Search results


   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI


CDLI Literary 000370 (Enmerkar and En-suhgir-ana) composite
Click for archival page


Primary publicationCDLI Literary 000370 (Enmerkar and En-suhgir-ana) composite
Author(s)CDLI
Publication date2014ff.
Secondary publication(s)Black, Jeremy A., et al., ETCSL (1998-2006) 1.8.2.4 Enmerkar and En-suhgir-ana; Attinger, Pascal (s. PDF version at ‟View commentary”)
Collection
Museum no.
Accession no.
Provenience
Excavation no.
PeriodOld Babylonian (ca. 1900-1600 BC)
Dates referenced
Object typeother (see object remarks)
Remarkscomposite text
Materialcomposite
LanguageSumerian
GenreLiterary
Sub-genreETCSL 1.08.02.04 Enmerkar and En-suhgir-ana (composite)
CDLI comments
Catalogue source20140911 wagensonner
ATF sourceetcslstaff
Translationno translation
UCLA Library ARK21198/z1fx8gx5
Composite no.Q000370
Seal no.
CDLI no.P469675

Can you improve upon the content of this entry?
Please contact us!
View commentary
No Image Available
Composite text


surface a
1. szeg12 kur szuba-ta e3-a
2. kul-aba4{ki} iri{ki} an ki-da mu2-a
3. unu{ki}-ga mu-bi {d}tir-an-na-gin7
4. an-ne2 us2-sa-bi si-musz3 gun3-a
5. an-na gub-ba-bi u4-sakar gibil na-nam
6. me gal-gal nam-nun-na du3-a
7. kur sikil-la u4 du10-ga ki gar-ra
8. iti6-gin7 kalam-ma e3-a
9. u4 zalag-gin7 kalam-ma si sa2
10. ab2-ur3 ab2-saharx(NE)-gin7 he-nun-ta e3-a
11. unu{ki}-ga ka tar-ra-bi kur-ra ba-te
12. me-lam2-bi ku3-me-a zi-da-am3
13. aratta{ki}-a tug2-gin7 ba-e-dul gada-gin7 ba-e-bur2
14. u4-ba u4 en-na-am3 ge6 bara2-ga-am3 {d}utu lugal-am3
15. sukkal en aratta{ki}-ka sukkal an-sig7-ga-ri-a mu-ni he2-en-na-nam
16. sukkal en-me-er-kar2 en kul-aba4{ki}-ke4 nam-en-na-tum2-ma mu-ni
17. en uru e-ne nun uru e-ne
18. en MI uru e-ne nun MI uru e-ne
19. en MI-MI uru e-ne nun MI-MI uru e-ne
20. lu2 dingir-sze3 tu-u4 e-ne
21. lu2 dingir-sze3 pa e3 e-ne
22. en unu{ki}-ga en kul-aba4{ki}-ra ur5-bi a-da-min3 na-e-de3
23. en aratta{ki} en-suh-gir11-an-na-ke4
24. igi-bi igi unu{ki}-sze3 kin-gi4-a-ar inim mu-na-ni-ib2-be2
25. e-ne ga2-a-ra gu2 ha-ma-an-ga2-ga2 {gesz}szudul4 ha-ma-ab-il2-e
26. u4-da gu2 ma-an-gar gu2 na-ma-an-gar u3 e-ne u3 ge26-e
27. e-ne {d}inanna-da e2-gar8-a-ka hu-mu-da-an-ti
28. ge26-e {d}inanna-da e2-za-gin3 aratta{ki}-ka hu-mu-da-an-ti-e-en
29. gesz-nu2 girin-a-ka hu-mu-un-de3-nu2
30. sze-er-kan2 du11 u3 du10 ku-ku-de3 hu-mu-de3-nu2-en
31. e-ne {d}inanna-da ge6-a ma-mu2-da igi hu-mu-ni-in-du8
32. ge26-e {d}inanna-da giri3 babbar-ra-na inim mu-da-bala-e
