Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| CDLI Literary 000619 (Enlil A) composite Click for archival page
Can you improve upon the content of this entry? Please contact us! | View commentary No Image Available | Composite text surface a 1. {d}en-lil2 su3-ra2-sze3 du11-ga-ni mah inim-ma-ni Cited in OB catalogue from Nibru, at Philadelphia, 0.2.01, line 5; OB catalogue in the Louvre, 0.2.02, line 5; OB catalogue from Urim (U2), 0.2.04, line 16; OB catalogue at Andrews University, 0.2.11, line 10) 2. nig2 nu-kur2-ru ka-ta e3-a-ni nam ul-sze3 tar-re 3. igi il2-la-ni kur-re di-di 4. gesz-nu11 il2-la-ni kur-sza3-ga igi gal2 5. a-a {d}en-lil2 bara2 ku3 bara2 6. {d}nu-nam-nir nam-en nam-nun-na szu gal du7-a-ni 7. dingir ki ni2-ba mu-un-na-gam-e-esz 8. dingir-dingir {d}a-nun-na mu-un-na-su13-su13-ne-esz 9. a2 ag2-ga2 zi3-de3-esz im-ma-su8-ge-esz 10. en uri{ru} gal an ki-a diri di zu gal-an-zu-e 11. dur-an-ki-ka dur2 ba-an-gar gesztu2 dagal-la-ke4 12. nam-nun-na ni2 pa e3-a szi-bi2-in-ak ki-ur3 ki gal-la 13. nibru{ki} ud5-sag mah an ki-ka ki-tusz im-ma-ni-in-du3 14. iri igi-bi ni2 me-lem4 husz-a 15. bar-bi dingir uri{ru}-na sag nu-ga2-ga2-dam 16. sza3-bi ka gir2 kig2-a ka garasz2-a-ka 17. {gesz}es2-ad ki-bala-a pu2 sa ak-a 18. gal-bi du11-ga-bi u4 la-ba-ni-ib-su3-u4-de3 19. di-da inim erim2-gal2 nu-mu-ni-ib-be2 20. sza3-a bar-a eme 21. inim kur2 nig2 kur2 u3-nu-gar-ra 22. sze29-esz2 23. igi bala nig2-a2-gar inim-inim 24. sun7-na inim bur2-ra ni2 balag di silim-esz2 di 25. iri nig2-gig-ga nu-mu-ni-ib-dib-be2 26. nibru{ki} a2-bi sa-par3 gal-la-am3 27. sza3-ba hu-ri2-in{muszen}-e du10 mu-un-bad-ba9-re6 28. lu2-erim2 lu2 hul-gal2 szu-bi la-ba-ra-e3 29. iri nig2-ge-na sag-e-esz rig7-ga 30. nig2-zi3 nig2-si-sa2 gil-sa-sze3 ak-a 31. tug2 dan2-dan2-na kar-ra gal2-la 32. szesz-gal szesz-banda3{da} dugud-de3-da nam-lu2-ulu3 ak-da 33. inim ab-ba-sze3 gizzal ak-de3 ni2 szu-a gi4-gi4-dam 34. dumu ama-ni-ir su13-na ni2 te-ge26-da nam-ab-ba su4-de3 35. iri a2-dam ku3 {d}en-lil2-la2-kam 36. nibru{ki} esz3 ki ag2 a-a kur gal-la-kam 37. bara2 nam-he2 e2-kur e2 za-gin3 sahar-ta sza-ba-ra-an-il2 38. hur-sag il2-la-gin7 ki sikil-la bi2-in-mu2 39. nun-bi kur gal a-a {d}en-lil2 40. e2-kur esz3 mah-a bara2-ba dur2 bi2-in-gar 41. e2-a me-bi dingir sag2 nu-di 42. szu-luh sikil-bi ki-gin7 nu-silig-ge 43. me-bi me abzu lu2 igi nu-bar-re-de3 44. sza3-bi ab su3-ra2 an-za3 nu-zu-a 45. KA urin du3-a urin mul-la-ba 46. di-ir-ga me ul-e szu im-ta-du7-du7 47. inim-inim-ma-bi szudu3-szudu3-de3 48. mu7-mu7-bi 49. inim-bi inim-gar sa6 bar szu 50. garza nig2 