Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| CDLI Literary 000448 (Iddin-Dagan B) composite Click for archival page
Can you improve upon the content of this entry? Please contact us! | No Image Available | Composite text surface a 1. {d}i-din-{d}da-gan an-ne2 ki mah-a-ni-a nam gal mu-ri-in-tar 2. aga zi-de3 dalla mu-ra-ni-in-e3 3. nam-sipa kalam-ma-sze3 mu-un-il2-en 4. kur giri3-zu-sze3 mu-un-gar 5. {d}en-lil2-le igi zi mu-e-szi-in-bar 6. {d}i-din-{d}da-gan gu3 zi mu-ra-an-de2 7. us2-sag ki-en-gi-re gi-ne2-de3 8. ug3 us2-a se3-ge-de3 9. ki-en-gi ki-uri an-dul3 dagal-la-za ni2 dub2-bu-de3 10. ug3-e u2 nir-gal2 gu7-u3-de3 a du10 na8-na8-de3 11. {d}en-lil2-le a2-bi mu-e-da-an-ag2 12. {d}i-din-{d}da-gan sipa sza3-ga-na-me-en 13. gu3 zi de2-a {d}en-lil2-la2-me-en 14. {d}en-ki-ke4 gesztu2 dagal nig2-nam-ma zu-zu 15. kig2 igi-gal2 zi? ka pirig-ta ed2-de3 16. {d}i-din-{d}da-gan za-ra mu-ra-an-de6 17. kur-kur-re me-tesz2 he2-i-i 18. dumu tu-da {d}da-gan-na en il2 ug3 dagal-le 19. {d}i-din-{d}da-gan iri-zu-sze3 u6 du10-ge-esz he2-i 20. i3 li nig2 sza3-ga nu-da13-da13 21. {d}en-lil2 he2-da-hul2 22. {d}utu-gin7 u4 zi e3-a-zu-sze3 igi-bi he2-em-szi-gal2 23. kur-kur-re an-dul3 dagal-la-zu-sze3 ni2 im-szi-dub2-be2 24. har-ra-an kaskal-la si bi2-sa2 25. su kalam-ma mu-e-du10 26. nig2-si-sa2 ka-ga14 mu-e-ni-gar 27. nig2-du7 pa bi2-i-e3 28. in mu-e-dub-dub ki mu-e-sur-sur 29. ki-en-gi ki-uri gu2 bi2-i-zi 30. szu-luh dingir-re-e-ne si bi2-i-sa2 31. {d}i-din-{d}da-gan ki-bi-sze3 gi4-gi4-en 32. nig2-du11-ga-zu [...] GI [...]-im-gar 33. inim-zu an ku3-ge us2-sa 34. ka-ta e3-a-zu an-ne2 dul-lu 35. du11-ga {d}en-lil2-la2-ta 36. igi bar-ra-zu lu2 mu-un-ti-le 37. ka ba-zu lu2 mu-un-silim-e 38. du11-ga-a-zu {d}en-lil2 mu-szi-hul2 39. sza3-ge de6-a-zu {d}nin-lil2-le he2-am3-bi im-me 40. sipa {d}en-lil2-ra geszkim ti-me-en 41. {d}i-din-{d}da-gan a-ba za-e-gin7 i3-dim2 42. igi-bi he2-em-szi-gal2 43. e2-kur-sze3 za-e lu2-bi he2-me-en 44. nidba-zu e2 {d}en-lil2-la2-kam musz3 nam-ba-an-tum2-mu 45. szeg12 e2-kur-ra-ke4 sa6-ga-zu {d}en-lil2 {d}nin-lil2-ra hu-mu-un-ne-eb2-be2 46. inim sa6-ga an {d}en-lil2-la2-ta {d}i-din-{d}da-gan a2 nun he2-mu-e-te-gal2 47. mu mah-zu kalam-ma i3-gal2 48. an-za3-sze3 mu-zu pa bi2-in-e3 49. kal-ga nam-ur-sag a2 me3 szen-szen gub-bu 50. ki-bala-da du7-du7 mu-e-DU 51. sza3-ta {d}da-gan-na nam-sze3 mu-ri-in-tar 52. za3-mi2-zu ka-ga14 i-ni-in-gal2 53. nam-lugal-zu ug3-e ba-sa6 54. nam-sipa-zu sza3-ge um-ma-du10 55. ug3 e-da-lu ug3 e-da-dagal 56. kur-kur u2-sal-la mu-e-ri-nu2 57. ug3-e he2-gal2-la u4 mu-ri-ib2-zal-e 58. sag ge6-ga a-a-zu-gin7 59. {d}i-din-{d}da-gan igi-bi mu-e-szi-gal2 60. {d}en-lil2 en nam tar-tar-re-de3 61. {d}i-din-{d}da-gan u4-zu he2-eb2-su3-u4-de3 62. nam-kal-la nig2-nam-e zu-a 63. igi du10 hu-mu-ri-in-du8 64. gesztu2 diri dub {d}nisaba-ke4 szum2-ma-zu 65. e2-dub-ba-a im-ma musz3 nam-ba-an-tum2-mu 66. e2-dub-ba-a-ba esz3 nig2 u3-tu-gin7 ki nam-ba-silig-ge 67. dub-sar-tur szu-ni ib2-szi-in-tum4 im bi2-ib2-sar-a 68. {d}nisaba nin mul-a x gesztu2 hu-mu-un-na-szum2 69. szu hu-mu-un-bad 70. ki nam-dub-sar-ra-ka u4-gin7 he2-en-na-e3 71. {d}i-din-{d}da-gan ad-da-zu {d}szu-i3-li2-szu lugal kalam-ma-ke4 72. ki-en-gi ki-uri suhusz-bi mu-ra-an-ge-en 73. du11-du11-ga an {d}en-lil2-ta ba-e-diri 74. gu2-erim2-gal2 sa2 ba-e-du11 75. {d}i-din-{d}da-gan lugal kal-ga lugal i3-si-in{ki}-na 76. lugal ki-en-gi4 ki-uri nig2-nam-ma gesztu2 egir-ra-bi 77. igi-sze3 mu-ri-DU 78. ibila kal-ga-me-en3 nir mu-e-gal2 79. {d}i-din-{d}da-gan nam-nun-na gu2 an-sze3 mi-ni-in-zi Version History |