33. e-ne kur-gi4{muszen} sze he2-bi2-ib2-gu7-e
34. ge26-e kur-gi4{muszen} sze ba-ra-bi2-ib2-gu7-e
35. ge26-e kur-gi4{muszen} nunuz-bi giri3-lam-ma amar-bi NIG2 la2-e
36. tur-tur-bi utul2-gu10-sze3 gal-gal szen mah-gu10-sze3
37. kur-gi4{muszen} ki-a ba-ra-ab-tak4-a-bi
38. ensi2 kur-ra-ke4 gu2 mu-un-gar-re-esz-a mu-da-an-gu7-u3-ne
39. en-me-er-kar2-ra ur5-gin7 inim mu-na-ab-be2
40. kin-gi4-a du-ni szeg9-bar-ra-am3 im2-mi-da-ni sur2-du3{muszen}-am3
41. u4-dam i3-e3 an-u2-sa11-an-na-am3 i3-gi4-gi4
42. buru5{muszen} u4 zal-le-da-gin7 gaba ki za3 im-gub
43. buru5{muszen} ge6 masz-gin7 kur-sza3-ge im-si
44. {gesz}ilar-gin7 za3 im-gub-gub-be2
45. dur3{ur3} dili du-e {d}szakkan2-gin7 hur-sag-ga2 i3-dag-ge4
46. dur3{ur3} uru16 gal-gin7 kuszum4 i3-tag-tag-ge
47. dur3{ur3} sal-la kas4-e kin-ga2 du-ru-usz bur2
48. ur-mah a-sza3-ga u4 zal-la mur-ma-ra mu-un-sza4
49. ur-bar-ra sila4 szu ti-a-gin7 ul4-ul4-e im-gen
50. ki tur-tur-bi mu-un-gen-na-a DUL3-a mu-na-ab-si
51. ki gal-gal-bi mu-un-gen-na-a bulug-ga mu-na-ab-be2
52. en-ra ge6-par4 ku3-ga-ni-sze3 im-ma-szi-in-ku4-ku4
52a. en-me-er-kar2 ki ku3-ku3-ga-ni-sze3 im-ma-szi-in-ku4-ku4
53. za-e-sze3 lugal-gu10 mu-e-szi-in-gi4-gi4
54. en aratta{ki} en-suh-gir11-an-na-ke4 mu-e-szi-in-gi4-gi4
54a. lugal-zu du11-ga-ni nam-gu10 tah-a-ni nam-gu10
54b. en-suh-gir11-an-na-ke4 du11-ga-ni nam-gu10 tah-a-ni nam-gu10
54c. lugal-gu10 a-na bi2-in-du11 a-na bi-in-tah-am3
54d. en-suh-gir11-an-na-ke4 a-na bi2-in-du11 a-na bi2-in-tah-am3
55. lugal-gu10 na-ab-be2-a
56. e-ne ga2-a-ra gu2 ha-ma-an-ga2-ga2 {gesz}szudul4 ha-ma-ab-il2-e
57. u4-da gu2 ma-an-gar gu2 na-ma-an-gar u3 e-ne u3 ge26-e
58. e-ne {d}inanna-da e2-gar8-a-ka hu-mu-da-an-ti
59. ge26-e {d}inanna-da e2-za-gin3 aratta{ki}-ka hu-mu-da-an-ti-en
60. gesz-nu2 girin-a-ka hu-mu-un-de3-nu2
61. sze-er-kan2 du11 u3 du10 ku-ku-da hu-mu-de3-nu2-en
62. e-ne {d}inanna-da ge6-a ma-mu2-da igi hu-mu-ni-in-du8
63. ge26-e {d}inanna-da giri3 babbar-ra-na inim mu-da-bala-e
64. e-ne kur-gi4{muszen} sze he2-bi2-ib2-gu7-e
65. ge26-e kur-gi4{muszen} sze ba-ra-bi2-ib2-gu7-e
66. ge26-e kur-gi4{muszen} nunuz-bi giri3-lam-ma amar-bi NIG2 la2-e
67. tur-tur-bi utul2-gu10-sze3 gal-gal szen mah-gu10-sze3
68. kur-gi4{muszen} ki-a ba-ra-ab-tak4-bi
69. ensi2 kur-ra gu2 mu-un-gar-re-esz-am3 mu-da-gu7-u3-ne
70. en unu{ki}-ga x si?-musz3-bi x-da {gesz}zi-gan-bi-im
71. [...] {gesz}rab3 szu ri-bi
72. [...] ki us2-sa-a-ba
73. sur2-du3{muszen} an-na dal-e-da-bi gu muszen-na-bi-im
74. szeg12 e2 gal aratta{ki}-ka sur-sur mah he2-[...]-im?
