Search results


   Page: 1   
1 text(s) found
Return to Search Page
Search aids
Terms of Use
Internal login

Download all text      Download transliterations      Reduce to catalogue data      Unclear abbreviations?      Support the CDLI


RINAP 5/1 Ashurbanipal 007 composite
Click for archival page


Primary publicationRINAP 5/1 Ashurbanipal 007 composite
Author(s)Novotny, Jamie & Jeffers, Joshua
Publication date2018
Secondary publication(s)
Collection
Museum no.
Accession no.
ProvenienceKalhu (mod. Nimrud)
Excavation no.
PeriodNeo-Assyrian (ca. 911-612 BC)
Dates referencedAssurbanipal.00.00.00
Object typeother (see object remarks)
Remarkscomposite text
Materialcomposite
LanguageAkkadian
GenreRoyal/Monumental
Sub-genrecomposite
CDLI comments
Catalogue source20190914 cdeliadmin
ATF sourceNovotny, Jamie & Jeffers, Joshua
Translationno translation
UCLA Library ARK
Composite no.Q003706
Seal no.
CDLI no.P514716

Can you improve upon the content of this entry?
Please contact us!
No Image AvailableComposite text


surface a
1. a-na-ku {disz}an-szar2-du3-a _lugal gal lugal_ dan-nu
2. _lugal szu2 lugal kur_ asz-szur{ki} _lugal_ kib-rat _limmu2_-tim
3. s,i-it lib3-bi {disz}an-szar2-pap-asz _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _sza3-bala-bala_ {disz}{d}sin-pap-mesz-su _lugal szu2 lugal kur_ asz-szur{ki}
6. _dingir-mesz gal?-mesz_ ina _ukken_-szu2-nu si-mat _saga_-tim i-szim-mu szim-ti
n lines broken
7'. at-ru-us,-ma u2-kin ta-ra-an-szu2
8'. _{gesz}gigir_ s,ir-tu ru-kub? {d?}marduk
9'. e-tel-li _dingir-mesz en en-en_
10'. ina _ku3-sig17 ku3-babbar na4-mesz_ ni-siq-ti ag-mu-ra nab-nit-sa
11'. a-na {d}marduk _lugal_ kisz-szat _an_-e u _ki_-tim
12'. sa-pi-in _{lu2}kur2-mesz_-ia ana szi-rik-ti asz2-ruk
13'. _{gesz}na2 {gesz}mes-ma2-kan-na_ is,-s,i da-re-e
14'. sza pa-szal-lu lit-bu-szat _na4-mesz_ ni-siq-ti za-a'-nat
15'. a-na ma-a-a-al tak-ne2-e {d}en u {d}gaszan-mu
16'. sza2-kan ha-sza2-di e-pesz ru-'a-a-me
17'. nak-lisz e-pu-usz
18'. ina ka2-hi-li-su3 masz-tak {d}zar-pa-ni-tum
19'. sza ku-uz-bu sa-al-hu ad-di
20'. 4(disz) _am-mesz ku3-babbar_ ek-du-u2-ti
21'. na-s,i-ru ki-bi-is _lugal_-ti-ia
22'. ina _ka2_ s,i-it {d}szam-szi u _ka2 {d}lamma-ra-bi_
23'. ina _ka2_ e2-zi-da sza2 qe2-reb bar2-sipa{ki} ul-ziz
24'. e2-masz-masz e2-gaszan-kalam-ma
25'. _ku3-babbar ku3-sig17_ u2-za-'i-in
26'. lu-le-e u2-ma-al-li
27'. {d}szar-rat-kid-mu-ri sza ina ug-gat lib3-bi-sza2
28'. at-man-sza2 e-zi-bu u2-szi-bu a-szar la si-ma-ti-sza2
29'. ina _bala_-ia dam-qi2
30'. sza an-szar2 isz-ru-ka tar-sza2-a sa-li-mu
31'. a-na szuk-lul _dingir_-ti-sza2 s,ir-ti
32'. szur-ru-hi mi-se-e-sza2 szu-qu-ru-ti
33'. ina _masz2-ge6_ szi-pir mah-he-e
34'. isz-ta-nap-pa-ra ka-a-a-na
35'. {d}utu {d}iszkur asz2-al-ma
36'. e-pu-lu-in-ni an-nu ke-e-nu
37'. si-mat _dingir_-ti-sza2 _gal_-ti u2-szar-ri-ih?
38'. u2-sze-szib-szi ina _bara2-mah_ szu-bat da-ra-a-ti
39'. par-s,e-e-sza2 szu-qu-ru-ti u2-kin-ma
40'. u2-szal-li-ma mi-se-e-sza2
41'. anzu{muszen}-mesz {gesz}szu-ri-in-ni
42'. a-na _ti-la zi-mesz_-ia
43'. ina _ka2_ e2-galam-mes _e2_ {d}u-gur
44'. sza {iri}tar-bi-s,i az-qu-up
45'. a-di a-di-ni a-bi la im-ma-al-la-du
46'. um-mi3 a-lit-ti la ba-na-a-ta ina lib3-bi _ama?_-sza2?
47'. a-na e-pesz e2-hul2-hul2 iz-kur ni-bit _mu_-ia
48'. {d}sin sza2 ib-na-an-ni a-na _lugal_-u-ti
49'. um-ma {disz}an-szar2-du3-ibila e2-kur szu2-a-tu2 ip-pu-usz-ma
50'. qe2-reb-szu2 u2-szar-man-ni pa-rak da-ra-a-ti
51'. a-mat {d}sin sza2 ul-tu _u4-mesz_ ru-qu-ti iq-bu-u
52'. e-nen-na u2-kal-lim _ug3-mesz_ ar-ku-u-ti
53'. _e2_ {d}sin sza2 {disz}{d}sal2-ma-nu_-masz a_ {disz}asz-szur-pap-ibila
54'. _lugal_ pa-ni mah-ri-ia e-pu-szu
55'. la-ba-risz u2-sza2-lik-ma u2-szad-gi-la pa-nu-u-a
56'. e2-kur szu2-a-tu sza2 la-ba-risz il-li-ku
57'. ina a-mat {d}sin {d}nusku an-hu-us-su ad-ke
58'. e-li sza u4-me pa-ni szu-bat-su u2-rap-pisz
59'. ul-tu _usz8_-szu2 a-di _gaba-dib_-szu2 ar-s,ip u2-szak-lil
60'. e2-me-lam2-an-na _e2_ {d}nusku _sukkal mah_
61'. sza _lugal_ pa-ni mah-ri-ia e-pu-szu2 ab-na-a qe2-reb-szu2
62'. _gesz-ur3-mesz {gesz}eren-mah-mesz_ u2-szat-ri-s,a _ugu_-szu2-un
63'. _{gesz}ig-mesz_ {gesz}li-ia-a-ri me-ser _ku3-babbar_
64'. u2-rak-kis u2-rat-ta-a _ka2-mesz_-szu2-un
65'. 2(disz) _am-mesz ku3-babbar_ mu-nak-ki-pu ga-re-ia
66'. ina at-man {d}sin _en_-ia ul-ziz
67'. 2(disz) {d}lah3-me esz-ma-re-e sza2 ti-is,-bu-tu2 {gesz}szu-ri-in-ni
68'. mu-szal-li-mu kib-si _lugal_-ti-ia
69'. mu-sze-ri-bu hi-s,ib szad-de-e u tam-tim
70'. ina _ka2_ e2-hul2-hul2 ul-ziz _szu-min_ {d}sin {d}nusku as,-bat
71'. u2-sze-rib u2-sze-szib ina _bara2_ da-ra-a-ti
72'. esz-re-e-ti _kur_ asz-szur{ki} u _kur_ uri{ki}
73'. a-na si-hir-ti-szi-na u2-szak-lil
74'. mim-ma si-mat e2-kur ma-la ba-szu2-u sza _ku3-babbar ku3-sig17_ e-pu-usz
75'. e-li sza _lugal-mesz ad-mesz_-ia u2-rad-di
76'. _dingir-mesz gal-mesz_ ti-ik-le-ia ina at-ma-ni-szu2-nu s,i-i-ri u2-sze-szib-szu2-nu-ti
77'. _{udu}siskur-mesz_ tasz-ri-ih-ti ma-har-szu2-un aq-qi2 u2-szam-hi-ra kad3-ra-a-a
78'. sat-tuk-ku gi-nu-u _ugu_ sza u4-me ul-lu-ti u2-sza2-tir-ma ar-ku-us
79'. _alam-mesz lugal_-ti-ia sza _ku3-babbar ku3-sig17 uruda_ nam-ri
80'. ina szi-pir {d}nin-a2-gal {d}ku3-sig17-banda3{+da}
81'. {d}nin-kur-ra nak-lisz u2-sze-pisz
82'. a-na mu-ter-ri-szi ba-la-t,i-ia
83'. ma-har _dingir-mesz_ ti-ik-le-ia u2-kin na-an-za-sun2
84'. ul-tu s,e-he-ri-ia a-di ru-be2-ia
85'. asz2-te-'a-a asz2-rat _dingir-mesz gal-mesz_
86'. {lu2}sza2-an-gu-ti ih-szu-hu i-ram-mu na-dan zi-bi-ia
87'. {d}iszkur _szeg3-mesz_-szu2 u2-masz-sze-ra {d}e2-a u2-pat,-t,i-ra _idim-mesz_-szu2
88'. 5(disz) _kusz3 sze-am_ isz-qu ina _ab-sin2_-ni-sza2
89'. e-ri-ik szu-bu-ul-tu2 5/6(disz)? _kusz3 si-sa2 buru14_ na-pa-asz2 {d}nisaba
90'. ka-a-a-an u2-szah-na-bu gi-pa-ru
91'. s,ip-pa-a-ti szu-um-mu-ha in-bu _masz2-ansze_ szu-te-szur ina ta-lit-ti
