Search results


   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI


CDLI Literary 000490 (Ur-Ninurta A) composite
Click for archival page


Primary publicationCDLI Literary 000490 (Ur-Ninurta A) composite
Author(s)CDLI
Publication date2014ff.
Secondary publication(s)
Collection
Museum no.
Accession no.
Provenience
Excavation no.
PeriodOld Babylonian (ca. 1900-1600 BC)
Dates referenced
Object typeother (see object remarks)
Remarkscomposite text
Materialcomposite
LanguageSumerian
GenreLiterary
Sub-genreETCSL 2.05.06.01 Ur-Ninurta A (composite)
CDLI comments
Catalogue source20150324 cdliadmin
ATF sourceetcslstaff
Translationno translation
UCLA Library ARK
Composite no.Q000490
Seal no.
CDLI no.P480122

Can you improve upon the content of this entry?
Please contact us!
No Image AvailableComposite text


surface a
1. [...] RU? mah?-a-ni za3 nu-sa2
2. [...] x x ge6 u3-na kar2-kar2
3. [...]-a ni2 me-lem4 gur3-ru
4. x x-ga2-ni-sze3 dingir gal-gal-e-ne hu-luh-ha im-du8-du8
5. x x du11-ga-ni an-gin7 mah {d}en-lil2-gin7 u18-ru
6. {d}inanna sag-kal me nig2-nam-ma za3 dib nin-e-ne
7. gesz-hur nam-lugal-la szu du7-du7 ki-bi gi4-gi4-de3
8. sag ge6 si sa2-sa2-e-de3 us2 gi-na dab5-be2-de3
9. gesztu2-ga-ni nam-gub sza3-ga-ni zi-de3-esz-e nam-de6
10. {d}ur-{d}nin-urta nam-sipa zi-gal2-la-sze3 ug3 szar2-ra mi-ni-in-pa3
11. x nam tar-ra me zi hal-ha dingir gal-gal-e-ne-sze3
12. e2-kur ki-tusz ku3 an {d}en-lil2-la2 ni2 su zi gur3-ru-sze3
13. lugal-ra szu-ni im-ma-an-dab5 sun5-na-bi mi-ni-in-ku4
14. in-nin e-ne-da nu an ki-a nam nu-tar-re-de3
15. an {d}en-lil2-da bara2-ge4 si-a-na ad mu-un-na-ni-ib-gi4-gi4
16. ki-ru-gu2 1(disz)-a-kam
17. an gal du11-ga-zu nig2 mah-am3 a-ba-a szu mi-ni-ib-bala-e
18. a-a {d}en-lil2 nam gal tar-ra-zu sag2 di nu-zu-a
19. {d}ur-{d}nin-urta szul a2 ag2-ga2-zu-ne-ne DI-DI mu-un-zu-a-ar
20. nam-sipa zi-gal2 ug3 szar2-ra du-ri2-sze3 sag-e-esz rig7-ga-na-ab-ze2-en
21. e2 iri{ki} du3-du3 kalam gi-ne2 sza3 ku3-ta mu-u8-de6
22. kur-kur-re a2 ag2-ga2-bi mu-un-zu a2 gal he2-ag2-e
23. szibir-a-ni ki-bala he2-en-gam-e us2 gi he2-bi2-ib-dab5-be2
24. sig-ta igi-nim-sze3 kalam-ma rab3-gin7 szu he2-em-ri-ri-e
25. ka-ta e3-a-ni [...]
26. udu-gin7 ka u2-gu7 ha-ba-kig2-kig2 GU2 a nag ha-ba-ga2-ga2
27. ki-ru-gu2 2(disz)-kam-ma-am3
28. {d}ur-{d}nin-urta mu su3-ra2-sze3 ug3-ga2 {d}utu-gin7 dalla he2-ni-in-e3
29. gesz-gi-gal2-bi-im
30. dingir numun e3 a-a nig2-nam szar2-ra-ke4
31. lugal-ra gu3 zi mu-na-an-de2 nam mu-ni-ib-tar-re
32. {gesz}erin suh me-te kisal e2-kur-ra
33. {d}ur-{d}nin-urta kalam-ma gissu-zu ni2 he2-eb-szi-te-en-te-en
34. kur-kur-re sipa zi-bi he2-me-en
35. {d}utu-gin7 di si sa2 ku5-ru-zu-usz igi-bi he2-em-szi-gal2-e
36. bara2 nam-lugal-la suhusz gi-na-ba
37. {d}ur-{d}nin-urta dur2 gar-ra-zu-ne sag an-sze3 he2-ni-in-il2
38. aga zi-de3 me-te he2-em-mi-in-gal2
39. ni2 su zi ur-mah nam-lugal-la tug2-ba13-sze3 he2-em-mu4