75. [...] gal-gal aratta{ki}-a nam [...] mah-bi-im
76. [...] ba?-DU-a-asz [...] gal2
77. im-gin7 szu bi2-in-ra im-gin7 igi i-ni-in-bar
78. e-ne {d}inanna-da e2-za-gin3 aratta-ka hu-mu-da-an-ti
79. ge26-e x an-ta ki-a gub-ba-ni hu-mu-da-an-ti-en
80. sze-er-kan2-na du11 u3 du10 ku-ku-da hu-mu-un-de3-nu2-en
81. ge26-e gesz-nu2 gi-rin {d}inanna-ka u2 za-gin3 bara2-ga-a-ba
82. egir-bi-sze3 ug-am3 sag-bi-sze3 pirig-am3
83. ug-e pirig im-sar-re
84. pirig-e ug im-sar-re
85. ug-e pirig im-sar-re-da-bi
86. pirig-e ug im-sar-re-da-bi
87. u4 nu-um-zal ge6 u3-na nu-ru-gu2
88. ge26-e {d}inanna-da kaskal danna 1(u) 5(disz)-am3 szu hu-mu-un-da-nigin2-nigin2
89. {d}utu suh ku3-ga2 igi nu-mu-un-bar
90. ge6-par4 ku3-ga2 ba-e-szi-in-ku4-ku4
91. {d}en-lil2-le aga zi gidru [...]
92. {d}nin-urta dumu {d}en-lil2-la2-ke4
93. gesz {kusz}ummu-da-gin7 ur2 mu-un-tal2-tal2
94. da-ru-ru nin9 {d}en-lil2-la2-ke4
95. ubur zi-da-ni ma-an-la2 ubur gab2-bu-ni ma-an-la2
96. esz3 gal-sze3 e11-de3-da-gu10-ne
97. nu-gig-e anzu{muszen} amar-ra-gin7 mur mu-sza4
98. 2(disz)-kam-ma-sze3 e11-de3-da-gu10-ne
99. uz amar-ra nu-me-en-na szeg11 mu-un-gi4
100. iri{ki} tu-da-ni-ta NE im-ta-[...]
101. iri{ki} du3-gin7 iri{ki} na-me ba-ra-dim2
102. {d}inanna unu{ki}-ga he2-en-ti aratta{ki}-asz a-na me-a-bi
103. szeg12 kul-aba4{ki}-ka he2-en-ti kur me sikil-sze3 a-na-am3 ab-ak-e
104. mu 5(disz)-am3 mu 1(u)-am3 aratta{ki}-asz ba-ra-gen
105. u4 aratta{ki}-asz in-ga-an-du-a-ba
106. ku3 gal nin e2-an-na-ke4
107. ad-bi mu-un-da-gi4-a-asz inim-bi mu-un-zu-a-asz-asz ba-ra-gen
108. e-ne nu-tuku-da-am3 kur-gi4{muszen} sze ba-ra-bi2-ib2-gu7-e
109. ge26-e kur-gi4{muszen} sze he2-bi2-ib2-gu7-e
110. ge26-e kur-gi4{muszen} nunuz-bi giri3-lam-ma amar-bi NIG2 la2-e
111. tur-tur-bi utul2-gu10-sze3 gal-gal szen mah-gu10-sze3
112. kur-gi4{muszen} ki-a ba-ra-ab-tak4-a-bi
113. ensi2 kur-ra gu2 mu-un-gar-re-esz-a mu-da-gu7-e-ne
114. kin-gi4-a en-me-er-kar2 en-suh-gir11-an-na-ke4
115. ge6-par4 ku3 ki ku3-ku3-ga-ni-sze3
116. ki ku3-ku3-ga ba-da-an-KU-a AMA-bi ba-na-te
117. en-suh-gir11-an-na-ke4 a2 ag2-ga2 gu3 ba-an-de2 inim im-kin-kin-e
118. iszib lu2-mah gudug giri3-se3-ga ge6-par4-ra ti-la