92'. ina _bala-mesz_-ia _he2-nun_ t,uh-du ina _mu-an-na-mesz_-ia ku-um-mu-ru _he2-gal2_-lum
93'. 1(u) 2(disz)? _ansze sze-pad-mesz_ 3(disz) _ansze gesztin-mesz 2(ban2) i3-mesz gun sig2-mesz_
94'. ina nap-har _kur_-ia _ki-lam_ nap-szu2 i-szam-mu ina 1(disz) _gin2_ kas-pi
95'. szat-ti-szam-ma ina t,uh-di u me-sza2-ri ar-te-'a ba-'u-u2-lat {d}en-lil2
96'. _dingir-mesz gal-mesz_ sza2 ap-tal-la-hu _dingir_-us-su-un
97'. du-un-nu zik-ru-u?-tu? e-mu-qi s,i-ra-a-te u2-szat-li-mu-in-ni
98'. _kur-kur_ la ma-gi-re-ia ina _szu-min_-ia im-nu-u2
99'. u2-szam-s,u-in-ni ma-la lib3-bi-ia
100'. ul-tu tam-tim e-liti a-di tam-tim szap-liti
101'. sza _lugal-mesz ad-mesz_-ia ir-te-ed-du-u a-na-ku lu-u ar-de
102'. ma-lak _iti u4 2(u)-kam2_ ina _muru2_ tam-tim u na-ba-li
103'. mi-is,-ru e-li sza _lugal-mesz ad-mesz_-ia u2-rad-di-ma a-bel
104'. _ug3-mesz_ a-szi-bu-ti _kur-kur_ sza2-a-ti-na u2-szak-ni-sza2 ana _{gesz}szudun_-ia
105'. _gun_ man-da-at-tu2 szat-ti-szam-ma u2-kin _edin_-usz-szu2-un
106'. ina qi2-bit an-szar2 {d}1(u)-5(disz) _lugal-mesz_ a-szib pa-rak-ki u2-na-asz2-sza2-qu _giri3-min_-ia
107'. mal-ki _gal-mesz_ sza2 s,i-tasz u szi-la-an ana kit-ri-szu-nu u2-pa-qu-u-ni
n lines broken
108'. {disz}gissu-en _lugal_ {kur}ha-zi-ti
109'. {disz}mi-ti-in-ti _lugal_ {kur}is-qa-lu-na
110'. {disz}i-ka-u2-su _lugal_ {kur}am-qar-u-na
111'. {disz}mil-ki-a-sza2-pa _lugal_ {kur}gu-ub-li
112'. {disz}ia-ki-in-lu-u2 _lugal_ {kur}ar-u2-a-da
113'. {disz}a-bi-ba-a'-al _lugal_ {kur}sa-am-si-mu-ru-na
114'. {disz}am-mi-na-ad-bi _lugal {kur}e2_-am-ma-na
115'. {disz}pap-mil-ki _lugal_ {kur}as-du-di
116'. {disz}e-ki-isz-tu-ra _lugal_ {kur}e-di-i'-li
117'. {disz}pi-la-a-gu-ra-a _lugal_ {kur}ki-it-ru-si
118'. {disz}ki-i-su _lugal_ {kur}si-lu-u-a
119'. {disz}i-tu-u-an-da-ar _lugal_ {kur}pa-ap-pa
120'. {disz}e-re-su _lugal_ {kur}si-il-lu
121'. {disz}da-ma-su _lugal_ {kur}ku-ri-i
122'. {disz}ad2-me-su _lugal_ {kur}ta-me-su
123'. {disz}da-mu-u-su _lugal_ {kur}qar-ti-ha-da-as-ti
124'. {disz}u2-na-sa-gu-su _lugal_ {kur}li-di-ir
125'. {disz}bu-s,u-su _lugal_ {kur}nu-re-e
126'. _szu-nigin 2(u) 2(disz) lugal-mesz_ sza a-hi tam-tim
127'. _muru2_ tam-tim u na-ba-li _ARAD-mesz_ da-gil2 pa-ni-ia
128'. ta-mar-ta-szu2-nu ka-bit-tu
129'. ina _igi_-ia isz-szu-nim-ma u2-na-szi-qu _giri3-min_-ia
130'. _lugal-mesz_ sza2-a-tu-nu a-di e-mu-qi-szu2-nu
131'. _{gesz}ma2-mesz_-szu2?-nu ina tam-tim u na-ba-li
132'. it-ti _erin2-hi-a_-ia ur-hu pa-da-nu
133'. u2-sza2-as,-bit-su-nu-ti a-na na-ra-ru-ti
134'. ha-mat sza2 _lugal-mesz_ {lu2}qe2-pa-a-ni
135'. sza qe2-reb {kur}mu-s,ur _ARAD-mesz_ da-gil2 pa-ni-ia
136'. ur-ru-hi-isz ar-de-e-ma
137'. al-lik a-di {iri}kar-{d}du3-ti
138'. {disz}tar-qu-u _man_ {kur}mu-s,ur u {kur}ku-u-si
139'. qe2-reb {iri}me-em-pi a-lak ger-ri-ia isz-me-ma
140'. a-na e-pesz _muru2 {gesz}tukul-mesz_ u _me3_
141'. a-na mah-ri-ia id-ka-a _erin2-mesz me3_-szu2
142'. i-na tu-kul-ti an-szar2 {d}en u3 {d}ag
143'. _dingir-mesz gal-mesz en-mesz_-ia a-li-kut i-di-ia ina _me3_
144'. _edin?_ rap?-szi asz2-ku-na _bad5-bad5 erin2-hi-a_-szu2
n lines broken
145'. {disz}ni-ku-u2 _lugal_ {iri}me-em-pi u3 {iri}sa-a-a
146'. {disz}lugal-lu-da3-ri _lugal_ {iri}s,i-i'-nu
147'. {disz}pi-sza2-an-hu-ru _lugal_ {iri}na-at-hu-u2
148'. {disz}pa-aq-ru-ru _lugal_ {iri}szap-tu2
149'. {disz}ni?-her?-a-u _lugal_ {iri}ha-at-hi-ri-bi
150'. {disz}na-ah-ke-e _lugal_ {iri}hi-ni-in-szi
151'. _lugal-mesz_ an-nu-ti _{lu2}nam-mesz_ {lu2}qe-pa-ni
152'. sza qe2-reb {kur}mu-s,ur u2-pa-qi2-du _ad du3_-u-a
153'. sza la-pa-an ti-bu-ut {disz}tar-qu-u
154'. pi-qit-ta-szu2-un u2-masz-sze-ru im-lu-u2 _edin_
155'. u2-ter-ma a?-szar? pi-qit-ti-szu2-un
156'. ina masz-kan2-i-szu2-un ul-zi-is-su-nu-ti
157'. {kur}mu-s,ur u {kur}ku-u-si sza2 _ad_ ba-nu-u-a
158'. ik?-szu-du a-na esz-szu-ti as,-bat
159'. _en-nun-mesz_-szu2 _ugu_ sza2 u4-me pa-ni u2-dan-nin
160'. u2-rak-ki-sa rik-se-szu2
161'. it-ti hu-ub-ti ma?-a'?-di szal-la-ti ka-bit-ti pa-an _{gesz}szudun_-ia u2-ter-ra-am-ma
162'. szal-mesz a-tu-ra a-na _kur_ asz-szur{ki}
163'. _egir_-nu {disz}ni-ku-u2 {disz}lugal-lu-da3-ri {disz}pa-aq-ru-ru
164'. ina a-de-ia ih-t,u-u la is,-s,u-ru ma-mit _dingir-mesz gal-mesz_
165'. t,a-ab-ti im-szu-ma? lib3-ba-szu2-nu ik-pu-ud le-mut-tu2
166'. da-bab sur-ra-a-ti id-bu-bu-ma
167'. mi3-lik la ku-sziri4 im-li-ku ra-man-szu2-un
168'. um-ma {disz}tar-qu-u ul-tu qe2-reb {kur}mu-s,ur
169'. i-na-sah-u2-ma at-tu-ni a-sza2-ba-ni mi3-i-nu
170'. e-li {disz}tar-qu-u _man_ {kur}ku-u-si
171'. a-na sza2-kan a-de-e u sa-li-me
172'. u2-ma-'e-e-ru {lu2}rak-be2-szu2-un
173'. um-ma su-lum-mu-u ina bi-ri-ni lisz-sza2-kin-ma
174'. ni-in-dag-ga-ru a-ha-mesz
175'. _kur_ a-he-en-na-a ni-zu-uz-ma
176'. a-a ib-ba-szi ina bi-ri-ni sza2-nu-um-ma be-lum
177'. a-na _erin2-hi-a kur_ asz-szur{ki} e-muq _en_-ti-ia sza2 na-kas _zi_-tim
178'. isz-te-ne2-'u-u2 a-mat _hul_-tim
179'. {lu2}szu-ut _sag-mesz_-ia a-ma-a-ti an-na-a-ti isz-mu-u-ma
180'. {lu2}rak-be2-szu2-un a-di szip-ra-ti-szu2-un
181'. is,-ba-tu-nim-ma e-mu-ru ep-szet sur-ra-a-ti-szu2-un
182'. {disz}ni-ku-u {disz}lugal-lu-da3-ri is,-ba-tu-ma
183'. ina bi-re-ti _an-bar_ u isz-qa-ti _an-bar_ u2-tam-me-hu _szu-min_ u _giri3-min_
184'. ma-mit an-szar2 _lugal dingir-mesz_ ik-szu-us-su-nu-ti-ma
185'. sza ih-t,u-u2 ina a-de-e _dingir-mesz gal-mesz_
186'. t,a-ab-ti qa-tusz-szu2-un u2-ba-'i-i-ma
187'. sza e-pu-us-su-nu-ti du-un-qu
188'. u3 _ug3-mesz_ {iri}sa-a-a {iri}bi-in-t,i-t,i
189'. {iri}s,i-i'-nu ma-la it-ti-szu2-nu isz-szak-nu
190'. ik-pu-du le-mut-tu2 _tur_ u _gal_ ina _{gesz}tukul-mesz_ u2-szam-qi2-tu
191'. e-du a-me-lu la e-zi-bu ina lib3-bi
192'. _adda-mesz_-szu2-nu e-lu-lu ina {gesz}ga-szi-szi
193'. _kusz-mesz_-szu2-nu isz-hu-t,u u2-hal-li-pu _bad3 iri_
194'. {disz}ni-ku-u {disz}lugal-lu-da3-ri bal-t,u-us-su-un
195'. a-na {iri}nina a-di mah-ri-ia ub-lu-u-ni
196'. {disz}lugal-lu-da3-ri sza? _mun?_ la is,-s,u-ru ih-t,u-u [...]