kal-kal-la-kam szu-qu3-ru-tum 51. ezen i3 gara2 su4 he2-gal2-la du8-a 52. gesz-hur-bi giri17-zal sza3 hul2-la di-bi nig2 gal-gal-la-kam 53. u4 szu2-usz ezem-ma u4 zal-le buru14 mah-am3 54. e2 {d}en-lil2-la2 kur he2-gal2-la-kam 55. szu gid2 igi-tum3 la2 szu sumur nig2-gig-ga 56. e2-a en-bi e2-da mu2-a 57. lagar-bi _sza ka-ra-bi_ szu silim-ma he2-du7-am3 58. abzu gudux(|HIxNUN|)-bi szu-luh-ha 59. nu-esz3-bi szita ku3-ge du7-me-esz 60. engar mah-bi sipa zi3 kalam-ma 61. u4 du10-ga zi3-de3-esz tu-u4-da-am3 62. engar GAN2 dagal-la he2-du7-am3 63. szi-im-da-ge nidba gal-gal-la-da 64. gesz-la2-bi nu-mu-un-DU e2-kur za-gin3-sze3 65. {d}en-lil2 a2-dam ku3 ki-a hur-ra-za 66. nibru{ki} iri ni2-za szi-im-mi-du3-du3-am3 67. ki-ur3 kur ki sikil-zu a bi2-du10-ga 68. ub-da 4(disz)-ba muru2-ba dur-an-ki-ka ki ba-e-ni-ta3-ge 69. sahar-bi zi kalam-ma zi kur-kur-ra-ka 70. sig4-bi ku3 husz-a usz8 {na4}za-gin3-na-ka 71. am-gin7 ki-en-gi-ra si mul ba-ni-ib-be2 72. kur-kur-re sag im-ma-da-sag3-ge 73. ezem gal-gal-ba ug3-e nam-he2-a u4-bi mu-un-di-ni-ib-zal-e 74. {d}en-lil2 {d}urasz ku3 hi-li du8-du8-a-zu 75. abzu bara2 76. kur sig itima ku3 ki ni2 te-en-te-en-zu 77. e2-kur e2 za-gin3 ki-tusz mah ni2 gur3-ru-zu 78. ni2 me-lem4-bi an-ne2 im-us2 79. gissu-bi kur-kur-ra sza-mu-un-la2 80. suh10-bi an-sza3-ga-asz sza-mu-un-bad-ba9-re6 81. en-en-e bara2-bara2-ge2-ne 82. nidba ku3-ge si mu-ni-in-sa2-esz 83. szudu3 84. {d}en-lil2 sipa igi zi3 bar-ra-zu 85. gu3 zi3 de2-a kalam-ma il2-la-zu 86. kur szu-ni-sze3 kur giri3-ni-sze3 87. kur-ra ki su3-ra2-bi gu2 mu-na-ab-ga2-ga2 88. a se25-gin7 du8-a nig2 ki-szar2-ra-ka 89. masz2-da-ri-a gu2-un dugud-da-bi 90. sa2 bi2-in-du11 e2 nig2-gur11-ra-ka 91. kisal mah-ha nidba si bi2-in-sa2 92. e2-kur e2 za-gin3-na ma-sar-re-esz im-mi-in-tum3 93. {d}en-lil2 sipa zi3 tesz2-ba 94. na-gada mas-su nig2-zi-gal2-la-ka 95. nam-nun gal-la-ni ni2 pa e3-a-asz bi2-in-ak 96. men suh10 ku3-ga mu-ni-in-sig7 97. tum9 hur-sag-ga2 bara2-ge si-a-na 98. {d}tir-an-na-gin7 an-e szi-in-gi4 99. dungu diri-ga-gin7 ni2-bi-a mu-un-ge 100. an-na dili nun-bi-im ki-a uszumgal-bi-im 101. {d}a-nun-na-ke4-ne dingir mah-bi-im 102. nam ni2-te-a-ni szi-im-mi-in-tar-re 103. dingir na-me igi nu-mu-ni-in-du8 104. sukkal-mah-a-ni kingal 105. du11-ga inim sza3-ga gal2-la-ni 106. mu-un-da-an-zu sza3 mu-da-an-kusz2-u3 107. a2 ag2-ga2 dagal-bi mu-un-na-da-an-tum2 108. szita ku3 me ku3-ga szu mu-un-na-mu2-mu2 109. kur gal {d}en-lil2-da nu-me-a 110. iri nu-du3 a2-dam ki li-bi2-ib-gar 111. tur3 nu-du3 amasz nu-gar-gar 112. lugal nu-il2-e en nu-u3-tu 113. lu2-mah nin-dingir