119. gu2 x mu-ni-in-gar sza3 mu-da-ab-kusz2-u3
120. a-na ga-an-na-ab-be2 a-na ga-an-na-ab-be2
121. en unu{ki}-ga en kul-aba4{ki}-ra a-na ga-an-na-ab-be2
122. gu4-da-ni gu4-gu10-da lirum? im-da-ab-zi
123. gu4 unu{ki}-ga-ke4 a2 bi2-ib-gar
124. lu2-ni lu2-gu10-da usu im-da-ab-ra2
125. lu2 unu{ki}-ga-ke4 a2 bi2-ib-gar
126. ur-ra-ni ur-gu10-da usu im-da-ab-ra
127. ur unu{ki}-ga-ke4 |KA.NI| ba-ab-gar
128. ukken gar-ra si sa2-na mu-un-na-ni-ib-gi4-gi4
129. za-e-me-en unu{ki}-ga-sze3 dub-sag-ta
130. nig2 gal-gal en-me-er-kar2-ra kin-gi4-a-asz mu-un-gi4
131. en-me-er-kar2 la-ba-du3-e-en za-e-me-en ba-e-du3-e-en
132. zi gi4-ba sza3-zu nig2 na-me na-an-tum3 en-na ba-e-zu-zu
133. iri-gu10 dul he2-a ge26-e szika-bi he2-me-en
134. en unu{ki}-ga en kul-aba4{ki}-ra gu2 ba-ra-na-an-ga2-ga2
135. masz-masz dim2-ma-ni dumu ha-ma-zu-ke4
136. ur-giri3-nun-na dim2-ma-ni dumu ha-ma-zu-ke4
137. ha-ma-zu hul-a-ta aratta{ki}-asz bala-a
138. e2-ge6-par4 nam-masz-masz-e da?-ga?-na na-mu-un-KU
139. sukkal an-sig7-ga-ri-a gu3 mu-un-na-de2-e
140. lugal-gu10 ad-da gal-gal iri{ki}-ke4-ne
141. libir-ra usz ki gar-ra-ke4-ne
142. [...] x-ka a-na-asz-am3 nu-um-ga2-ga2-ne ad nu-um-gi4-gi4-ne
143. ge26-e i7 unu{ki}-ga-ke4 ga-am3-ba-al
144. itima aratta{ki}-ka gu2 ga-mu-ni-ib2-gar
145. inim unu{ki}-ga-ke4 |KAxX| um-mi-in-tag
146. erin2 gal-gu10 sig-ta igi-nim-sze3 ab-ta kur {gesz}erin-sze3
147. igi-nim-ta kur szim {gesz}erin-na-sze3 gu2 ga-mu-ni-ib-gar
148. unu{ki}-ge nig2-gur11 ni2-ba-ke4 {gesz}ma2 he2-em-da-gid2-de3
149. {gesz}ma2 he2-em-da-la2-e e2-za-gin3 aratta{ki}-sze3
150. sukkal an-sig7-ga-ri-a iri?-na mu-ni-zi KISZI4-na mu-ni-szub
151. x lu2 [...] an-sig7-ga-ri-a na-mu-ni-x-du11-x
152. [...] x-e? nu-usz-ma-ab-x-x
153. lugal-gu10 ad-da gal-gal iri{ki}-ke4-ne
154. libir-ra usz ki gar-ra-ke4-ne
155. ki sukkal e2-gal-la a-na-asz-am3 nu-um-ga2-ga2-ne ad nu-um-gi4-gi4-ne
156. ge26-e i7 unu{ki}-ga-ke4 ga-am3-ba-al
157. itima aratta{ki}-ka gu2 ga-mu-ni-ib-gar
158. inim unu{ki}-ga-ke4 |KAxX| um-mi-in-tag
159. erin2 gal-gu10 sig-ta igi-nim-sze3 ab-ta kur {gesz}erin-sze3
160. igi-nim-sze3 kur szim {gesz}erin-na-sze3 gu2 ga-mu-ni-ib-gar
161. unu{ki}-ga nig2-gur11 ni2-ba-ke4 {gesz}ma2 he2-em-da-gid2-de3