197'. ina ki-li a-szar s,i-bit-ti da?-ri?-i? na?-di [...]
198'. a-na {disz}ni-ku-u re-e-mu ar-szi-ma u2-bal-lit, nap-szat-su
199'. a-de-e _ugu_ sza2 mah-ri ut-tir-ma it-ti-szu2 asz2-kun
200'. lu-bul-tu bir-me u2-lab-bi-is-su
201'. al-lu _ku3-sig17_ si-mat _lugal_-ti-szu2 asz2-kun-szu2
202'. _har-mesz ku3-sig17_ u2-rak-ki-sa rit-ti-szu2
203'. _gir2_ szib-bi sza2 ih-zu-szu2 _ku3-sig17_
204'. ni-bit _mu_-ia ina muh-hi asz2-t,ur-ma a-din-szu2
n lines broken
205'. ina tukul-ti an-szar2 u {d}1(u)-5(disz) ik-szu-da _szu-min_-a-a
206'. _ku3-babbar ku3-sig17_ ni-siq-ti _na4-mesz_
207'. _nig2-szu e2-gal_-szu2 ma-la ba-szu-u2
208'. lu-bul-ti bir-me _gada-mesz ansze-kur-ra-mesz gal-mesz_
209'. _ug3-mesz_ zik2-ru u3 sin-nisz
210'. 2(disz) tim-me _mah-mesz_ pi-ti-iq za-ha-le-e eb-bi
211'. sza 2(disz) _lim_ 5(disz) _me gun ki-la2_-szu2-nu
212'. man-za-az _ka2_ e2-kur ul-tu man-zal-ti-szu2-nu as-suh-ma
213'. al-qa-a a-na _kur_ asz-szur{ki}
214'. szal-la-tu ka-bit-tu ina la mi3-ni asz2-lu-la
215'. ul-tu qe2-reb {iri}ni-i'
216'. e-li {kur}mu-s,ur u3 {kur}ku-u-si
217'. _{gesz}tukul-mesz_-ia u2-szam-ri-ir-ma asz2-ta-kan li-i-tu2
218'. it-ti _szu-min_ ma-li-ti szal-mesz a-tu-ra
219'. a-na nina{ki} _iri_ be-lu-ti-ia
220'. ina szal-szi ger-ri-ia _ugu_ {disz}ba-'a-li _lugal_ {kur}s,ur-ri
221'. a-szib _muru2_ tam-tim lu-u al-lik
222'. asz2-szu2 a-mat _lugal_-u-ti-ia la is,-s,u-ru
223'. la isz-mu-u2 zi-kir _nundum_-ia
224'. {iri}hal-s,u-_mesz_ e-li-szu2 u2-rak-kis
225'. a-na la a-s,e-e _ug3-mesz_-szu2 u2-dan-nin ma-s,ar-tusz
226'. ina tam-tim u na-ba-li ger-re-e-ti-szu2
227'. u2-s,ab-bit a-lak-ta-szu2 ap-ru-us
228'. _a-mesz_ u3 te-'u-u2-tu ba-lat, _zi_-ti3-szu2-nu
229'. a-na pi-i-szu2-nu u2-sza2-qi2-ir
230'. ina me-se-ri dan-ni sza2 la na-par-szu-di e-si-ir-szu2-nu-ti
231'. nap-szat-su-nu u2-si-iq u2-kar-ri
232'. a-na _{gesz}szudun_-ia u2-szak-ni-is-su-nu-ti
233'. _dumu-munus_ s,i-it lib3-bi-szu2 u3 _dumu-munus szesz-mesz_-szu2
234'. a-na e-pesz _{munus}agrig_-u2-ti
235'. u2-bi-la a-di mah-ri-ia
236'. _dumu_-szu2 sza2 ma-ti-ma ti-amtu la e-bi-ra
237'. isz-sza2-a a-na e-pesz _ARAD_-ti-ia
238'. _dumu-munus_-su u _dumu-munus szesz-mesz_-szu2
239'. it-ti ter-ha-ti ma-a'-as-si am-hur-szu2
240'. re-e-mu ar-szi-szu-ma
241'. _dumu_ s,i-it lib3-bi-szu2 u2-ter-ma? a?-din?-szu2
242'. {iri}hal-s,u-_mesz_ sza2 _ugu_ {disz}ba-'a-li _lugal_ {kur}s,ur-ri
243'. u2-rak-ki-su ap-t,ur
244'. ina tam-tim u na-ba-li ger-re-ti-szu2
245'. ma-la u2-s,ab-bi-tu ap-ti
246'. ma-da-at-ta-szu2 ka-bit-tu2 am-hur-szu2
247'. pa-an _{gesz}szudun_-ia u2-ter-ram-ma szal-mesz a-tu-ra a-na nina{ki} _iri_ be-lu-ti-ia
248'. ma-al-ki _muru2_ tam-tim
249'. u _lugal-mesz_ a-szi-bu-ti szad-de-e sza2-qu-ti
250'. da-na-an ep-sze-ti-ia an-na-a-ti
n lines broken
251'. _dumu-munus-mesz_ s,i-it lib3-bi-szu2-nu
252'. it-ti nu-dun-ne2-e ma-a'-di u3 ter-ha-ti ma-a'-as-si
253'. a-na e-pesz _{munus}agrig_-u2-ti
254'. a-na nina{ki} u2-bi-lu-nim-ma u2-na-asz2-szi-qu _giri3-min_-ia
255'. e-li {disz}mu-gal-li _ansze-kur-ra-mesz gal-mesz_
256'. ma-da-at-tu2 szat-ti-szam-ma u2-kin _edin_-usz-szu2
257'. ul-tu {disz}ia-ki-in-lu-u _lugal_ {kur}ar-u2-a-da
258'. il-li-ku a-na szim-ti
259'. {disz}a-zi-ba-a'-al {disz}a-bi-ba-a'-al {disz}a-du-ni-ba-a'-al
260'. _dumu-mesz_ {disz}ia-ki-in-lu-u a-szib _muru2_ tam-tim
261'. ul-tu _muru2_ tam-tim e-lu-nim-ma
262'. it-ti ta-mar-ti-szu2-nu ka-bit-tu il-lik-u2-nim-ma u2-na-asz2-szi-qu _giri3-min_-ia
263'. {disz}a-zi-ba-a'-al ha-disz ap-pa-lis-ma
264'. a-na _lugal_-u2-ti {kur}ar-u2-a-da asz2-kun
265'. {disz}a-bi-ba-a'-al {disz}a-du-ni-ba-a'-al lu-bul-tu bir-me u2-lab-bisz-ma
266'. _har-mesz ku3-sig17_ asz2-kun ina mah-ri-ia ul-zis-su-nu-ti
267'. {disz}gu-ug-gu _lugal_ lu-ud-di
268'. na-gu-u2 sza2 ne2-ber-ti _a-ab-ba_ asz2-ru ru-u2-qu
269'. sza _lugal-mesz ad-mesz_-ia la isz-mu-u2 zi-kir _mu_-szu2
270'. ni-bit _lugal_-ti-ia ina _masz2-ge6_
271'. u2-szab-ri-szu2-ma an-szar2 _dingir_ ba-nu-u-a
272'. u4-mu _masz2-ge6_ an-ni-tu e-mu-ru
273'. {lu2}rak-bu-szu2 isz-pu-ra ana sza2-'a-al szul-mi3-ia
274'. {lu2}gi-mir-a-a _{lu2}kur2_ ek-s,u
275'. sza la ip-tal-la-hu _ad-mesz_-ia
276'. u3 ia-a-ti la is,-ba-tu2 _giri3-min lugal_-ti-ia
277'. ina tukul-ti an-szar2 u {d}1(u)-5(disz) _en?-mesz_-ia
278'. ina {gesz}s,i-is,-s,i szat qa-ti {gesz}szi-ga-ri
279'. u2-tam-me-eh-ma it-ti ta-mar-ti-szu2 ka-bit-ti
280'. u2-sze-bi-la a-di mah-ri-ia
281'. ina 4(disz)-e ger-ri-ia a-na {iri}qir-bit2
282'. sza2 qe2-reb {iri}ha-re-e-ha-as-ta lu al-lik
283'. sza {disz}ta-an-da _{lu2}en-iri_-szu2-nu
284'. a-na _lugal-mesz ad-mesz_-ia la ik-nu-szu2 a-na _{gesz}szudun_
285'. u3 _ug3-mesz_ a-szi-bu-ti {iri}qir-bit2
n lines broken
286'. [...] _pap?_ x
287'. [...] a-di a-di?-ni? la al-la-ku
288'. [...] {disz}ah-sze-e-ri _man_ {kur}man-na-a-a
289'. [...] as,-ba?-ta har-ra-nu
290'. [...] _ad-mesz_-ia la-a kit-nu-szu2
291'. [...] da-s,a-a-ti
292'. [...] x {iri}limmu2-dingir