masz2-e nu-mu-un-dab5-be2 114. erin2-e szagina ugula nu-tuku-tuku 115. i7-da a-esztub{ku6} u3-bi nu-dun-dun 116. egir-bi ab-ta e3 si li-bi2-in-sa2 kun-bi nu-mu-un-su4-e 117. ab-e erim3 dugud ni2-ba nu-mu-un-u3-tu 118. ku6 engur-ra-ke4 gesz-gi-a nunuz nu-mu-ni-ib-nu2-nu2 119. muszen an-na-ke4 ki dagal-la gu4 la-ba-ni-ib-u2-us2 120. an-na dungu sir2-ra ka-bi nu-du8-e 121. a-sza3-ga sze gu-nu a-gar3-ra nu-si-si 122. edin-na giri17-zal-bi u2-szim nu-mu2-mu2 123. {gesz}kiri6-a gesz dagal 124. kur gal {d}en-lil2-da nu-me-a 125. {d}nin-tu nu-ug5-ge sag gesz nu-ra-ra 126. ab2-e e2 tur3-ra amar-bi nu-szub-be2 127. u8-e amasz-bi-a sila4 ga2 gig nu-e3 128. a-za-lu-lu ni2-ba lu-a 129. TUG2-bi KUL-ba nu-mu-ni-ib-nu2-nu2 130. masz2-ansze nig2-ur2-4(disz)-e numun nu-mu-ni-ib-e3 e-ne su3-u4-bi nu-mu-un-u5 131. {d}en-lil2 nig2 galam-ma-galam-ma-zu nig2-me-gar su3-ga 132. sza3-bi gu suh3-a si nu-sa2-e-dam 133. gu-gu gil-ma igi nu-pa3-de3-dam 134. nam-dingir-zu-sze3 nir im-te-gal2 135. sza3 kusz2-u3 ad gi4-gi4 en ni2-te-na-me-en 136. nig2 ak-zu a-ba i3-zu-zu 137. me-zu me pa nu-e3-de3 138. musz3-za dingir igi nu-bar-re-dam 139. en dingir lugal {d}en-lil2-la2-me-en 140. di-ku4 ka-asz bar an ki-me-en 141. inim mah-zu an-gin7 dugud-da-gin7 zi-zi nu-e-zu 142. inim-zu-sze3 dingir {d}a-nun-na szu szum2-ma im-ma-an-ak-esz 143. inim-zu an-sze3 idim-ma ki-sze3 temen-am3 144. an-sze3 idim gal an-ne2 us2-sa 145. ki-sze3 temen sag2 nu-di-dam 146. an-e um-ma-te he2-gal2-la-am3 147. an-ta he2-gal2 im-da-szeg3-szeg3 148. ki-a um-ma-te giri17-zal-am3 149. ki-ta giri17-zal im-da-mu2-mu2 150. inim-zu gu-am3 inim-zu sze-am3 151. inim-zu a-esztub zi kur-kur-ra-kam 152. nig2-zi-gal2 nig2-ki u5-a 153. zi du10-ga u2-szim im-da-pa-an-pa-an 154. {d}en-lil2 sipa zi3-me-en |DU.DU|-bi mu-un-zu 155. x-ga du10-tuku-am3 mul gun3-gun3-a 156. {d}nin-lil2 nitalam ku3 inim-ma-ni sza3-ga 157. tug2-ba13 ku3 ulutim2-ta nir-ra alan me-dim2-ta si3-ga 158. munus zi3 igi il2-la ba-e-de3-tuku-dam 159. ul gur3-ru e2-kur-ra nin me-te-gal2 zu 160. ad gi4-gi4 inim-ma ba-ab-du7 161. inim-ma-ni su-a bi2-du10-ga-bi i3 li sza3-ga-kam 162. bara2 ku3 bara2 sikil-da szi-im-mu-e-da-an-ti 163. ad szi-mu-da-an-gi4-gi4 sza3 szi-mu-da-an-kusz2-u3 164. nam tar-re ki {d}utu e3-a nam szi-mu-da-ab-tar-re 165. {d}nin-lil2 nin an ki nin kur-kur-ra-ke4 166. za3-mi2 kur gal-la-ka mi2 du11-ga 167. mah-di inim-ma-ni ki-bi-sze3 gar 168. du11-ga a2-tah-a-ni nig2 nu-kur2-ru 169. ka-ta e3-a-ni sag ba-an-gub 170. gesz-hur-hur-ra-ni inim ge-en-ge-en 171. kur gal a-a {d}en-lil2 za3-mi2-zu mah-am3 Version History |