162. {gesz}ma2 he2-em-da-la2-e e2-za-gin3 aratta{ki}-sze3
163. en-ra hul2-la-gin7 im-ma-na-ni-ib-gar
164. 5(disz) ma-na ku3-sig17 mu-na-ab-szum2-mu
165. 5(disz) ma-na ku3-babbar mu-na-ab-szum2-mu
166. u2 nir-gal2 gu7 ba-bi mu-na-ab-be2
167. a nir-gal2 nag ba-bi mu-na-ab-be2
168. u4 nam-ra-asz lu2-bi ak-am3
169. zi-zu nig2-ga2 a-la szu-zu he2-gal2 mu-na-ab-be2
170. masz-masz engar numun sag-ga2-ke4
171. erisz2{ki} iri{ki} {d}nisaba-sze3 giri3 im-ma-ab-gub-be2-en
172. e2 tur3-ra e2 ab2 dur2-ru-na-asz ba-te
173. ab2-e tur3-ra sag mu-da-ab-sag3
174. ab2-e inim bi2-in-du11 lu2-ulu3-gin7 inim mu-da-ab-bala-e
175. ab2 i3-zu a-ba-a i3-gu7-e ga-zu a-ba-a i3-na8-na8
176. i3-gu10 i3-gu7-e {d}nisaba-ke4
177. ga-gu10 i3-na8-na8 {d}nisaba-ke4
178. ga-ar3-gu10 suh10 ku3 galam du11-ga
179. unu6 gal unu6 {d}nisaba-ke4 me-te-a-asz im-mi-ib-gal2
180. i3-gu10 tur3 ku3-ta en-na ga-mu-de6-a-asz
181. ga-gu10 amasz ku3-ta en-na ga-mu-de6-a-asz
182. u3-sumun2 zi {d}nisaba dumu-sag {d}en-lil2-la2-ke4 lu2 nu-um-mi-in-zi-zi
183. ab2 i3-zu si-musz3-zu-sze3 ga-zu murgu-zu-sze3
184. ab2 i3-bi si-musz3-bi-sze3 ba-ab-BU ga-bi murgu-bi-sze3 ba-ab-BU giri3 [...]
185. amasz ku3 amasz {d}nisaba-sze3 ba-te
186. ud5-de3 amasz-a sag mu-da-ab-sag3
187. ud5-de3 inim bi2-in-du11 lu2-ulu3-gin7 inim mu-un-da-ab-bala-e
188. ud5 i3-zu a-ba-a i3-gu7-e ga-zu a-ba-a i3-na8-na8
189. i3-gu10 i3-gu7-e {d}nisaba-ke4
190. ga-gu10 i3-na8-na8 {d}nisaba-ke4
191. ga-ar3-gu10 suh10 ku3 galam du11-ga
192. unu6 gal unu6 {d}nisaba-ke4 me-te-a-asz im-mi-ib-gal2
193. i3-gu10 tur3 ku3-ta en-na ga-mu-un-de6-a-asz
194. ga-gu10 amasz ku3-ta en-na ga-mu-un-de6-a-asz
195. u3-sumun2 zi {d}nisaba dumu-sag {d}en-lil2-la2-ke4 lu2 nu-um-mi-in-zi-zi
196. ud5 i3-zu si-musz3-zu-sze3 ga-zu murgu-zu-sze3
197. ud5 i3-bi si-musz3-bi-sze3 ba-ab-BU ga-bi murgu-bi-sze3 ba-ab-e3
198. u4-bi-a tur3 amasz-a e2 si-ga ba-ab-du7 nig2 ha-lam-ma ba-ab-ak
199. ubur ab2-ka ga nu-un-gal2 amar-e u4 bi2-in-szu2
200. amar tur-bi sza3-sug4-ga mu-un-gal2 er2 gig i3-sze8-sze8
201. ubur ud5-ka ga nu-un-gal2 masz2-e u4 bi2-in-szu2
202. masz2-ud5-da-bi sza3-ka-tab-ba ba-an-nu2 zi-bi mi-ni-[...]
