Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| CDLI Literary 000340 (Inanna and Shu-kale-tuda) composite Click for archival page
Can you improve upon the content of this entry? Please contact us! | View commentary No Image Available | Composite text surface a 1. in-nin me gal-gal-la bara2-ge4 he2-du7 2. {d}inanna me gal-gal-la bara2 ku3-ge si-a 3. {d}inanna-ke4 e2-an-na-ka u6 di-de3 gub-ba 4. u4-ba {lu2}ki-sikil kur-ra ba-e-a-e11 5. ku3 {d}inanna-ke4 kur-ra ba-e-a-e11 6. nig2-erim2 nig2-si-sa2 zu-zu-de3 7. sza3 kalam-ma-ka igi kar2-kar2-de3 8. lul zi pa3-de3-de3 kur-ra ba-e-a-il2 9. i3-ne-esz2 lu2 lu2-ra a-na na-an-du11 10. lu2 lu2-ra dili a-na na-an-tah 11. nin-gu10 am-da kur-ur2-ra an-da?-gub me szu am3-du7-du7 12. {d}inanna dara3-masz kur-bad3-da? an-da?-gub me szu am3-du7-du7 13. i3-ne-esz2 lu2 lu2-ra a-na na-an-du11 14. lu2-ulu3 lu2-ulu3-ra dili a-na na-an-tah 15. u4-ba x x-e an mu-un-szub ki mu-un-szub kur-ra ba-e-a-il2 16. {d}inanna-ke4 an mu-un-szub ki mu-un-szub kur-ra ba-e-a-il2 17. unu{ki}-ga e2-an-na mu-ni-szub kur-ra ba-e-a-il2 18. zabala{ki}-a gi-gun4 mu-ni-szub kur-ra ba-e-a-il2 19. e2-an-na e3-da-ni x [...] ge6-par4-ra [...] la2 20. {d}inanna? [...] tug2-ba13 la2 AN-ra [...] kur-ra ba-e-a-il2 21. i3-ne-esz2 lu2 lu2-ra a-na na-an-du11 22. lu2-ulu3 lu2-ulu3-ra dili a-na na-an-tah 23. [...] 24. [...] x 25. [...]-dim2 26. [...] ba-dim2 27. [...] x ba-dim2 28. [...] ba-dim2 29. [...] x-la2 30. [...]-am3 31. [...] 32. [...] 33. [...] 34. [...] 35. [...] 36. [...] 37. [...] 38. x x x en3 tar ki kin-ga2 [...] im-mi-in-kusz2-a-ta 39. dag agrun-na-gu10-usz ni2-te-na hu-mu-un-du 40. i3-ne-esz2 lu2 lu2-ra a-na an-na-du11 41. lu2 lu2-ra dili a-na na-an-tah 42. [...] 43. [...] 44. [...] x KA x [...] 45. x [...] x ba-ra-an-[...] 46. KAB? [...] ga? im-dim2-e KA? [...] 47. giri3-bi x x-e inim im-ma-ab-be2 48. gesztu2-gesztu2-ga inim mu-ni-ib-tah-e 49. ugax(|U2.NAGA|){muszen} inim ga-ra-ab-du11 inim-gu10-sze3 gesztu2-zu 50. ugax(|U2.NAGA|){muszen} esz3-a inim ga-ra-ab-du11 inim-gu10-sze3 gesztu2-zu 51. szembi-zi nam-iszib eridu{ki}-ga 52. i3 a bur za-gin3-na-ka gal2-la-bi 53. dag agrun-na-ka gub-ba-bi 54. tun3 um-me-DU zu2 um-me-gub 55. umah ga-rasz{sar}-ke4 sar nisi-ga-ka ki um-me-ni-tag 56. [...] x-ta he2?-[...]-bur12-[...] 