293'. [...] x iq-ba-a
294'. [...] aq?-bi-ma
295'. [...] x sza {kur}man-na-a-a
296'. [...] x _me ni_ x? x-nu
297'. [...] x a-ha-mesz
298'. [...] at-ta-'i-id-ma
299'. ad-ke _erin2-mesz me3_-ia
300'. a-na ka-sza2-ad {kur}man-na-a-a usz-te-sze-ra har-ra-nu
301'. al-lik-ma qe2-reb {iri}bad3-asz-szur
302'. usz-man-nu ad-di-ma asz2-kun ka-ra-szi
303'. {disz}ah-sze-e-ri a-lak ger-ri-ia isz-me-ma
304'. u2-ma-'e-e-ra um-man-szu2
305'. ina szat mu-szi ina szi-pir ni-kil-ti
306'. a-na e-pesz _me3_ it-bu-u-ni
307'. a-na mit-hu-s,i _erin2-hi-a_-ia
308'. _erin2-mesz me3_-ia it-ti-szu2-un im-da-ha-s,u
309'. isz-ku-nu _bad5-bad5_-szu2-un
310'. ma-lak 3(disz) _danna a-sza3_ szal-ma-a-te-szu2-nu
311'. u2-mal-li _edin_ rap-szu2
n lines broken
312'. a-na {iri}at-ra-a-na _iri_ tukul-ti-szu2
313'. in-na-bit e-hu-uz mar-qi2-tu
314'. {iri}i-zir-tu {iri}ur-me-ia-te {iri}uz-bi-a
315'. _iri-mesz_ dan-nu-ti-szu2 al-me
316'. _ug3-mesz_ a-szi-bu-ti _iri-mesz_ sza2-a-tu-nu
317'. e-si-ir-ma nap-szat-su-nu u2-si-iq u2-kar-ri
318'. na-gu-u szu-a-tu ak-szu-ud ap-pul aq-qur
319'. ina {d}gesz-bar aq-mu ma-lak 1(u) u4-me 5(disz) u4-me u2-szah-rib-ma
320'. sza2-qu-um-ma-tu2 at-bu-uk
321'. ina me-ti-iq ger-ri-ia _iri-mesz_-ni sza2 li-me-et {iri}pad-di-ri
322'. sza ina ter-s,i _lugal-mesz_-ni _ad-mesz_-ia
323'. {kur}man-na-a-a e-ki-mu a-na ra-ma-ni-szu2-nu u2-ter-ru
324'. ak-szu-ud ina {d}gesz-bar aq-mu asz2-lu-la szal-la-sun2
325'. _iri-mesz_ sza2-a-tu-nu a-na mi-s,ir _kur_ asz-szur{ki} u2-ter-ra
326'. na-gu-u sza {iri}ar-si-ia-ni-isz sza bi-rit {iri}a-za-qa-na-ni
327'. sza {kur}ha-ar-si sza2-di-i
328'. sza _sag_ {kur}ku-mu-ur-da-a-a sza qe2-reb {kur}man-na-a-a
329'. as-pu-un ina {d}gesz-bar aq-mu
330'. {disz}ra-a-a-di-sza2-di-i _{lu2}gal hal-s,u_-szu2-nu
331'. a-duk asz2-lu-la szal-lat-su
332'. na-gu-u sza {iri}e-ri-is-te-ia-na ak-szu-ud
333'. _iri-mesz_-szu2 as-pu-un ina {d}gesz-bar? aq-mu asz2-lu-la szal-la-su
334'. ina ti-ib _me3_-ia na-gu-szu2 u2-szah-rib
335'. u2-s,a-ah-hi-ir nap-har _kur_-szu2
336'. it-ti hu-ub-ti ma-a'-di szal-la-ti ka-bit-ti
337'. szal-mesz a-tu-ra ak-bu-sa mi-s,ir _kur_ asz-szur{ki}
338'. {iri}bi-ru-a {iri}lugal-iq-bi {iri}gu-si-ne2-e
339'. _iri-mesz_ mah-ru-u-ti sza mi-s,ir _kur_ asz-szur{ki}
340'. sza ina ter-s,i _lugal-mesz ad-mesz_-ia e-ki-mu {kur}man-na-a-a
341'. da-ad2-me sza2-a-tu-nu ak-szu-ud
342'. {kur}man-na-a-a ul-tu lib3-bi as-suh
343'. _ansze-kur-ra-mesz_ {gesz}til-li u2-nu-ut _me3_-szu2-nu
344'. asz2-lu-la a-na _kur_ asz-szur{ki}
345'. _iri-mesz_ sza2-a-tu-nu a-na esz-szu-ti as,-bat
346'. u2-ter-ra a-na mi-s,ir _kur_ asz-szur{ki}
347'. {disz}ah-sze-e-ri la pa-lih _en_-ti-ia
348'. an-szar2 {d}1(u)-5(disz) im-nu-szu2 i-na _szu-min ARAD-mesz_-szu2
349'. _ug3-mesz kur_-szu2 si-hu _ugu_-szu2 u2-szab-szu2-u
350'. ina _sila iri_-szu2
351'. id-du-u _adda_-szu
352'. _egir_-nu {disz}u2-al-li-i _dumu_-szu2
353'. u2-szib ina _{gesz}gu-za_-szu2
354'. da-na-an an-szar2 {d}sin {d}utu {d}en u {d}ag
355'. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki}
356'. {d}masz {d}nusku {d}u-gur _dingir-mesz gal-mesz_
357'. _en-mesz_-ia e-mur-ma ik-nu-sza2 a-na _{gesz}szudun_-ia
358'. asz2-szu2 ba-lat, _zi_-ti3-szu2 up-na-a-szu2 ip-ta-a
359'. u2-s,al-la-a _en_-u2-ti
360'. {disz}e-ri-si-in-ni _dumu usz_-ti-szu2 a-na nina{ki}
361'. isz-pur-am-ma u2-na-asz2-szi-qa _giri3-min_-ia
362'. re-e-mu ar-szi-szu2 _{lu2}a kin_-ia sza2 szul-me
363'. u2-ma-'e-er _edin_-usz-szu2
364'. _dumu-munus_-su s,i-it lib3-bi-szu2 u2-sze-bi-la
365'. a-na e-pesz _{munus}agrig_-u-ti
366'. ma-da-at-ta-szu2 mah-ri-tu2 sza ina ter-s,i _lugal-mesz_
367'. _ad-mesz_-ia u2-szab-t,i-lu isz-szu-u-ni a-di mah-ri-ia
368'. 3(u) _ansze-kur-ra-mesz ugu_ ma-da-at-ti-szu2
369'. mah-ri-ti u2-rad-di-ma e-mi3-is-su
370'. ina u4-me-szu2 {disz}bi-ri-is-ha-at-ri _{lu2}en-iri_ sza mad-a-a
371'. {disz}sar-a-ti {disz}pa-ri-hi
372'. 2(disz) _dumu-mesz_ {disz}ga-a-gi _{lu2}en-iri_ {kur}sa-hi
373'. sza is,-lu-u _{gesz}szudun_ be-lu-ti-ia
374'. 1(gesz2) 1(u) 5(disz) _iri-mesz_-szu2-nu dan-nu-ti ak-szu-ud asz2-lu-la szal-lat-sun2
375'. sza2-a-szu2-nu bal-t,u-us-su-nu ina _szu-min_ as,-bat
376'. u2-bi-la a-na nina{ki} _iri_ be-lu-ti-ia
377'. {disz}an-da-ri-a {lu2}tur-ta-an? {kur}ur-ar-t,i
378'. sza a-na ka-sza2-ad {kur}up-pu-um-me u3 {iri}kul-li-im-me-ri
379'. ir-da-a il-li-ka qe2-reb mu-szi-ti
380'. _ug3-mesz_ a-szi-bu-ti {iri}kul-li-im-me-ri
381'. _ARAD-mesz_ da-gil2 pa-ni-ia
382'. ina szat mu-szi di-ik-ta-szu2 ma-a'-as-su
383'. i-du-ku la iz-zi-bu a-a-um-ma
384'. _sag-du_ {disz}an-da-ri-a ik-ki-su-nim-ma
385'. a-na nina{ki} i-na mah-ri-ia u2-bil-u-ni
386'. ina 6(disz)-szi ger-ri-ia _ugu_ {disz}ur-ta-ki _man_ {kur}elam-ma{ki} lu-u al-lik
387'. sza _mun ad du3_-ia la ha-as-su la is,-s,u-ru ib-ru-ti
388'. ul-tu ina {kur}elam-ma{ki} su-un-qu isz-ku-nu
389'. ib-ba-szu2-u2 ne2-eb?-re-tu
390'. {d}nisaba ba-lat, _zi_-tim _ug3-mesz_
