Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINBE 2, Nabonidus 27, ex. 02 Click for archival page
Can you improve upon the content of this entry? Please contact us! |  (click on image to enlarge) | Cylinder surface a column 1 1. e2-babbar-ra _e2_ {d}utu sza2 zimbir{ki} 2. sza2 {disz}{d}na3-nig2-gub-uru3 _lugal_ babilax(|TIN.TIR|){ki} _lugal_ mah-ri 3. _e2_ szu-a-tim id-ku-'i-i-ma 4. te-me-en-szu2 la-bi-ri la ik-szu-du 5. e2-babbar-ra szu-a-tim i-pu-usz-ma 6. a-na {d}utu be-li2-szu2 id-di-in 7. i-na 5(u) 2(disz) _mu-mesz_ sza2 _e2_ szu-a-tum i-ga-ra-tu-szu2 8. i-qu-pa-a-ma il-li-ku la-ba-ri-isz 9. ia-a-ti {disz}{d}na3-ni2-tuku _lugal_ babilax(|TIN.TIR|){ki} 10. [x x x?] e2#-sag-il2 u3 e2-zi-da ina _bala_-e-a ki-nim 11. [... {d}]utu# i-ram-mu e2-babbar-ra szu-a-ti 12. [...]-at#-su ah-t,u-ut, te-me-en-szu2 la-bi-ri 13. [...]-szu# a-mu-ur-ma e-li te-me-en-na 14. [...]-e# _szu#-si_ la e-re-bi 15. [...]-na#-at-su 16. [...]-ma#-nu n lines broken 17'. a#-a# ir#-sza2#-a4# hi#-t,i#-ti# isz#-da#-szu2#-nu# li#-kunu#{+nu#} 18'. ia-a-ti {disz}{d}na3-ni2-tuku _lugal_ babilax(|TIN.TIR|){ki} 19'. pa-lih _dingir_-u2-ti-ku-nu ra-bi-ti 20'. la-le-e ba-la-t,u lu-usz-bi 21'. u3 sza2 {disz}{d}en-lugal-uru3 _dumu_ resz-tu-u2 s,i-it lib3-bi-ia 22'. szu-ri-ku _u4-mesz_-szu2 a-a ir-sza2-a' hi-t,i-tum 23'. sza2 _ugu_ {na4}a-su-mit-tum sza2 zimbir{ki} 24'. e2-babbar-ra _e2_ {d}utu sza2 larsa{ki} sza2 u4-mu ru-qu-u2-ti 25'. {d}sin _lugal_ sza2 _dingir-mesz en dingir-mesz_ u3 {d}isz-tar 26'. a-szi-bu-tu2 sza2 _an_-e u3 _ki_-tim e-li _iri_ 27'. u3 _e2_ sza2-a-szu is-bu-su-ma szi-pik ba-as,-s,i _gal-mesz_ 28'. e-li-szu2 isz-szap-ku-ma la in-nam-ru 29'. ki-is,-s,i-szu2 i-na _bala_-e {disz}{d}na3-nig2-gub-uru3 30'. _lugal_ babilax(|TIN.TIR|){ki} _lugal_ mah-ri a-lik mah-ri-ia 31'. _dumu_ {disz}{d}na3-ibila-uru3 _lugal_ babilax(|TIN.TIR|){ki} 32'. i-na qi2-bi {d}sin u3 {d}utu _en-mesz_-szu2 33'. it-bu-nim-ma sza2-a-ri er-bet-ti me-he-e _gal-mesz_ 34'. ba-as,-s,i sza2 e-li _iri_ u3 _e2_ szu-a-tim kat2-mu 35'. in-na-si-ih-ma hi-it,-t,a-tum