57. i3-ne-esz2 lu2-u3 lu2-ra a-na na-an-du11 58. lu2-u3 lu2-ra dili a-na na-an-tah 59. uga{muszen} inim lugal-a-na-sze3 sag kesz2 ba-szi-in-ak 60. szem-bi-zi nam-iszib eridu{ki}-ga 61. i3 a bur za-gin3-na-ka gal2-la-bi 62. dag agrun-na-ka gub-ba-bi 63. tun3 im-ma-DU zu2 im-ma-gub 64. umah ga-rasz{sar}-ke4 sar nisi-ga-ka ki im-ma-ni-in-tag 65. [...]-ta im-mi-in-bur12-bur12 66. nisi ga-rasz{sar}-gin7 sar-e mu2-a 67. ga-rasz{sar}-gin7 nu-erim2 ba-gub-ba a-ba igi im-mi-in-du8-a 68. igi x i3-ur4-ur4 x im-ma-ni-mu2-mu2 mu-gen-na im-gen 69. muszen uga{muszen}-gin7 a2 lu2 kin-kin-e 70. lag an-sze3 sag3-ge-da ki-sze3 tusz-u3-da 71. lag ki-sze3 sag3-ge-da an-sze3 e3-de3-da a-ba-a igi im-mi-in-du8-a 72. uga{muszen} nu-erim2-ta ba-ra-an-zi 73. {gesz}geszimmar tubax(TUG2)-la2-a-sze3 an-na ba-e-a-e11 74. szembi?-zi [...] ka-bi ba-du8-du8-a 75. pa szu gur-gur-ra ka bi2-in-su-ub-su-ub 76. {gesz}geszimmar-gin7 tur USZ ki-in-du? 77. gesz da-ri2 mu2-a a-ba-a igi im-mi-in-du8-a 78. {gesz}eme-|SZE3.USZ|-{gesz}eme-|SZE3.USZ|-bi {gesz}sza3-geszimmar-bi na-nam 79. {gesz}eme-szu-ru-ug-{gesz}eme-szu-ru-ug-bi {gesz}nig2-geszimmar-bi na-nam 80. {gesz}pesz-tur-ZI-bi esz2-GAN2-a-kam 81. gan2-ne2 lugal-la-ka me-te-asz im-mi-ib-gal2 82. {gesz}pa-ni e2-gal lugal-la-ka na de5 ba-ab-szum2-mu 83. zu2-lum-bi sze nir-ra za3-ga si-ga-am3 84. e2 dingir gal-gal-e-ne-ka me-te-asz im-mi-ib-gal2 85. muszen uga{muszen}-gin7 a2 lu2 kin-kin-e 86. lag an-sze3 sag3-ge-da ki-sze3 tusz-u3-da 87. lag ki-sze3 sag3-ge-da an-sze3 e3-de3-da a-ba-a igi im-mi-in-du8-a 88. inim du11-ga lugal-a-na-ka uga{muszen} abzu-sze3 al-ku4 89. i3-ne-esz2 lu2-u3 lu2-ra a-na na-an-du11 90. lu2-u3 lu2-ra dili a-na na-an-tah 91. x x x szu-kal-le-tu-da mu-ni na-nam 92. [...] dumu {d}igi?-sig7-sig7 lu2 x x-ke4 93. mu2-sar-e a se3-se3-ge5-da-ni 94. nisi-ga da pu2 ak-da-ni 95. nisi dili-e nu-me-a a-na nu-me-a-bi 96. ur2-ba im-ta-an-bala zu2 im-ta-an-gaz 97. tum9-dal a-na-am3 de6-a-bi 98. igi-ni sahar kur-ra im-mi-ib-ra 99. ub igi-ni szu sa2-sa2-da-ni 100. nig2 im-ma-ra-an-si-ig za3-bi-a nu-un-zu 101. sig-sze3 igi mu-un-il2 dingir un3-na kur u4 e3-ke4-ne igi bi2-in-du8-ru 102. nim-sze3 igi mu-un-il2 dingir un3-na kur u4 szu2-ke4-ne igi bi2-in-du8-ru 103. {d}gidim dili du-ra igi mu-ni-in-du8 104. dingir dili du-ra geszkim mu-ni-in-zu 105. me szu du7-du7-da igi bi2-in-du8 106. nam tar-ra dingir-re-e-ne-sze3 igi mu-ni-in-gal2 107. sar-e ki 5(disz) 1(u) nu-te-a-ba 108. ki-ba gesz-an-dul3 1(disz)-am3 i3-gub 109. gesz-an-dul3-bi {gesz}asal2 gissu dagal-la-kam 110. gissu-bi sig-ga u4 zal-e 111. an-bar7 an-usan-na