391'. u2-sze-bil-szu-ma as,-bat _szu-min_-su
392'. _ug3-mesz_-szu2 sza la-pa-an su-un-qi2
393'. in-nab-tu-nim-ma u2-szi-bu qe2-reb _kur_ asz-szur{ki}
394'. a-di zu-un-nu ina _kur_-szu2 iz-nu-nu
395'. ib-ba-szu-u2 e-bu-ru
396'. _ug3-mesz_ sza2-a-tu-nu sza ina _kur_-ia
397'. ib-lu-t,u u2-sze-bil-szu2-ma
398'. {lu2}e-la-mu-u2 sza2 ti-bu-us-su
399'. it-ti lib3-bi-ia la da-ab-ba-ku
400'. la ha-as-sa-ku s,e-let-su
401'. {disz}en-ba-sza2 {kur}gam-bu-la-a-a {disz}{d}ag-mu-uru4-esz _{lu2}gu2-en-na_
402'. _ARAD-mesz_ da-gil2 pa-ni-ia
403'. {disz}{d}marduk-mu-du3 {lu2}szu-ut _sag_ sza {disz}ur-ta-ki
404'. sza it-ti-szu2-nu isz-ku-nu pi-i-szu2
405'. a-na mit-hu-s,i _kur eme-gi7_ u _kur_ uri{ki}
406'. ina pi-ir-s,a-a-ti id-ku-u-ni {disz}ur-ta-ku _man_ {kur}elam-ma{ki}
407'. {disz}ur-ta-ku sza la ag-ru-szu2 qa-bal-szu2 id-ka-a
408'. a-na {kur}kar2-{d}dun-ia2-asz3 ur-ri-ha ta-ha-zu
409'. asz2-szu2 ti-bu-ut {lu2}e-la-me-e
410'. _{lu2}a kin_ a-na nina{ki} il-lik-am-ma
411'. iq-ba-a ia-a-ti a-ma-ti sza2-a-ti-na sza ti-bu-ut
412'. {disz}ur-ta-ki ul asz2-du-ud ina lib3-bi-ia
413'. szu-ut _{lu2}edin-mesz_-szu2 sza2 su-lum-me-e
414'. isz-ta-nap-pa-ra ina mah-ri-ia
415'. a-na a-mar _lugal_ {kur}elam-ma{ki}
416'. _{lu2}a kin_-ia u2-ma-'e-er ha-an-t,isz
417'. il-lik i-tu-ram-ma a-ma-a-ti ka-a-a-ma-na-a-ti
418'. u2-sza2-an-na-a ia-a-ti
419'. um-ma {lu2}e-la-mu-u2 _gin7_ ti-bu-ut _buru5-hi-a_
420'. ka-tim _kur_ uri{ki} ka-li-sza2
421'. s,e-er babila2{ki} usz-man-nu sza2-kin-ma na-di ma-dak-tu2
422'. a-na na-ra-ru-ti {d}en u {d}ag _en-mesz_-ia
423'. sza ap-tal-la-hu _dingir_-us-su-un
424'. _erin2-mesz me3_-ia ad-ke-e-ma as,-ba-ta har-ra-nu
425'. a-lak ger-ri-ia isz-me-ma
426'. hat-tu is-hup-szu2-ma i-tur a-na _kur_-szu2
427'. _egir_-szu2 as,-bat a-bi-ik-ta-szu2 asz2-kun
428'. at,-ru-us-su a-di mi-s,ir _kur_-szu2
429'. {disz}ur-ta-ku _lugal_ {kur}elam-ma{ki} sza la is,-s,u-ru ib-ru-ti
430'. ina u4-me la szim-ti-szu2 mu-u2-tu2 u2-gar-ru-u
431'. ina ta-ne2-hi iq-tu-u2 i-zu-bu
432'. ina qaq-qar ba-la-t,i _giri3-min_-szu2 ul isz-kun
433'. ina _mu-an-na_-szu2 na-pisz-ta-szu2 iq-ti il-lik nam-mu-szi-szu2
434'. {disz}en-ba-sza2 {kur}gam-bu-la-a-a
435'. sza is,-lu-u _{gesz}szudun_ be-lu-ti-ia
436'. ina ni-szik _pesz2_ isz-ta-kan na-pisz-tu2
437'. {disz}{d}ag-mu-kam-esz _{lu2}gu2-en-na_ la na-s,ir a-de-e
438'. isz-szi a-ga-nu-til-la-a _a-mesz_ ma-lu-u2-ti
439'. {disz}{d}marduk-mu-du3 {lu2}szu-ut _sag_-szu2 mu-szad-bi-ib-szu2
440'. sza _hul_-tu2 u2-szak-pi-du a-na {disz}ur-ta-ki
441'. e-mi3-is-su {d}marduk _lugal dingir-mesz_ sze-er-ta-szu2 _gal_-tu
442'. ina 1(disz)-et _mu-an-na_ me2-eh-ret a-ha-mesz isz-ku-nu na-pisz-tu2
443'. lib3-bi an-szar2 ag-gu ul i-nu-uh-szu2-nu-ti
444'. ul ip-szah-szu2-nu-ti ka-bat-ti {d}1(u)-5(disz) sza2 u2-tak-kil-an-ni
445'. _bala_-e _lugal_-ti-szu2 isz-ki-pu
446'. be-lut {kur}elam-ma{ki} u2-szal-qu-u sza2-nam-ma
447'. _egir_ {disz}te-um-man tam-szil _gal5-la2_
448'. u2-szib ina _{gesz}gu-za_ {disz}ur-ta-ki
449'. a-na da-a-ki _dumu-mesz_ {disz}ur-ta-ki
450'. u3 _dumu-mesz_ {disz}um-man-al-da-a-sze
451'. _szesz_ {disz}ur-ta-ki isz-te-ne2-'a-a _munus-hul_
452'. {disz}um-man-i-gasz {disz}um-man-ap-pa {disz}tam-ma-ri-tu2
453'. _dumu-mesz_ {disz}ur-ta-ki _lugal_ {kur}elam-ma{ki}
454'. {disz}ku-dur2-ru {disz}pa-ru-u2 _dumu-mesz_ {disz}um-man-al-da-a-sze
455'. _lugal_ a-lik pa-ni {disz}ur-ta-ki
456'. u3 1(gesz2) _numun lugal_ ina la mi3-ni _{lu2}erin2-mesz {gesz}pan_
457'. _dumu-mesz_ ba-ne2-e sza {kur}elam-ma{ki}
458'. sza2 la-pa-an da-a-ki {disz}te-um-man in-nab-tu-nim-ma
459'. is,-ba-tu _giri3-min-mesz lugal_-ti-ia
460'. ina 7(disz)-e ger-ri-ia _ugu_ {disz}te-um-man
461'. _lugal_ {kur}elam-ma{ki} lu-u al-lik
462'. sza _ugu_ {disz}um-man-i-gasz {disz}um-man-ap-pa
463'. {disz}tam-ma-ri-tu2 _dumu-mesz_ {disz}ur-ta-ki _lugal_ {kur}elam-ma{ki}
464'. {disz}ku-dur2-ru {disz}pa-ru-u _dumu-mesz_ {disz}um-man-al-da-a-sze
465'. _szesz_ {disz}ur-ta-ki _lugal_ {kur}elam-ma{ki}
466'. _{lu2}edin-mesz_-szu2 isz-ta-nap-pa-ra a-na sze-bu-li
467'. _ug3-mesz_ sza2-a-tu-nu sza2 in-nab-tu-nim-ma
468'. is,-ba-tu _giri3-min_-ia sze-bul-szu2-nu ul aq-bi-szu2
469'. ina muh-hi me-re-eh-e-ti
470'. ina _szu-min_ {disz}um-ba-da-ra-a u3 {disz}{d}ag-saga-iq
471'. isz-ta-nap-pa-ra ar-hi-szam
472'. qe2-reb {kur}elam-ma{ki} usz-tar-ra-ah ina _ukken erin2-hi-a_-szu2
473'. um-ma ul u2-masz-szar a-di al-la-ku
474'. it-ti-szu2 ep-pu-szu2 mit-hu-s,u-tu2
475'. _ugu_ a-ma-a-ti an-na-a-ti
476'. sza {disz}te-um-man iq-bu-u2
477'. u2-sza2-an-nu-u-ni t,e3-e-mu
478'. at-kil a-na an-szar2 {d}sin {d}utu {d}en u {d}ag
479'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir sza2 u2-tak-kil-u-in-ni
480'. qi2-bit pi-i-szu2 er-hu ul am-gur2
481'. ul a-din-szu2 mun-nab-ti sza2-a-tu-nu
482'. {disz}te-um-man le-mut-tu isz-te-ne2-'i-i
483'. {d}sin isz-te-ne2-'a-szu2 _geszkim-mesz_ le-mut-ti
484'. ina _{iti}szu an-mi_ szat ur-ri _en zalag2_ usz-ta-ni-ih-ma