ih-t,u-ut,-ma 36'. te-me-en-na e2-babbar-ra sza2 {disz}bur-na-bur-ia2-asz3 37'. _lugal_ pa-na-a a-lik mah-ri-szu2 i-pu-szu 38'. i-mur-ma e-li te-me-en-na {disz}bur-na-bur-ia2-asz3 39'. _szu-si_ la a-s,e-e _szu-si_ la e-re-bi 40'. usz-szu2 e2-babbar-ra szu-a-ti id-di a-na mu-szab 41'. {d}utu _en gal_-u2 u3 {d}a-a kal-lat na-ram-ti-szu2 42'. _e2_ i-pu-usz-ma u2-szak-lil szi-pir-szu2 43'. {d}utu be-lum ra-bu-u2 44'. qer-ba-szu2 u2-szar-ma-a szub-tum 45'. ia-a-ti {disz}{d}na3-ni2-tuku _lugal_ babilax(|TIN.TIR|){ki} 46'. za-nin e2-sag-il2 u3 e2-zi-da 47'. i-na-an-na i-na _mu 1(u)-kam_ ina _bala_-e-a ki-nim 48'. sza2 {d}sin u3 {d}utu i-ram-mu {d}utu _en gal_-u2 49'. ih-su-us-<<su>>-ma szu-bat-su re-esz-ti-ti 50'. i-na szu-ut-ti sza2 a-mu-ru u3 _ug3-mesz_ i-tam-ma-ru-ni 51'. a-na _ugu_ te-me-en-na e2-babbar-ra la-bi-ri szu-a-tu2 52'. e2-babbar-ra a-na asz2-ri-szu2 tur-ru szu-bat t,u-ub lib3-bi-szu2 53'. u2-ma-'e-er-an-ni ia-a-szi na-ah-lap-tu4 ziq-qur-rat 54'. e-li-tu2 ap-pa-lis-ma u2-szad-kam-ma _ug3-mesz_ ma-du-tum 55'. li-mi-tu4 _e2_ ziq-qur-rat szu-a-tum 1(u)-5(disz) _2(disz)-3(u)_ 56'. pa-ni u3 _egir_ ah-t,u-ut,-ma e2-babbar-ra 57'. a-di si-hir-ti-szu2 a-mur-ma szi-t,ir szu-um column 2 1. sza2 {disz}ha-am-mu-ra-pi2 _lugal_ mah-ri a-lik mah-ri-ia 2. <<qe2-reb-szu2 ap-pa-lis-ma>> <sza> _7(disz) me mu-mesz_ la-am {disz}bur-na-bur-ia2-asz3 3. e2-babbar-ra u3 ziq-qur-ra-tum e-li te-me-en-na 4. la-bi-ri <<e2-babbar-ra>> a-na {d}utu i-pu-szu2 5. qer-ba-szu2 ap-pa-lis-ma ih-di lib3-bi 6. im-mi-ru zi-mu-u2-a 7. e2-babbar-ra e-li te-me-en-na {disz}ha-am-mu-ra-pi2 8. _lugal_ mah-ri _szu-si_ la a-s,e-e _szu-si_ la e-re-bi 9. usz-szu2-szu2 ad-di-ma u2-kin li-ib-na-at-su 10. e2-babbar-ra esz-szisz e-pu-usz-ma u2-szak-lil szi-pir-szu2 11. _gesz-ur3-mesz {gesz}erin_ s,i-ru-tum tar-bit {kur}ha-ma-nu 12. a-na s,u-lu-li-szu2 u2-szat-ri-is, _{gesz}ig-mesz {gesz}erin-babbar_ 13. sza2 i-ri-is-si-na t,a-a-bi e-ma _ka2-mesz_-szu2 u2-rat-ti 14. _e2_ szu-a-tum e-pu-usz-<ma> ki-ma u4-mu u2-nam-mir-ra 15. a-na {d}utu _en gal_-u2 _en_-ia a-na _din zi-mesz_-ia 16. sa-kap _{lu2}kur2_-ia lu e-pu-usz {d}utu _en_ ra-bu-u2 17. u4#-mi-szam-ma la na-par-ka-a' i-na ma-har {d}sin 18. [x]-bi# a-li-di-ka i-na ni-ip-hi u3 ri-bi 19. dam#-qa-a-ti e2-sag-il2 e2-zi-da 20. e2-gesz-nu11-gal e2-babbar-ra e2-an-na e2-ul-masz 21. szu-bat _dingir_-u2-ti-ku-nu _gal-mesz_ lisz-sza2-kin szap-tuk-ka 22. ki-ma _an_-e isz-da-szu2-nu li-kunu{+nu} 23. ia-a-ti {disz}{d}na3-i _lugal_ babilax(|TIN.TIR|){ki} pa-lih _dingir_-u2-ti-ku-nu _gal_-tu2 24. la-le-e _din_ lu-usz-bi u3 sza2 {disz}{d}en-lugal-uru3 25. _dumu_ resz-tu-u2 s,i-it lib3-bi-ia 26. szu-ri-ku _u4-mesz_-szu2 a-a ir-sza2-a' hi-t,i-ti 27. sza2 _ugu_ {na4}a-su-mit-tum sza2 larsa{ki} 28. te-me-en-na e2-ul-masz sza2 a-ka3-de3{ki} 29. sza2 ul-tu pa-ni {disz}lugal-gen _lugal_ babilax(|TIN.TIR|){ki} 30. u3 {disz}na-ram-{d}sin _dumu_-szu2 _lugal_ szu-ut mah-ri 31. u3 a-di pa-le-e {disz}{d}na3-i _lugal_ babilax(|TIN.TIR|){ki} 32. la in-nam-ru {disz}ku-ri-gal-zu _lugal_ babilax(|TIN.TIR|){ki} 33. _lugal_ szu-ut mah-ri u2-ba-'i-i-ma 34. te-me-en-na e2-ul-masz la ik-szu-ud 35. ki-a-am isz-t,ur-ma isz-kun um-ma te-me-en-na 36. e2-ul-masz u2-ba-'i-i-ma ad-lip-ma la ak-szu-ud 37. {disz}an-szar2-szesz-mu _lugal kur_ asz-szur u {disz}an-szar2-du3-a _dumu_-szu2 38. sza2 {d}sin _lugal dingir-mesz_ kisz-szat _kur-kur_ u2-szat-li-mu-szu2-nu-ti-ma 39. te-me-en-na e2-ul-masz u2-ba-'u-u2 la ik-szu-du-u' 40. isz-t,u-ru-ma isz-ku-nu um-ma te-me-en-na 41. e2-ul-masz szu-a-ti u2-ba-'i-i-ma 42. la ak-szu-ud {gesz}s,ar-ba-tum u3 {gesz}masz-tu-u2 43. ak-szit,-ma te-ne2!(ME) e e2-ul-masz 44. lu-u2 e-pu-usz-ma a-na {d}inanna a-ka3-de3{ki} _gaszan gal_-tu2 _gaszan_-ia 45. lu-u2 ad-di-in {disz}{d}na3-nig2-gub-uru3 _lugal_ babilax(|TIN.TIR|){ki} 46. _dumu_ {disz}{d}na3-a-uru3 _lugal_ mah-ri um-ma-ni-szu2 47. ma-du-tum id-kam-ma te-me-en e2-ul-masz szu-a-tu2 48. u2-ba-'i-i-ma id-lip-ma ih-t,u-ut,-ma 49. isz-pil-ma te-me-en-na e2-ul-masz la ik-szu-ud 50. ia-a-ti {disz}{d}na3-ni2-tuku _lugal_ babilax(|TIN.TIR|){ki} 51. za-nin e2-sag-il2 