nu-gi4-gi4 112. u4-ba nin-gu10 an mu-un-nigin2-na-ta ki mu-un-nigin2-na-ta 113. {d}inanna an mu-un-nigin2-na-ta ki mu-un-nigin2-na-ta 114. elam{ki} su-bir4{ki}-a mu-un-nigin2-na-ta 115. dubur an gil-gi16-il-la mu-un-nigin2-na-ta 116. nu-gig kusz2-a-ni-ta im-ma-te dur2-bi-sze3 ba-nu2 117. szu-kal-le-tu-da za3 sar-ra-ka-ni igi im-ma-ni-se3 118. {d}inanna-ke4 {tug2}dara4? me 7(disz) gal4-la-na x DU x x 119. {tug2}dara4? me 7(disz) gal4-la-na [...] 120. su8-ba {d}ama-uszumgal-an-na-da [...] 121. gal4-la ku3-ga-na lu2 SU x [...] 122. szu-kal-le-tu-da mu-un-du8-du8 da-ga-na ba-nu2 123. gesz3 im-ma-ni-in-du11 ne im-ma-ni-in-su-ub 124. gesz3 ba-ni-in-du11-ga ne ba-ni-in-su-ub-ba 125. za3 sar-ra-ka-ni im-ma-szi-in-gi4 126. u4 im-zal {d}utu im-ta-e3-a-ra 127. munus-e ni2-te-a-ni igi im-kar2-kar2 128. ku3 {d}inanna-ke4 ni2-te-a-ni igi im-kar2-kar2 129. u4-ba munus-e nam gal4-la-na-sze3 a-na im-gu-lu-u8-a-bi 130. ku3 {d}inanna-ke4 nam gal4-la-na-sze3 a-na im-ak-a-bi 131. pu2 kalam-ma-ka usz2 bi2-ib-si-si 132. pu2-{gesz}kiri6 kalam-ma-ka usz2-am3 i3-tum3-tum3 133. ARAD2 lu2-u3 u2 il2-i-de3 gen-na usz2-am3 i3-na8-na8 134. geme2 lu2-u3 a si-si-de3 gen-na usz2-am3 im-mi-ib2-si-si 135. sag ge6 usz2-am3 i3-na8-na8 za3-bi nu-un-zu 136. lu2 gesz3 du11-ga-gu10 kur-kur-ra ga-mu-ni-pa3 im-me 137. lu2 gesz3 du11-ga-ni kur-kur-ra nu-um-ma-ni-in-pa3-de3 138. i3-ne-esz2 lu2-u3 lu2-ra a-na na-an-du11 lu2-u3 lu2-ra dili a-na na-an-tah 139. lu2-tur ad-da-ni-ir e2-a ba-szi-in-ku4 gu3 mu-na-de2-e 140. szu-kal-le-tu-da ad-da-ni-ir e2-a ba-an-szi-in-ku4 gu3 mu-na-de2-e 141. ad-da-gu10 mu2-sar-e a se3-se3-ge5-da-gu10 142. nisi-ga da pu2 ak-da-gu10 143. nisi dili-e nu-me-a a-na nu-me-a-bi 144. ur2-ba im-ta-bala zu2 im-ta-gaz 145. tum9-dal a-na-am3 de6-a-bi 146. igi-gu10 sahar kur-ra im-mi-ib-ra 147. ub igi-gu10 szu tuku-tuku-da-gu10 148. nig2 im-ma-ra-si-ig za3-bi nu-zu 149. sig-sze3 igi mu-il2 dingir un3-na kur u4 e3-ke4-ne igi bi2-du8 150. nim-sze3 igi mu-il2 dingir un3-na kur u4 szu2-ke4-ne igi bi2-du8 151. {d}gidim dili du-ra igi mu-ni-du8 152. dingir dili du-ra geszkim mu-ni-zu 153. me szu du7-du7-da igi bi2-du8 154. nam tar-ra dingir-re-e-ne-sze3 igi mu-ni-gal2 155. sar-re ki 5(disz) 1(u) nu-te-a-ba 156. ki-ba gesz-an-dul3 1(disz)-am3 i3-gub 157. gesz-an-dul3-bi {gesz}asal2 gissu dagal-la-ka 158. gissu-bi sig-ga u4 zal-e 159. an-bar7 an-usan-e nu-gi4-gi4 160. u4-ba nin-gu10 an mu-un-nigin2-na-ta ki