485'. {d}utu _igi_-szu2-ma ki-ma szu-a-tu-ma kal u4-me usz-ta-ni-ih
486'. a-na qi2-it _bala-mesz_ {disz}te-um-man _lugal_ {kur}elam-ma{ki}
487'. _zah2 kur_-szu2 u2-kal-lim-an-ni
488'. _gurun esz-bar_-szu2 sza2 la in-nen-nu-u2
489'. ina u4-me-szu2 mi-ih-ru im-hur-szu2-ma
490'. _nundum_-su uk-tam-bil-ma _igi-min_-szu2 is-hur-ma
491'. ga-ba-s,u isz-sza2-kin ina lib3-bi-sza2
492'. it-ti ep-sze-e-ti an-na-a-ti
493'. sza {d}sin u {d}1(u)-5(disz) e-pu-szu-usz
494'. ul i-ba-asz2 id-ka-a _erin2-hi-a_-szu2
495'. ina _{iti}ne iti_ na-an-mur-ti _mul-pan_
496'. i-sin-ni szar-ra-ti ka-bit-ti _dumu-munus_ {d}en-lil2
497'. a-na pa-lah3 _dingir_-ti-sza2 _gal_-ti
498'. asz2-ba-ak ina {iri}limmu2-dingir _iri_ na-ram lib3-bi-sza2
499'. asz2-szu2 ti-bu-ut {lu2}e-la-me-e sza2 ba-lu _dingir-mesz_
500'. it-ba-a u2-sza2-an-nu-u-ni t,e3-e-mu
501'. um-ma {disz}te-um-man ki-a-am iq-bi
502'. sza {d}1(u)-5(disz) u2-sza2-an-nu-u mi-lik t,e3-me-szu2
503'. sza iq-bu-u um-ma ul u2-masz-szar a-di al-la-ku
504'. it-ti-szu2 ep-pu-szu2 mit-hu-s,u-tu2
505'. szu-ut me-re-eh-ti an-ni-te
506'. sza {disz}te-um-man iq-bu-u
507'. am-hur sza2-qu-tu2 qa-rit-tu2 {d}isz-tar
508'. az-zi-iz a-na tar-s,i-sza2 ak-mi3-is sza2-pal-sza2
509'. _dingir_-us-sa u2-sap-pa-a il-la-ka di-ma-a-a
510'. um-ma {d}be-let {iri}limmu2-dingir{ki}
511'. a-na-ku {disz}an-szar2-du3-a _man kur_ asz-szur{ki}
512'. bi-nu-ut _szu-min_-ki sza2 ih-szu-hu-szu2 an-szar2 _ad_ ba-nu-ki
513'. a-na ud-du-usz esz-re-e-ti
514'. szul-lum par-s,e-szu2-un na-s,ar pi-risz-te-szu2-un
515'. szu-t,u-ub lib3-bi-szu2-un im-bu-u zi-kir-szu2
516'. a-na-ku asz2-re-e-ki asz2-te-ne2-'i-i
517'. al-li-ka a-na pa-lah _dingir_-ti-ki
518'. u3 szul-lum par-s,e-e-ki u3 szu-u2 {disz}te-um-man
519'. _lugal_ {kur}elam-ma{ki} la mu-sza2-qir _dingir-mesz_
520'. ku-us,-s,ur ka-li a-na mit-hu-s,i _erin2-hi-a_-ia
521'. um-ma at-ti {d}be-let be-le-e-ti
522'. i-lat _muru2_ be-let _me3_ ma-li-kat3 _dingir-mesz ad-mesz_-sza2
523'. sza ina ma-har an-szar2 _ad_ ba-ni-ki
524'. _munus saga_ taq-bi-i ina ni-isz _igi-min_-szu2 _ku3-mesz_
525'. ih-szu-ha-an-ni a-na _lugal_-u2-ti
526'. asz2-szu2 {disz}te-um-man _lugal_ {kur}elam-ma{ki}
527'. sza a-na an-szar2 _lugal dingir-mesz_
528'. _ad_ ba-ni-ki ih-tu-u bil-tu2
529'. id-ka-a _erin2-hi-a_-szu2 ik-s,u-ra ta-ha-zu
530'. u2-sza2-'a-a-la _{gesz}tukul-mesz_-szu2 a-na a-lak _kur_ asz-szur{ki}
531'. um-ma at-ti qa-rit-ti _dingir-mesz_
532'. _gin7 gun_ ina _muru2_ tam-ha-ri pu-ut,-t,i-ri-szu2-ma
533'. di-kisz-szu2 me-hu-u2 _im_ lem-nu
534'. in-he-ia szu-nu-hu-u-ti {d}1(u)-5(disz) isz-me-e-ma
535'. la ta-pal-lah iq-ba-a u2-szar-hi-s,a-an-ni lib3-bu
536'. a-na ni-isz _szu-min_-ka sza tasz-sza2-a
537'. _igi-min_-ka im-la-a di-im-tu2 ar-ta-szi _arhusz_
538'. ina szat mu-szi szu-a-tu sza2 am-hu-ru-szi
539'. 1(disz)-en szab-ru-u u2-tu-ul-ma i-na-at,-t,al _masz2-ge6_
540'. i-gi-il-ti-ma tab-rit mu-szi
541'. sza {d}1(u)-5(disz) u2-szab-ru-u-szu2 u2-sza2-an-na-a ia-a-ti
542'. um-ma {d}1(u)-5(disz) a-szi-bat {iri}limmu2-dingir e-ru-ba-am-ma
543'. 1(u) 5(disz) u 2(gesz2) 3(u)_ tul-la-a-ta? isz-pa-a-ti
544'. tam-ha-at _{gesz}pan_ ina i-di-sza2
545'. szal-pat nam-s,a-ru zaq-tu2 sza2 e-pesz _me3_
546'. ma-har-sza2 ta-zi-iz szi-i ki-i _ama_
547'. a-lit-ti i-tam-ma-a it-ti-ka
548'. il-si-ka {d}1(u)-5(disz) sza2-qu-ut _dingir-mesz_ i-sza2-kan-ka t,e3-e-mu
549'. um-ma ta-na-at,-t,a-la a-na e-pesz sza2-asz2-me
550'. a-szar pa-nu-u-a szak-nu te-ba-ku a-na-ku
551'. at-ta ta-qab-bi-szi um-ma a-szar tal-la-ki
552'. it-ti-ki lul-lik be-let _gaszan-mesz_
553'. szi-i tu-sza2-an-nak-ka um-ma at-ta a-kan-na
554'. lu-u asz2-ba-a-ta a-szar masz-kan2-i-ka
555'. a-kul a-ka-lu szi-ti ku-ru-un-nu
556'. nin-gu-tu2 szu-kun nu-'i-id _dingir_-u-ti
557'. a-di al-la-ku szip-ru szu2-a-tu2 ep-pe-szu2
558'. u2-szak-sza2-du s,u-um-me-rat lib3-bi-ka
559'. pa-nu-ka ul ur-raq ul i-nar3-ru-t,a _giri3-min_-ka
560'. ul ta-szam-mat, zu-ut-ka _muru2_ tam-ha-ri
561'. ina ki-rim-mi3-sza2 _du10-ga_ tah-s,i-in-ka-ma
562'. tah-ti-na gi-mir la-a-ni-ka
563'. pa-nu-usz-sza2 {d}gesz-bar in-na-pi-ih
564'. ez-zi-isz nam-ri-ri-isz _e3_-ma
565'. a-na ka-sza2-ad _{lu2}kur2_-sza2 _du_-ik
566'. e-li {disz}te-um-man _lugal_ {kur}elam-ma{ki}
567'. sza ug-ga-at pa-nu-usz-sza2 tasz-kun
568'. ina _{iti}kin_ szi-pir _{d}inanna-mesz_ i-sin-ni an-szar2 s,i-i-ri
569'. _iti_ {d}sin na-an-nar3 _an_-e u _ki_-tim
570'. at-kil a-na _esz-bar {d}nanna_-ri nam-ri
571'. u3 szi-pir {d}1(u)-5(disz) _gaszan_-ia sza la in-nen-nu-u
572'. ad-ke _erin2-mesz me3_-ia mun-dah-s,e
573'. sza ina qi2-bit an-szar2 {d}sin u {d}1(u)-5(disz)
574'. it-ta-na-asz2-ra-bi-t,u _muru2_ tam-ha-ri
575'. e-li {disz}te-um-man _man_ {kur}elam-ma{ki}
576'. ur-hu as,-bat-ma usz-te-sze-ra har-ra-nu
577'. el-la-mu-u-a {disz}te-um-man _man_ {kur}elam-ma{ki}
578'. ina {iri}e2-{disz}im-bi-i na-di ma-dak-tu
579'. e-reb _lugal_-ti-ia sza2 qe2-reb |BAD3.AN|{ki}
