Search results


   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI


RIMB 2.06.32.19 composite
Click for archival page


Primary publicationRIMB 2.06.32.19 composite
Author(s)Frame, Grant
Publication date1995
Secondary publication(s)
Collection
Museum no.
Accession no.
ProvenienceUruk (mod. Warka)
Excavation no.
PeriodNeo-Assyrian (ca. 911-612 BC)
Dates referencedAssurbanipal.00.00.00
Object typeother (see object remarks)
Remarkscomposite text
Materialclay
LanguageAkkadian
GenreRoyal/Monumental
Sub-genrecomposite
CDLI comments
Catalogue source20140828 cdliadmin
ATF sourceFrame, Grant & Bartelmus, Alexa
Translationno translation
UCLA Library ARK21198/z1wt00nr
Composite no.Q003817
Seal no.
CDLI no.P469114

Can you improve upon the content of this entry?
Please contact us!
No Image AvailableComposite text


surface a
1. a-na {d}inanna unu{ki} e-tel-lat _an_-e u _ki_-tim ga-szir-ti _dingir-mesz_ s,i-ir-ti
2. sza2 ina s,i-tan u szi-la-an ur-tu ta-nam-di-nu ta-szak-kan szi-ki-in-sza2
3. i-lat tam-ha-ri ez-ze-ti sza2 ina qe2-reb te-sze-e a-szam-sza2-nisz i-su-ur-ru
4. a-li-kat2 i-di _lugal_ mi-gir-i-sza2 mu-ra-si-bat ga-re-e-szu2
5. be-let _kur-kur_ ha-mi-mat par-s,i musz-te-szi-rat gi-mir szu-luh-hu
6. a-szi-bat e2-nir-gal2-{d}a-nim sza2 qe2-reb e2-an-na be-el-ti _gal_-ti _gaszan_-szu2
7. {disz}an-szar2-du3-a _lugal gal lugal_ dan-nu _lugal szu2 lugal kur_ asz-szur _lugal_ kib-rat _limmu2_-ti _lugal-lugal-mesz nun_ la sza2-na-an
8. sza2 ul-tu tam-tim e-lit a-di tam-tim szap-lit i-be2-lu-ma gi-mir ma-lik u2-szak-nisz sze-pu-usz-szu2
9. sza2 e-li {iri}s,ur-ru sza2 qa-bal tam-tim e-lit u ni-tuk{ki} sza2 qa-bal tam-tim szap-lit
10. ni-ri be-lu-ti-szu2 u2-kin-nu-u2-ma i-szu-t,u ab-sza2-an-szu2 sza2 ep-sze-tu-u2-szu2 e-li kal _dingir-mesz_ t,a-a-ba
11. e-li s,al-mat _sag-du_ du-usz-szu-pa-tu _sipa_-u2-su sza2 ina _bala_-szu2 {d}iszkur _szeg3-mesz_-szu2 {d}e2-a nag-bi-szu2
12. a-na ma-ti-szu2 usz-tab-ru-u2 ina t,uh-du u mesz-re-e isz-te-ne2-'-u2 _ug3-mesz_-szu2
13. gi-mir um-ma-ni-szu2 t,uh-hu-du i-ru-usz-szu2 da-ad2-me-szu2 _dumu_ {disz}an-szar2-szesz-szum2-na _lugal gal lugal_ dan-nu
14. _lugal szu2 lugal kur_ asz-szur _szagina_ babilax(|DIN.TIR|){ki} _lugal kur eme-gi7_ u uri{ki} mu-sze-szib babilax(|DIN.TIR|){ki} e-pisz e2-sag-il2
15. mu-ud-disz esz-re-e-te kul-lat ma-ha-zi sza2 ina qer-bi-szi-na isz-tak-ka-nu si-ma-a-ti
16. _dumu dumu_ {disz}{d}sin-szesz-mesz-su _lugal gal lugal_ dan-nu _lugal szu2 lugal kur_ asz-szur-ma ina _bala_-e-a _en gal_ {d}marduk
17. ina ri-sza2-a-ti a-na babilax(|DIN.TIR|){ki} i-ru-um-ma sat-tuk-ku e2-sag-il2 u _dingir-mesz_ babilax(|DIN.TIR|){ki} u2-kin
18. ki-din-nu-tu babilax(|DIN.TIR|){ki} ak-s,ur asz2-szu2 dan-nu a-na _sig_ la ha-ba-lu {disz}{d}gesz-nu11-mu-gi-na
19. _szesz_ ta-li-mi3 a-na _lugal_-u2-tu babila2{ki} ap-qid u szi-pir e2-sag-il2 la qa-ta-a
20. u2-szak-lil ina _ku3-babbar ku3-sig17_ u ni-siq-ti _na4-mesz_ e2-sag-il2 az-nun-ma ki-ma szi-t,ir bu-ru-mu
21. u2-nam-mir e2-umusz-a u3 sza2 esz-re-e-te ka-li-szi-na hi-bil-ta-szi-na u2-szal-lim
22. e-li kul-lat ma-ha-zi u2-szat-ri-s,i an-dul-lu4 ina u4-me-szu2-ma _e2-gar8_ e2-an?-na? si-hir-ti [...]
23. sza2 la-ba-risz il-lik-u-ma i-qu-pu ik-kam2-ru asz2-ra-ti-szu2-nu asz2-te-'e-ma esz-szisz u2-sze-pisz-ma
24. u2-szak-lil-ma ki-ma sza2-di-i ul-la-a re-szi-szu-un a-na szat-ti {d}inanna unu{ki} _gaszan gal_-ti
25. szi-pir sza2-a-szu2 ha-disz lip-pa-lis-ma ia-a-ti {disz}an-szar2-du3-a _lugal kur_ asz-szur _nun_ pa-lih-szu2 a-mat da-mi-iq-ti-ia
26. lisz-sza2-kin szap-tu-usz-sza2 _ti ud-mesz su3-mesz_ sze-be2-e lit-tu-tu t,u-ub _uzu_ hu-ud lib3-bi li-szim szi-ma-ti
27. u3 sza2 {disz}{d}gesz-nu11-mu-gi-na _lugal_ babila2{ki} _szesz_ ta-lim-ia _u4-mesz_-szu2 li-ri-ku lisz-bi bu-'a-ri
28. a-a-um-ma _nun egir_-u2 sza2 ina u4-me _bala_-e-szu2 szi-pir szu-a-ti in-na-hu an-hu-us-su lu-disz
29. szu-mi3 it-ti _mu_-szu2 lisz-t,ur _mu-sar_-u-a li-mur-ma _i3-gesz_ lip-szu-usz _{udu}siskur bala_-qi2
30. it-ti _mu-sar_-e-szu2 lisz-kun ik-ri-bi-szu2 {d}inanna unu{ki} i-szem-me sza2 szu-mi3 it-ti _mu_-szu2 la i-szat,-t,a-ru
31. _mu-sar_-u-a i-a-ab-ba-tu lu-u a-szar-szu2 u2-nak-ka-ru-ma it-ti _mu-sar_-e-szu2 la i-szak-ka-nu
32. {d}inanna unu{ki} _gaszan gal_-ti ag-gesz lik-kil-me-szu2-ma _mu_-szu2 _numun_-szu2 ina _kur-kur_ li-hal-liq-ma a-a ir-szi-szu2 re-e-mu



Version History

  Page: 1