40. ki-ru-gu2 3(disz)-kam-ma-am3
41. e2-an-ka me-bi ha-ba-gub-be2
42. {d}ur-{d}nin-urta bad3 gal-zu ge26-e-me-en u4 ul du-ri2-sze3
43. gesz-gi4-gal2-bi-im
44. erim2-gal2-za u4-gin7 gu3 bi2-ra
45. me-lem4-zu muru9 dugud-da-gin7 kur nu-sze-ga-zu he2-em-dul
46. bara2-bara2 gal-gal ni2 er9-e-ne
47. [...] x x gi dili du3-a-gin7 kilib3-ba-bi sag he2-em-da-sag3-ge-ne
48. x x x RA LI NE [...]
49. {tu15}u18-lu-gin7 zi-zi-da-zu-ne
50. kur ki-bala-zu se3-ge u3-mu-e-ak
51. ug3-bi szaga-a um-mu-lah5
52. i3-si-in{ki} iri me gal-gal-la-za
53. {d}ur-{d}nin-urta {gesz}szudul gu2-ba gar-ni
54. an gal a-a dingir-re-e-ne-ke4
55. {d}ur-{d}nin-urta sipa gesz tuku-ni-ir nam ul-sze3 nu-kur2-ru mu-ni-in-tar
56. ki-ru-gu2 4(disz)-kam-ma-am3
57. en esz-bar an ki szu-na gal2 kur gal {d}en-lil2-le
58. lugal-ra mu-ni an-za3-sze3 pa e3 im-ma-an-ak
59. {d}ur-{d}nin-urta nam-nir nam-szul-la am-gin7 gu2 he2-ni-pesz
60. {d}er9-ra ur-sag-gin7 me x x-an-tuku-tuku
61. {d}nin-urta en u4 husz erim2-ma dumu szu gar gi4-gu10
62. ki me3-ka ka-tab-zu he2-a geszkim he2-mu-e-ti-le
63. kur gu2-erim2 gu2-bi-da x-zu zar-re-esz ha-ma-ab-sal-e
64. szu-luh ku3 e2-kur-ra ba-an-szi-ib-[...]-en u4 szu2-usz-e gub-ba
65. nidba-zu banszur mah unu2 gal-ga2 su3-ra2-sze3 he2-em-mi-in-gal2
66. sag he2-e-il2 gu2 an-sze3 he2-e-zi ti nu-kur2-ru za-a-am3
67. ki-ru-gu2 5(disz)-kam-ma-am3
68. nam tar-ra an gal {d}nu-nam-nir en nig2-zi-gal2-la-sze3
69. {d}a-nun-na dingir gal-gal-e-ne he2-am3 ba-ni-in-ne-esz
70. sag ge6 ki-tusz-ba ge-en-gi-ne2 kur-kur us2-a se3-ge5
71. ug3 x x x x ka tesz2 ga2-ga2 giri3-ni-sze3 gam-e
72. {d}inanna dumu gal {d}suen-na nitalam ki ag2-ga2-ni
73. sag kesze2 me nig2-nam-ma mu-un-ur4-ur4 szu-ni-sze3 mu-u8-gar
74. 2(disz)-na-ne-ne ki {d}en-lil2-la2-ta hul2-la nam-ta-e3
75. e2?-gal? ki-tusz lal3 nig2 du10-ba dur2 ki ba-ni-in-gal2-le-esz
76. x x x-e lugal-la-ni nu-til-e zi-de3-esz na-mu-un-e
77. ki-ru-gu2 6(disz)-kam-ma-am3
78. szul me-dim2 sa6 sig7 x sze-er-sze-er-ra sag il2-e-de3
79. hi-li ul gur3-ru me-te na-ag2-u3-mu-un-na bara2 ku3-ge du7-re6
80. {d}ur-{d}nin-urta me kal-kal-la-zu sza3-ab-gu10 im-mi-ir
81. i-bi2 zi il2-la-za mi-ni-in-pa3-de3 mu pa3-da-gu10-me-en
82. an gal-e kur-za3 til-la-ba su3-u4-sze3 bi2-in-diri-ge
83. ur2 ku3 nam-ti-la DIR-gu10 u4-zu su3-su3-de3
84. szul {d}en-lil2-le e2-kur-ta a2-bi mu-un-da-an-ag2
85. x x bara2 mi2 zi-de3-esz du11-ga-gu10 musz3 nam-bi2-ga-ga-an
86. {d}nanna an ku3-ga pa e3-a ka-na-ag2-e u6 di-gin7
87. {d}ur-{d}nin-urta-gu10 kur-kur-re hi-li hu-mu-u8-szi-ak-e
88. ki-ru-gu2 7(disz)-kam-ma-am3
89. {d}ur-{d}nin-urta-gu10 {d}mu-ul-lil2-le nam-sipa ka-na-ag2-ga2-kam zi-de3-esz mu-un-pa3-de3-en
90. gesz-gi4-gal2-bi-im
91. [...] x KA ku3 esz-bar zi du11-ga nu-kur2-ru-gu10-usz
92. [...] a2 nun he2-em-te-gal2
93. [...]-an-tuku-tuku
94. [...]-bi-im
95. [...] {d}inanna-kam


Version History

  Page: 1