u3 e2-zi-da 52. i-na _bala_-e-a ki-nim ina pu-luh-tu2 sza2 {d}inanna a-ka3-de3{ki} _gaszan_-ia 53. bi-ri ab-re-e-ma {d}utu u3 {d}iszkur 54. i-pu-lu-'i-in-ni an-na ki-i-ni 55. sza2 ka-sza2-du te-me-en-na e2-ul-masz szu-a-ti 56. _uzu_ dum-qi2 i-na _{uzu}kin_-ia isz-kun 57. _{lu2}ug3-mesz_-ia ma-du-tum u2-ma-'e-er-ma 58. a-na# bu-'i-i te-me-en-na e2-ul-masz szu-a-ti 59. _3(disz)-ta mu-mesz_ ina hi-it,-t,a-tum sza2 {disz}{d}na3-nig2-gub-uru3 60. _lugal_ babilax(|TIN.TIR|){ki} ah-t,u-ut,-<ma> im-nu szu-me-lu!(RI) pa-ni 61. u3 ar2-ku u2-ba-'i-i-ma la ak-szu-ud 62. ki-a-am iq-bu-ni um-ma te-me-en-na szu-a-tu2 63. nu-u2-ba-'i-i-ma la ni-mur ra-a-du sza2 _a-mesz szeg3_ 64. ib-ba-szi-ma hi-pi isz-kun-ma ni-mur-ma 65. ki-a-am aq-bi-szu2-nu-ti 66. um-ma hi-it,-t,a-tum ina hi-pi szu-a-ti 67. hu-ut,-t,a-a-ma a-di te-me-en-na <ina> hi-pi 68. szu-a-ti ta-ta-ma-ra-a 69. hi-pi szu-a-ti ih-t,u-t,u-ma 70. te-me-en-na e2-ul-masz sza2 {disz}na-ram-{d}sin 71. _lugal_ mah-ri mu-szab {d}inanna a-ka3-de3{ki} 72. {d}na-na-a {d}a-nu-ni-tum 73. u3 _dingir-mesz_ szu-ut e2-ul-masz 74. ik-szu-du-ma iq-bu-ni 75. ih-di lib3-bi im-mi-ru pa-nu-u2-a 76. _ugu_ te-me-en-na e2-ul-masz szu-a-ti 77. _szu-si_ la a-s,e-e _szu-si_ la e-re-bi 78. te-me-en-na szu-a-ti di-'u-um _bara2_ column 3 1. a-di _2(disz)-ta_ ziq-qur-re-e-ti-szu2 2. ad-di-ma u2-kin li-ib-na-at-su 3. ta-am-la-a' u2-mal2-li-szu-ma 4. e-li pa-ni qaq-qar asz2-kun-szu2 5. asz2-szu2 la ma-sze-e te-me-en-na e2-ul-masz 6. e2-ul-masz e-pu-usz-ma u2-szak-lil szi-pir-szu2 7. _gesz-ur3-mesz {gesz}erin_ s,i-ru-tum tar-bit {kur}ha-ma-nu 8. a-na s,u-lu-li-szu2 u2-szat-ri-is, _{gesz}ig-mesz {gesz}erin-babbar_ 9. sza2 i-ri-is-si-na t,a-a-bi ina _ka2-mesz_-szu2 10. lu usz-ziz _e2_ szu-a-ti ki-ma u4-mu 11. u2-nam-mir-ma a-na {d}inanna a-ka3-de3{ki} 12. _gaszan gal_-ti _gaszan_-ia a-na _din zi-mesz_-ia 13. sa-kap _{lu2}kur2_-ia lu-u2 e-pu-usz 14. {d}inanna a-ka3-de3{ki} _gaszan gal_-tum _gaszan_-ia 15. i-na ma-har {d}sin a-bi a-li-di-ka 16. dam-qa-a-ti e2-sag-il2 e2-zi-da 17. e2-gesz-nu11-gal