203. ab2-e amar-bi-sze3 inim gig bi-ib2-be2
204. ud5-de3 masz2-bi mu-na-ab-[...]
205. {dug}szakir3 ku3-ga si-si-ig x [...] sza3-sug4-ga mu-un-gal2 sza3-ka-tab-ba ba-an-nu2
206. u4-bi-a tur3 amasz-a e2 si-ga ba-ab-du11 nig2 ha-lam-ma ba-ab-ak
207. unu3-de3 eszgiri2 szu-na bi2-in-tak4 igi-ni i3-sag3-ge
208. sipa-de3 szibir za3-ga-na bi2-in-la2 er2 gig i3-sze8-sze8
209. kab-bar tur amasz tur3-sze3 la-ba-x giri3 kur2 ba-ra-an-dab5
210. ga-il2-bi ad gal-esz2 nu-mu-e11 sila kur2 ba-ra-an-dab5
211. unu3 sipa {d}nisaba-ke4-ne
212. dumu tu-da ama dili-me-esz
213. tur3 amasz-a a2 e3-a-me-esz
214. 1(disz)-kam-ma masz2-gu-la mu-ni he2-en-na-nam
215. 2(disz)-kam-ma ur-edin-na mu-ni he2-en-na-nam
216. 2(disz)-na-ne-ne ka2 mah igi {d}utu e3-a ki u6 di kalam-ma
217. sahar-tu11-sahar-tu11-ba ba-an-dur2-ru-ne-esz {d}utu an-ta i-im-gi4-gi4-ne
218. masz-masz-e lu2 aratta{ki}-ka e2 tur3-ra mu-un-ku4
219. e2 tur3-ra gara2 ba-an-kal amar tur la-ba-an-ri-ri
220. tur3 amasz nig2-gig-bi bi2-ak i3 ga ba-e-ni-kal bi2-in-la2
221. [...] x-bi i3-szub-szub nig2 ha-lam-ma ba-ab-ak
222. [...] KA-bi ba-an-na-te
223. [...] gal2-la-am3 igi mu-un-na-nigin2
224. [...] erisz2{ki} [...]-x-an-gur
225. gu2 {i7}buranun-na i7 na? mah? KA gal2-la i7 dingir-re-e-ne
226. iri{ki} nam tar-ra an {d}en-lil2-la2 [...] giri3 bi2-in-gub
227. um-ma sag-bur-ru szu mu-un-na-an-[...]
228. 2(disz)-na-ne-ne agargara i7-da i-ni-in-szub-bu-usz
229. masz-masz-e suhur{ku6} gal a-ta im-ta-an-e3
230. um-ma sag-bur-ru hu-ri2-in{muszen} a-ta im-ta-an-e3
231. hu-ri2-in{muszen}-e suhur{ku6} gal in-kar hur-sag-sze3 ba-an-ku4
232. 2(disz)-kam-ma-asz agargara i7-da i-ni-in-szub-bu-usz
233. masz-masz-e u8 sila4-bi a-ta im-ta-an-e3
234. um-ma sag-bur-ru ur-bar-ra a-ta im-ta-an-e3
235. ur-bar-ra u8 sila4-bi in-kar edin dagal-sze3 ba-an-ur3
236. 3(disz)-kam-ma-asz agargara i7-da i-ni-in-szub-bu-usz
237. masz-masz-e ab2 amar-bi-ta a-ta im-ta-an-e3
238. um-ma sag-bur-ru ur-mah-e a-ta im-ta-an-e3
239. ur-mah-e ab2 amar-bi in-kar gesz-gi-sze3 ba-an-ku4
240. 4(disz)-kam-ma-asz agargara i7-da i-ni-in-szub-bu-usz
241. masz-masz-e szeg9 szeg9-bar-e a-ta im-ta-an-e3
242. um-ma sag-bur-ru nemurx(|PIRIG.TUR|) hur-sag-ga2 a-ta im-ta-an-e3
243. nemurx(|PIRIG.TUR|)-e szeg9 szeg9-bar-e in-kar hur-sag-sze3 ba-an-ku4
244. 5(disz)-kam-ma-asz agargara i7-da i-ni-in-szub-bu-usz