mu-un-nigin2-na-ta 161. {d}inanna an mu-un-nigin2-na-ta ki mu-un-nigin2-na-ta 162. elam{ki} su-bir4{ki}-a mu-un-nigin2-na-ta 163. dubur an gil-gi16-il-la mu-un-nigin2-na-ta 164. nu-gig kusz2-a-ni-ta im-ma-te dur2-bi-sze3 i3-nu2 165. za3 sar-ra-ga2-ka igi im-ma-ni-du8 166. gesz3 im-ma-ni-du11 ne im-ma-ni-su-ub 167. za3 sar-ra-gu10-sze3 im-ma-szi-gi4 168. u4-ba munus-e nam gal4-la-na-sze3 a-na im-gul-lu-u8-a-bi 169. {d}inanna-ke4 nam gal4-la-na-sze3 a-na im-ak-a-bi 170. pu2 kalam-ma-ke4 usz2 bi2-ib-si-si 171. pu2-{gesz}kiri6 kalam-ma-ka usz2-am3 i3-tum3-tum3 172. ARAD2 lu2-u3 u2 il2-i-de3 gen-na usz2-am3 i3-na8-na8 173. geme2 lu2-u3 a si-si-de3 gen-na usz2-am3 im-mi-ib2-si-si 174. sag ge6 usz2-am3 i3-na8-na8 za3-bi nu-un-zu 175. lu2 gesz3 du11-ga-gu10 kur-kur-ra ga-mu-ni-pa3 im-me 176. lu2 gesz3 du11-ga-ni kur-kur-ra nu-um-ma-ni-in-pa3-de3 177. lu2-tur ad-da-ni mu-na-ni-ib-gi4-gi4 178. szu-kal-le-tu-da ad-da-ni mu-na-ni-ib-gi4-gi4 179. dumu-gu10 iri szesz-zu-ne he2-eb-us2-en 180. sag ge6 szesz-zu-ne giri3 gub-ba gen-na 181. munus-e sza3 kur-kur-ra-ka nu-um-ma-ni-in-pa3-de3-en 182. iri szesz-a-ni ni2-bi-a im-us2 183. sag ge6 szesz-a-ni giri3 gub-ba im-gen 184. munus-e sza3 kur-kur-ra-ka nu-um-ma-ni-in-pa3 185. 2(disz)-kam-ma-sze3 munus-e nam gal4-la-na-sze3 a-na-am3 im-gu-ul-u8-a-bi 186. {d}inanna-ke4 nam gal4-la-na-sze3 a-na-am3 im-ak-a-bi 187. dungu mu-un-u5 dur2 im-gub-be2 gaba im-sal-e 188. {tum9}u18-lu mar-uru5 husz igi-sze3 mu-un-szi-gen 189. pi-li-pi-li dal-ha-mun egir-ra-ni-sze3 im-us2 190. ab-ba-szu2-szu2 inim-kur2-du11-du11 ad gi4-gi4 [...] 191. 7(disz) a-ra2 7(disz) an-edin-na mu-un-da-sug2-sug2-ge-esz 192. lu2 gesz3 du11-ga-gu10 kur-kur-ra ga-mu-ni-pa3 im-me 193. lu2 gesz3 du11-ga-ni kur-kur-ra nu-um-ma-ni-in-pa3-de3 194. lu2-tur ad-da-ni-ir e2-a ba-szi-in-ku4 195. szu-kal-le-tu-da ad-da-ni-ir gu3 mu-na-de2-e 196. ad-da-gu10 munus a-ra-du11-ga-gu10 197. 2(disz)-kam-ma-sze3 munus-e nam gal4-la-na-sze3 a-na-am3 im-gul-lu-u8-a-bi 198. {d}inanna-ke4 nam gal4-la-na-sze3 a-na bi2-in-ak-a-bi 199. dungu mu-un-u5 dur2 im-gub-be2 gaba im-sal-e 200. {tu15}u18-lu mar-uru5 husz igi-sze3 mu-un-szi-gen 201. pi-li-pi-li dal-ha-mun egir-ra-ni-sze3 im-us2 202. ab-ba-szu2-szu2 inim-kur2-du11-du11 ad gi4-gi4 [...] 203. 