e2-babbar-ra e2-an-na e2-ul-masz 18. szu-bat _dingir_-u2-ti-ku-nu _gal-mesz_ lisz-sza2-kin szap-tuk-ka 19. ki-ma _an_-e isz-da-szu-nu li-kunu{+nu} 20. ia-a-ti {disz}{d}na3-ni2-tuku _lugal_ babilax(|TIN.TIR|){ki} 21. pa-lih _dingir_-u2-ti-ku-nu _gal_-ti 22. la-le-e <_tin_> lu-usz-bi sza2 {disz}{d}en-lugal-uru3 _dumu_ resz-tu-u 23. s,i-it lib3-bi-ia szu-ri-ku _u4-mesz_-szu2 24. a-a ir-sza2-a' hi-t,i-ti 25. sza2 _ugu_ {na4}a-su-mit-tum sza2 a-ka3-de3{ki} 26. e2-ul-masz sza2 zimbir{ki}-{d}a-nu-ni-tum 27. sza2 {d}sin _lugal dingir-mesz ugu iri_ u3 _e2_ sza2-a-szu 28. is-bu-su u2-szad-kam-ma {disz}{d}sin-szesz-mesz-su _lugal kur_ asz-szur 29. _{lu2}kur2_ za-ma-nu-u2 _iri_ u3 _e2_ sza2-a-szu2 u2-sza2-lik kar-mu-tu2 30. i-na-an-ni ia-a-ti {disz}{d}na3-ni2-tuku _lugal_ babilax(|TIN.TIR|){ki} 31. za-nin e2-sag-il2 u3 e2-zi-da 32. ina _bala_-e-a ki-nim sza2 {d}sin u3 {d}utu i-ram-mu-usz 33. {d}a-nu-ni-tum _gaszan gal_-tum _gaszan_-ia a-szi-bat e2-ul-masz 34. i-na qi2-bit {d}sin _lugal dingir-mesz ad_ a-li-di-szu2 35. a#-na _iri_ u3 _e2_ szu-a-tum tar-szu-u2 sa-li-mu 36. ina _masz2-ge6_ i-na szat mu-szi a-na e-pesz e2-ul-masz 37. tu-szab-ra-an-ni szu-ut-ti ih-di lib3-bi 38. im-mi-ru zi-mu-u2-a u2-szad-kam-ma 39. _{lu2}erin2-hi-a_ ma-du-tum te-me-en e2-ul-masz szu-a-ti 40. ah-t,u-ut,-ma s,al-mu szi-t,ir _mu_ sza2 {disz}sza-ga-rak-ti-szur-ia-asz2 41. _lugal_ babilax(|TIN.TIR|){ki} _lugal_ mah-ri ina hi-it,-t,a-tum szu-a-ti 42. a-mur-ma ki-i an-na-a' 43. ina _ugu_ s,al-mu szi-t,ir _mu_-szu2 sza2-t,ir 44. um-ma {disz}sza-ga-rak-ti-szur-ia-asz2 _sipa_ ki-num 45. _nun_ na-a-du mi-gir {d}utu u3 {d}a-nu-ni-tum a-na-ku 46. i-nu {d}utu u3 {d}a-nu-ni-tum a-na be-lu-ut ma-a-ti 47. szu-um im-bu-u2 s,er-ret ka-la _ug3-mesz szu-min_-u2-a 48. usz-ma-al-lu-u2 i-nu-szu2 e2-babbar-ra 49. _e2_ {d}utu sza2 zimbir{ki} _en_-ia u3 e2-ul-masz 50. _e2_ {d}a-nu-ni-tum sza2 zimbir{ki}-{d}a-nu-ni-tum _gaszan_-ia 51. sza2 isz-tu {disz}sa3#-bu-um ina la-bar u4-mu i-ga-ru-szu2-nu 52. i-qu-up-ma i-ga-ri-szu2-nu aq-qur 53. usz-szi-szu2-nu e-ep-tu2 