n lines broken
580'. qe2-reb _du6-{iri}tu_-ba _bad5-bad5_-szu2-nu asz2-kun
581'. ina _adda-mesz_-szu2-nu {i7}u2-la-a-a as-ki-ir
582'. szal-ma-a-te-szu2-nu _gin7 {gesz}dih3_ u _{gesz}kiszi16_
583'. u2-mal-la-a ta-mir-ti {iri}szu-sza2-an
584'. _sag-du_ {disz}te-um-man _lugal_ {kur}elam-ma{ki}
585'. ina qi2-bit an-szar2 u {d}marduk _dingir-mesz gal-mesz_
586'. _en-mesz_-ia _ku5_-is ina _ukken erin2-hi-a_-szu2
587'. me2-lam-me an-szar2 u {d}1(u)-5(disz) {kur}elam-ma{ki}
588'. is-hu-up-ma ik-nu-szu2 a-na ni-ri-ia
589'. {disz}um-man-i-gasz sza2 in-nab-tu is,-ba-tu _giri3-min_-ia
590'. ina _{gesz}gu-za_-szu2 u2-sze-szib
591'. {disz}tam-ma-ri-tu _szesz_-szu2 szal-sza2-a-a
592'. ina {iri}hi-da-lu a-na _lugal_-u2-ti asz2-kun
593'. _{gesz}gigir-mesz_ {gesz}s,u-um-bi _ansze-kur-ra-mesz ansze-kunga-mesz_
594'. s,i-mit-ti ni-i-ri {gesz}til-li si-mat _me3_
595'. sza ina tu-kul-ti an-szar2 {d}1(u)-5(disz) _dingir-mesz gal-mesz_
596'. bi-rit {iri}szu-sza2-an u {i7}u2-la-a-a
597'. ik-szu-da _szu-min_-a-a
598'. ina qi2-bit an-szar2 u {d}marduk
599'. _dingir-mesz gal-mesz en-mesz_-ia ul-tu qe2-reb {kur}elam-ma{ki}
600'. ha-disz u2-s,a-am-ma
601'. a-na gi-mir _erin2-hi-a_-ia sza2-lim-tu szak-na-at
602'. ina 8(disz)-e ger-ri-ia _ugu_ {disz}du-na-ni
603'. _dumu {disz}{d}en-ba_-sza2 a-na {kur}gam-bu-li lu-u al-lik
604'. sza a-na _lugal_ {kur}elam-ma{ki} it-tak-lu
605'. la ik-nu-szu2 ana _{gesz}szudun_-ia
606'. ta-ha-zi dan-nu {kur}gam-bu-lu a-na si-hir-ti-szu2
607'. _gin7_ im-ba-ri ak-tum3
608'. {iri}sza2-pi-i-{d}en _iri_ dan-nu-ti-szu2
609'. sza qe2-reb _id2-mesz_ na-da-at szu-bat-su ak-szu-ud
610'. {disz}du-na-nu _szesz-mesz_-szu2 ul-tu qe2-reb _iri_ szu2-a-tu2
611'. bal-t,u-us-su-un u2-sze-s,a-a
612'. _dam_-su _dumu-mesz_-szu2 _dumu-munus-mesz_-szu2
613'. {munus}sek-re-ti-szu2 _{lu2}nar-mesz {munus}nar-mesz_
614'. u2-sze-s,a-am-ma szal-la-tisz am-nu
615'. _ku3-babbar ku3-sig17 nig2-szu_ na-kam2-ti _e2-gal_-szu2
616'. u2-sze-s,a-am-ma szal-la-tisz am-nu
617'. {lu2}szu-ut _sag-mesz_ {lu2}man-za-az pa-ni-szu2
618'. {lu2}kit-ki-tu-u2 mu-sza2-ki-le-e-szu2
619'. u2-sze-s,a-am-ma szal-la-tisz am-nu
620'. gi-mir um-ma-ni ma-la ba-szu2-u mar-kas _iri_ u _edin_
621'. u2-sze-s,a-am-ma szal-la-tisz am-nu
622'. _gu4-mesz_ s,e-e-ni _ansze-kur-ra-mesz ansze-kunga-mesz_
623'. sza ni-ba la i-szu2-u u2-sze-s,a-am-ma szal-la-tisz am-nu
624'. _ug3-mesz kur_-szu2 zik-ra u sin-nisz _tur_ u _gal_ e-du ul e-zib
625'. u2-sze-s,a-am-ma szal-la-tisz am-nu
n lines broken
626'. na-gu-u szu-a-tu u2-szah-rib
627'. ri-gim a-me-lu-ti ap-ru-sa _edin_-usz-szu2
628'. ina tu-kul-ti _dingir-mesz gal-mesz {lu2}kur2-mesz_-ia a-ni-ir
629'. szal-mesz a-tu-ra a-na nina{ki}
630'. _sag-du_ {disz}te-um-man _man_ {kur}elam-ma{ki}
631'. ina _gu2_ {disz}du-na-nu a-lul
632'. _sag-du_ {disz}{d}isz-tar-na-an-di ina _gu2_ {disz}sa-am-gu-nu
633'. _szesz_ {disz}du-na-nu tar-den-nu a-lul
634'. it-ti ki-szit-ti {kur}elam-ma{ki} szal-la-at {kur}gam-bu-li
635'. sza ina qi2-bit an-szar2 ik-szu-da _szu-min_-a-a
636'. it-ti _{lu2}nar-mesz_ e-pisz nin-gu-ti
637'. a-na nina{ki} e-ru-ub ina _hul2-mesz_
638'. {disz}um-ba-da-ra-a {disz}{d}ag-saga-iq
639'. _{lu2}mah-mesz_ sza2 {disz}te-um-man _man_ {kur}elam-ma{ki}
640'. sza {disz}te-um-man ina _szu-min_-szu2-nu
641'. isz-pu-ra szi-pir me-re-eh-ti
642'. sza ina mah-ri-ia ak-lu-u2
643'. u2-qa-'u-u pa-an szi-kin t,e3-e-me-ia
644'. ni-kis _sag-du_ {disz}te-um-man _en_-szu2-nu
645'. qe2-reb nina{ki} e-mu-ru-ma
646'. sza2-ne2-e t,e3-e-me is,-bat-su-nu-ti
647'. {disz}um-ba-da-ra-a ib-qu-ma ziq-na-a-szu2
648'. {disz}{d}ag-saga-iq ina _gir2 an-bar_ szib-bi-szu2 is-hu-la kar-as-su
649'. ni-kis _sag-du_ {disz}te-um-man ina _gaba abul muru2 iri_ sza nina{ki}
650'. u2-mah-hi-ra mah-hu-risz
651'. asz2-szu2 da-na-an an-szar2 u {d}1(u)-5(disz) _en-mesz_-ia _ug3-mesz_ kul-lu-me
652'. ni-kis _sag-du_ {disz}te-um-man _lugal_ {kur}elam-ma{ki}
653'. {disz}ibila-ia _dumu_ {disz}{d}ag-sa-lim
654'. _dumu dumu_ {disz}{d}marduk-a-asz
655'. sza la-pa-an _ad ad_ ba-ni-ia
656'. _ad_-szu2 in-nab-tu a-na {kur}elam-ma{ki}
657'. ul-tu {disz}um-man-i-gasz qe2-reb {kur}elam-ma{ki}
658'. asz2-ku-nu a-na _lugal_-u2-ti
659'. {disz}ibila-ia _dumu_ {disz}{d}ag-sa-lim
660'. is,-bat u2-sze-bi-la a-di _igi_-ia
661'. {disz}du-na-nu {disz}sa-am-gu-nu
662'. _dumu-mesz {disz}{d}en-ba_-sza2 {kur}gam-bu-la-a-a
663'. sza _ad-mesz_-szu2-nu a-na _lugal-mesz_
664'. _ad-mesz_-ia u2-dal-li-pu-ma
665'. u3 szu-nu u2-nar3-ri-t,u
666'. e-pesz _lugal_-ti-ia
667'. qe2-reb bal-til{ki} u3 {iri}limmu2-dingir
668'. a-na da-lal2 ah-ra-a-ti u2-bil-szu2-nu-ti
669'. {disz}ur-sa-a _man_ {kur}ur-ar-t,i
670'. da-na-an an-szar2 u {d}1(u)-5(disz)
671'. _en-mesz_-ia isz-me-e-ma
672'. pu-luh-ti _lugal_-ti-ia is-hup-szu2?-ma
673'. _{lu2}mah-mesz_-szu2 a-na sza2-'a-al szul-mi3-ia isz-pu-ra a-na qe2-reb {iri}limmu2-dingir{ki}
674'. _ansze-kur-ra-mesz ansze-kunga-mesz_ [...]
