-gar8-mesz_-szu2 31. asz2-ra-ti-szu2 asz2-te-e'-e ma-qit-ta-szu2 as-suh te-me-en-szu2 u2-s,ab-bi-ma ki-ma? si?-ma-ti-szu2 32. la-bi-ra-(a)-ti ina szi-pir {d}kulla ar-s,ip u2-szak-lil ki-ma _kur_-i re-szi-szu2 ul-li 33. ana szat-ti? {d}en-lil2 _dingir_ tu-kul-ti-ia ep-sze-ti-ia ha-disz lip-pa-lis-ma a-mat _saga_-ti3-ia lisz-sza2-kin szap-tusz-szu2 34. _din u4-mesz su3-mesz_ sze-be2-e lit-tu-tu _du10_-ub _uzu_ u hu-ud lib3-bi li-szim szi-ma-a-ti 35. ma-ti-ma i-na ah-rat _u4-mesz nun egir_-u2 sza2 x [...] 36. [...] ma-qit-ti i-rasz-szu-u2 asz2-ra-ti-szu2 lisz-te-e'-e ma-qit-ta-szu2? lik?-szir3 37. _mu-sar_-u2 szi-t,ir _mu_-ia _i3?-gesz?_ lip-szu-usz _{udu}siskur2 bala_-qi2 ina asz2-ri-szu2 lisz-kun 38. [...] x [...] _u4-mesz_ u2-rap-pa-asz2 kim-ti sza2 _mu-sar_-u2 39. szi-t,ir _mu_-ia ina szi-pir ni-kil-ti ib-ba-tu lu-u2 a-szar-szu2 u2-nak-ka-ru 40. {d}en-lil2 [...] ag-gesz lik-kil-me-szu2-ma szi-mat _hul_-tim li-szim-szu2 41. _mu_-szu2 (u) _numun_-szu2 ina _kur_ li-hal-liq?-ma a-a ir-szi-szu2 re-e-mu Version History |