e-pe-ri-szu2-nu as-suh 54. _bara2_-szu2-nu as,-s,ur u2-s,u-ra-ti-szu2-nu u2-szal-lim 55. usz-mal2-lu usz-szi-szu2-nu e-pe-ri ki#-di u2-ter 56. i-ga-ri-szu2-nu a-na asz2-ri-szu2-nu u2-nam-mir 57. szi-kit-ta-szu2-nu e-li <sza2> pa-ni u2-sza2-tir 58. a-na sza2-at-ti {d}utu u {d}a-nu-ni-tum a-na ep-sze-ti-ia 59. szu-qu-ra-a-ti lib3-ba-ku-nu li-ih-du-ma li-ri-ku _u4-mesz_-ia2 60. li-id-di-szu2 _din_ u4-mu ri-sza2-a-tu2 _iti_ ta-szi-la-a-ti 61. _mu-an-na-mesz he2-gal2_-la a-na szi-rik-ti lisz-ru-ku-nu 62. di-in kit-ti mi-sza2-ri liq-ba-a u3 sa-li-mu 63. li-szab-szu-ma ma-ti-ma an-na-a szi-t,ir _mu_ sza2 {disz}sza-ga-rak-ti-szur#-ia-asz2 64. _lugal_ babilax(|TIN.TIR|){ki} _lugal_ mah-ri sza2 e2-ul-masz sza2 zimbir{ki} 65. {d}a-nu-ni-tum i-pu-szu2 te-me-en-szu2 la-bi-ri ap-pa-lis-ma 66. _szu-si_ la a-s,e-e _szu-si_ la e-re-bi _ugu_ te-me-en-na la-bi-ri 67. usz-szu2-szu2 ad-di-ma u2-kin _sig4_-at-su e2-ul-masz szi-pir-szu2 u2-szak-lil-ma 68. ki-ma u4-mu u2-nam-mir-ma a-na {d}a-nu-ni-tum _gaszan gal_-ti _gaszan_-ia2 69. a-na _din zi-mesz_-ia sa-kap _{lu2}kur2_-ia lu-u2 e-pu-usz 70. {d}a-nu-ni-tum _gaszan gal_-tu2 ina ma-har {d}sin _ad_ a-li-di-ka 71. _saga-mesz_ e2-sag-il2 e2-zi-da e2-gesz-nu11-gal e2-babbar-ra e2-an-na 72. e2-ul-masz szu-bat _dingir_-ti-ku-nu _gal-mesz_ lisz-sza2-kin szap-tuk-ka ki-ma _an_-e 73. _suhusz-mesz_-szu2-nu li-kunu{+nu} u pu-luh-ti {d}sin _en dingir-mesz_ ina sza2-ma-mu 74. lib3-bi _ug3-mesz_-szu2 szu-usz-ki-na-a-ma a-a ir-sza2-a' hi-t,i-ti _suhusz-mesz_-szu2-nu 75. li-ku-nu ia-a-ti {disz}{d}na3-i _lugal_ babilax(|TIN.TIR|){ki} pa-lih _dingir_-u2-ti-ku-nu _gal_-tu2 76. la-le-e _din_ lu-usz-bi u3 sza2 {disz}{d}en-lugal-uru3 _dumu_ resz-tu-u 77. s,i-it lib3-bi-ia szu-ri-ku _u4-mesz_-szu2 a-a ir-sza2-a' hi-t,i-ti 78. sza2 _ugu_ {na4}a-su-mit-tum sza2 sip-par-{d}a-nu-ni-tum 79. e-pisz-tu2 {d}sin _en dingir-mesz_ u3 {d}isz-tar <a-szi-bu-tu2> 80. sza2 _an_-e u _ki_-tim sza2 ina _ugu_ {na4}a-su-mi-ne2-e-tu2 81. sza2 ga-la-la asz2-t,u-ru-ma a-na sza2-me-e sza2 _ug3-mesz_ ar2-ku-tum Version History |