7(disz) a-ra2 7(disz) an-edin-na mu-un-da-sug2-sug2-ge-esz 204. lu2 gesz3 du11-ga-gu10 kur-kur-ra ga-mu-ni-pa3 im-me 205. lu2 gesz3 du11-ga-ni kur-kur-ra nu-um-ma-ni-in-pa3-de3 206. lu2-tur ad-da-ni mu-na-ni-ib-gi4-gi4 207. szu-kal-le-tu-da ad-da-ni mu-na-ni-ib-gi4-gi4 208. dumu-gu10 iri szesz-zu-ne he2-eb-us2-en 209. sag ge6 szesz-zu-ne giri3 gub-ba gen-na 210. munus-e sza3 kur-kur-ra-ka nu-um-ma-ni-in-pa3-de3-en 211. iri szesz-a-ni ni2-bi-a im-us2 212. sag ge6 szesz-a-ni giri3 gub-ba im-gen 213. munus-e sza3 kur-kur-ra-ka nu-um-ma-ni-in-pa3 214. 3(disz)-kam-ma-asz munus-e nam gal4-la-ni-sze3 a-na im-gu-lu-u8-a-bi 215. {d}inanna-ke4 nam gal4-la-ni-sze3 a-na bi2-in-ak-a-bi 216. umbin KA su-ug-ga 1(disz)-am3 szu im-ma-an-ti 217. he-en-du kalam-ma-ka ba-an-gi16-ib 218. ug3 sag ge6 umbin KA su-ug-ga mu-na-ta-e3-e 219. lu2 gesz3 du11-ga-gu10 kur-kur-ra ga-mu-ni-pa3 im-me 220. lu2 gesz3 du11-ga-ni kur-kur-ra nu-um-ma-ni-in-pa3-de3 221. lu2-tur ad-da-ni-ir e2-a ba-szi-in-ku4 222. szu-kal-le-tu-da ad-da-ni-ir gu3 mu-na-de2-e 223. ad-da-gu10 munus a-ra-du11-ga-gu10 224. 3(disz)-kam-ma-asz munus-e nam gal4-la-na-sze3 a-na-am3 im-gul-lu-u8-a-bi 225. {d}inanna-ke4 nam gal4-la-na-sze3 a-na-am3 im-ak-a-bi 226. umbin KA su-ug-ga 1(disz)-am3 szu im-ma-an-ti 227. he-en-du kalam-ma-ka ba-an-gi16-ib 228. ug3 sag ge6 umbin KA su-ug-ga mu-na-ta-e3-e 229. lu2 gesz3 du11-ga-gu10 kur-kur-ra ga-mu-ni-pa3 im-me 230. lu2 gesz3 du11-ga-ni kur-kur-ra nu-um-ma-ni-in-pa3-de3 231. lu2-tur ad-da-ni mu-na-ni-ib-gi4-gi4 232. szu-kal-le-tu-da ad-da-ni mu-na-ni-ib-gi4-gi4 233. dumu-gu10 iri szesz-zu he2-eb-us2-en 234. sag ge6 szesz-zu-ne giri3 gub-ba gen-na 235. munus-e sza3 kur-kur-ra-ka nu-um-ma-ni-in-pa3-de3-en 236. iri szesz-a-ni ni2-bi-a im-us2 237. sag ge6 szesz-a-ni giri3 gub-ba im-gen 238. munus-e sza3 kur-kur-ra-ka nu-um-ma-ni-in-pa3 239. u4 im-zal {d}utu im-ta-e3-a-ra 240. munus-e ni2-te-a-ni igi im-kar2-kar2 241. ku3 {d}inanna-ke4 ni2-te-a-ni igi im-kar2-kar2 242. e ga2-a a-ba-a ma-ab-se3-ge 243. e ga2-a a-ba-a ma-ab-ag2-e 244. e-ne-eg3 a-a ugu-gu10 dam-an-ki-ka3 nam-me-a 245. abzu eridu{ki}-ga {d}en-ki-ka3-sze3 ku3 {d}inanna-ke4? giri3 im-ma-an-gub 246. nam?-bi-sze3? ur2? im-ma-an-dun-dun szu ba-an-na-la2-la2 247. a-a {d}en-ki he2-en-ga-mu-e-se3 he2-en-ga-mu-e-ag2 248. lu2-bi abzu-ta szu-ga2 u3-mu-e-ri-ze2-eg3 249. esz3 e2-an-na-gu10-sze3 ze2-ba-bi da-an-ku4 250. {d}en-ki-ke4 i3-sa6 mu-na-ab-be2 he2-am3 mu-na-ab-be2 251. ku3 {d}inanna abzu eridu{ki}-ta im-ma-da-ra-ta-e3 252. ni2-te-a-ni {d}tir-an-na-gin7 an-na ba-an-gi16-ib ki ba-da-an-us2 253. ulu3? i3-dib-be2 me-er i3-dib-be2 254. szu-kal-le-tu-da ni2-ta ba-ab-tur-tur-re szu-kal-le-tu-da {(1 ms. adds:) dili-ni} ni2-ta ba-ab-tur-tur-re 255. munus-e sza3? kur-kur-ra-ka im-ma-na-ni-in-pa3 256. ku3 {d}inanna-ke4 szu-kal-le-tu-da-ar gu3 mu-na-de2-e 257. a-gin7-nam x [...] x NI gal2? 