245. masz-masz-e amar masz-da3 a-ta im-ta-an-e3
246. um-ma sag-bur-ru ur-szub5 ur-nim-e a-ta im-ta-an-e3
247. ur-szub5 ur-nim-ma amar masz-da3 in-kar {gesz}tir-tir-sze3 ba-an-ku4
248. masz-masz-e igi-ni ba-ku10-ku10 dim2-ma-ni ba-suh3
249. um-ma sag-bur-ru gu3 mu-na-de2-e
250. masz-masz nam-masz-masz-zu he2-gal2 dim2-ma-zu me-a
251. a-na-gin7-nam erisz2{ki} iri {d}nisaba-sze3
252. iri{ki} nam tar-ra an {d}en-lil2-la2
253. iri{ki} ul iri ki ag2 {d}nin-lil2-la2
254. nam-masz-masz ak-de3 a-gin7 im-da-gen-ne-en
255. masz-masz-e mu-un-na-ni-ib-gi4-gi4
256. nu-zu-a-gu10-ne i-im-gen-ne-en
257. nam-gur4-ra-zu i3-zu nam-ba-an-sis-e-de3-en
258. szu giri17-na i-ni-in-gal2 szudu3 mu-un-na-an-sza4-asz
259. szu ba-mu-u8 nin-gu10 szu ba-mu-u8
260. silim-ma-bi iri{ki}-gu10-sze3 ga-gen
261. aratta{ki} kur me sikil-la-sze3 zi-gu10 ga-ba-szi-de6
262. nam-mah-zu kur-kur-ra ga-bi2-ib-zu
263. aratta{ki} kur me sikil-la-ka ka tar-zu ga-si-il
264. um-ma sag-bur-ru mu-un-na-ni-ib-gi4-gi4
265. tur3 amasz-a nig2-gig-ga bi2-ak i3 ga ba-e-ni-kal
266. {gesz}banszur an-bar7 {gesz}banszur kin-nim kin-sig mu-e-su3
267. kin-sig unu6 gal-la i3 ga ba-e-ku5 nig2-gig-bi x DU
268. nam-tag-zu i3 ga [...] nu-mu-e-tum3
269. {d}nanna lugal x amasz-a? MU x ga ba-e-szum2-mu
270. szer7-da i3-ga2-ga2 zi nu-mu-ra-ab-szum2-mu
271. um-ma sag-bur-ru masz-masz-e ukken?-ni inim-ma-ni mu-ni-in-sag3
272. szaga-a-ni gu2 {i7}buranun-na-ka i-ni-in-szub
273. zi nam-ti-la ba-da-an-kar iri{ki}-ni erisz2{ki}-sze3 ba-e-gur
274. en-suh-gir11-an-na-ke4 inim-bi gesz ba-an-tuku-a-ta
275. en-me-er-kar2-ra lu2 mu-un-szi-in-gi4-gi4
276. za-e-me-en en ki ag2 {d}inanna-me-en dili-zu-ne mah-me-en
277. {d}inanna-ke4 ur2 ku3-ga-ni-sze3 zi-de3-esz mu-un-pa3-de3-en ki ag2-ga2-ni-me-en
278. sig-ta igi-nim-sze3 en gal-bi za-e-me-en ge26-e us2-sa-zu-me-en
279. a ru-a-ta gaba-ri-zu nu-me-en szesz-gal za-e-me-en
280. ge26-e nu-mu-da-sa2-e-en u4 da-ri2-sze3
281. en-me-er-kar2 en-suh-gir11-an-na a-da-min3 du11-ga
282. en-me-er-kar2 en-suh-gir11-an-na dirig-ga-a-ba
283. {d}nisaba za3-mi2

surface b
1. [...] BI SI
2. [...]-ta
3. [...]-an-du11
4. masz-masz-e ki en-na-sze3 lu2 mu-un-ni-in-ku4-ku4
5. ur-giri3-nun-na ki en-na-sze3 lu2 mu-ni-in-ku4-ku4
6. masz-masz-e sukkal GA2 an-sig7-ga-ri-a na-mu-un-ne-du11-ga
7. x-bi-sze3 nu-usz-[...]



Version History

  Page: 1