258. UR PI ba [...] 259. ansze PI ba-x [...] 260. szah2 PI ba [...] 261. [...] 262. szu-kal-le-tu-da ku3 {d}inanna-ra mu-na-ni-ib-gi4-gi4 263. nin-gu10 mu2-sar-e a se3-se3-ge5-da-gu10 264. nisi-ga da pu2 ak-da-gu10 265. nisi dili-e nu-me-a a-na nu-me-a-bi 266. ur2-ba im-ta-bala zu2 im-ta-gaz 267. tum9-dal a-na-am3 de6-a-bi 268. igi-gu10 sahar kur-ra im-mi-ib-ra 269. ub igi-gu10 szu tuku-tuku-da-gu10 270. nig2 im-ma-ra-si-ig za3-bi nu-zu 271. sig-sze3 igi mu-il2 dingir un3-na kur u4 e3-ke4-ne igi bi2-du8 272. nim-sze3 igi mu-il2 dingir un3-na kur u4 szu2-ke4-ne igi bi2-du8 273. {d}gidim dili du-ra igi mu-ni-in-du8 274. dingir dili du-ra igi mu-un-ga2-ga2 275. me szu du7-du7-da igi bi2-in-du8 276. nam tar-ra dingir-re-e-ne-sze3 igi-ni mu-ni-gal2 277. sar-e ki 5(gesz2) 1(gesz'u) nu-te-a-ba 278. ki-ba gesz-an-dul3 1(disz)-am3 i3-gub 279. gesz-an-dul3-bi {gesz}asal2 du10 gissu dagal-la-kam 280. gissu-bi sig-ga u4 zal-la 281. an-bar7 an-usan-na nu-gi4-gi4 282. u4-ba nin-gu10 an mu-nigin2-na-ta ki mu-nigin2-na-ta 283. {d}inanna an mu-nigin2-na-ta ki mu-nigin2-na-ta 284. elam{ki} su-bir4{ki}-a mu-nigin2-na-ta 285. dubur an gil-gi16-il-la mu-un-nigin2-na-ta 286. nu-gig kusz2-a-ni-ta im-ma-te dur2-bi-sze3 i3-nu2 287. za3 sar-ra-ga2 igi im-ma-ni-se3 288. gesz3 im-ma-ni-du11 ne im-ma-ni-su-ub 289. za3 sar-ra-gu10-sze3 im-ma-szi-in-gi4 290. ur5-gin7 hu-mu-na-ab-be2-a-ka 291. [...] bi2-in-ra 292. [...] ba-an-tah 293. [...] ba-an-gi4 294. [...] x [...] nam mu-ni-ib-tar-re 295. ku3 {d}inanna-ke4 szu-kal-e-tu-da-ar gu3 mu-na-de2-e 296. gen-na ba-ug5-ge-en nam-gu10 mu-zu nam-ba-da-ha-lam-e 297. mu-zu en3-du-a he2-gal2 en3-du he2-du10-ge 298. nar tur-e e2-gal lugal-la-ka hu-mu-ni-in-ku7-ku7-de3 299. sipa-de3 dun5-dun5 {dug}szakir3-ra-ka-na du10-ge-esz he2-em-mi-ib-be2 300. sipa-tur-re ki udu lu-a-na mu-zu he2-em-tum2-tum2-mu 301. e2-gal? edin-na e2-zu he2-a 302. x x DU-a-ni gu3 re-a x ha?-an-szi-ga2-ga2 303. MIR x x x NE ga-e-szi-dub2 304. tug2 [...] x NE ga-e-szi-si-ig 305. a x [...] x u5-a-gu10-ne 306. A x [...] KA [...]-szi?-ga2-ga2 307. szu-kal-e-tu-da [...] x 308. [...] 309. [...] nam tar?-ra? 310. [...] {d}inanna za3-mi2 Version History |