675'. qar-na-a-te _{gesz}gidri-mesz_ [...]
676'. {gesz}pu-ur-t,i-i ta-mar-ta-szu2 [...]
677'. {disz}{d}ag-saga-iq {disz}um-ba-da-ra-a _{lu2}mah-mesz_ sza {kur}elam-ma{ki}
678'. it-ti _{gesz}zu-mesz_ szi-pir me-re-eh-ti ul-ziz ina mah-ri-szu2-un
679'. sza {disz}man-nu-ki-pap-mesz {lu2}2(disz)-u sza2 {disz}du-na-ni
680'. u3 {disz}{d}ag-u2-s,al-li {lu2}sza2 _ugu iri_ {kur}gam-bu-li
681'. sza _ugu dingir-mesz_-ia iq-bu-u szil-la-tu2 _gal_-tu2
682'. qe2-reb {iri}limmu2-dingir _eme_-szu2-un asz2-lu-up asz2-hu-t,a _kusz_-szu2-un
683'. {disz}du-na-nu qe2-reb {iri}ni-na-a
684'. e-li {gesz}ma-ka-s,i id-du-szu2-ma
685'. it,-bu-hu-usz as-lisz
686'. si-it-ti _szesz-mesz_-szu2 sza2 {disz}du-na-ni
687'. u3 {disz}ibila-ia a-ni-ir _uzu-mesz_-szu2-nu u2-nak-kis
688'. u2-sze-bil a-na ta-mar-ti ma-ti-tan
689'. {disz}{d}ag-i {disz}{d}en-kar-ir _dumu-mesz {disz}{d}ag-mu-kam_-esz _{lu2}gu2-en-na_
690'. sza _ad_ ba-nu-szu2-un {disz}ur-ta-ki id-ka-a a-na mit-hu-s,i _kur_ uri{ki}
691'. _giri3-pad-ra2-mesz {disz}{d}ag-mu-kam_-esz sza ul-tu qe2-reb {kur}gam-bu-li
692'. il-qu-u-ni a-na _kur_ asz-szur{ki} _giri3-pad-ra2-mesz_ sza2-a-ti-na
693'. me2-eh-ret _abul muru2 iri_ nina{ki} u2-szah-szi-la _dumu-mesz_-szu2
694'. {disz}{d}gesz-nu11-mu-gi-na [...]
695'. asz2-ku-nu-usz a?-na [...]
696'. u2-nak-ki-sa su-lum-mu-u2 [...]
697'. _abul-mesz_ babila2{ki} x x? _ta_ [...]
698'. {disz}um-man-i-gasz [...] _ARAD_ da-gil2 pa-ni-ia
699'. sza a-na _lugal_-u-ti asz2-ku-nu ina {kur}e-lam-ti
700'. it-ti-ia [...] u2-szam-kir2-szu2-ma
701'. u2-sza2-as,-li-szu2 _{gesz}szudun_ be-lu-ti-ia
702'. _nig2-gur11_ e2-sag-il2 u e2-zi?-da? it-bal?-ma?
703'. u2-sze-bil? [...] x [...]
n lines broken
704'. _erin2-mesz me3_-ia sza2 ina {kur}man-gi-si sza2 qe2-reb {iri}su-man-dir
705'. _edin_-usz-szu2-un e-lu-nim-ma
706'. isz-ku-nu tah-ta-szu2-un
707'. sza {disz}un-da-si _dumu_ {disz}te-um-man _lugal_ {kur}elam-ma{ki}
708'. sza {disz}za-za-az {disz}par-ru-u2 {disz}at-ta-me-tu
709'. _sag-du-mesz_-szu2-nu ik-ki-su-nim-ma
710'. u2-bil-u-ni a-di mah-ri-ia
711'. szu-ut a-ma-a-ti an-na-a-ti
712'. _{lu2}a kin_-ia u2-ma-'e-er s,e-er {disz}um-ma-ni?-gasz?
713'. {lu2}szu-ut _sag_-ia sza2 asz2-pu-ru ik-la-ma
714'. la u2-ter-ra tur-tu2 a-mat-ia
715'. an-szar2 {d}sin {d}utu {d}en {d}ag
716'. {d}masz {d}nusku? {d}u-gur
717'. _dingir-mesz_ tik-le-ia
718'. di-in kit-ti it-ti {disz}um-man-i-gasz
719'. i-di-nu-in-ni
720'. {disz}tam-ma-ri-tu _edin_-usz-szu2 ib-bal-kit-ma
721'. sza2-a-szu2 ga-du kim-ti-szu2 u2-ra-sib-szu2 ina _{gesz}tukul-mesz_
722'. {disz}tam-ma-ri-tu sza2 e-la {disz}um-man-i-gasz ek-s,u
723'. u2-szib ina _{gesz}gu-za_ {kur}elam-ma{ki}
724'. ki-ma sza2-a-szu2-ma ul-tu _szu-min {disz}{d}gesz-nu11-mu-gi-na_
725'. t,a-'a-a-tu2 im-hur
726'. ul isz-al szu-lum _lugal_-ti-ia
727'. a-na kit-ri {disz}{d}gesz-nu11-mu-gi-na
728'. _szesz_ la ke-e-nu il-lik-am-ma
729'. a-na mit-hu-s,i _erin2-hi-a_-ia
730'. ina su-up-pe-e sza an-szar2 u {d}1(u)-5(disz) u2-sap-pu-u
731'. un-ni-ni-ia il-qu-u2
732'. isz-mu-u2 zi-kir _nundum_-ia
733'. _ARAD-mesz_-szu2 _edin_-usz-szu2 ib-bal-ki-tu-ma
734'. a-ha-mesz u2-ra-si-bu _en hul_-ti3-ia
735'. {disz}in-da-bi-bi _ARAD_-su sza si-hu
736'. _ugu_-szu u2-szab-szu-u2 u2-szib ina _{gesz}gu-za_-szu2
737'. {disz}tam-ma-ri-tu _man_ {kur}elam-ma{ki}
738'. sza me-re-eh-tu iq-bu-u2
739'. e-li ni-kis _sag-du_ {disz}te-um-man
740'. sza ik-ki-su a-hu-ru-u2 _erin2-hi-a_-ia
741'. u3 _szesz-mesz_-szu2 qin-nu-szu2 _numun e2 ad_-szu
742'. it-ti 1(gesz2) 2(u) 5(disz) _nun-mesz_ sza2 {kur}elam-ma{ki}
743'. a-li-kut i-di-i-szu2
744'. sza la-pa-an _{gesz}tukul-mesz_ an-szar2 u {d}1(u)-5(disz) ip-par-szu-nim-ma
745'. a-na da-lal2 _dingir_-ti-szu2-nu _gal_-ti
746'. it-ti {disz}{d}marduk-man-pap {lu2}szu-ut _sag_-ia
747'. sza ib-szi-mu-szu2 ina da-na-ni
748'. mi-ra-nu-usz-szu2-un ina _ugu_ lib3-bi-szu-nu
749'. ip-szi-lu-nim-ma is,-ba-tu _giri3-min lugal_-ti-ia
750'. {disz}tam-ma-ri-tu a-na e-pesz _ARAD_-ti-ia
751'. ra-man-szu2 im-nu-ma
752'. a-na kat3-a-ri-szu2 u2-s,al-la-a _en_-u-ti
753'. szu-ut 1(disz)-en {lu2}szu-ut _sag_-ia
754'. an-szar2 {d}sin {d}utu {d}en {d}ag {d}masz? {d}nusku? {d}u-gur?
755'. _dingir-mesz_ ti-ik-le-ia
756'. 1(disz) _lim-a-a_ ri-bi-ia i-ri-bu-u2-ni
757'. {disz}tam-ma-ri-tu _ug3-mesz_ ma-la it-ti-szu2
758'. qe2-reb _e2-gal_-ia ul-zi-is-su-nu-ti
759'. _{gesz}pan-mesz_ sza {disz}tam-ma-ri-tu _man_ {kur}elam-ma{ki}
760'. qe2-reb {kur}elam-ma{ki} usz-tar-ri-hu ina lib3-bi-szi-na
761'. a-na mit-hu-s,i _erin2-hi-a kur_ asz-szur{ki}
762'. e-nen-na qe2-reb _kur_ asz-szur{ki}
763'. _{gesz}pan-mesz_ sza2-ti-na
764'. uq-t,a-na-ar-ra-ba a-na? [...]
765'. an-szar2 {d}sin {d}utu {d}en {d}ag
766'. {d}1(u)-5(disz) sza {iri}nina {d}szar-rat-kid-mu-ri
767'. {d}1(u)-5(disz) sza {iri}limmu2-dingir{ki}
768'. {d}masz {d}nusku {d}u-gur
769'. sza _{lu2}kur2-mesz_-ia [...]
770'. u3 si-it-tu-ti im-[...]
n lines broken
771'. u2-s,a-am-ma x [...]
772'. lu-bu-usz-tu2 [...]
773'. a-na gat-ti-szu2 [...]
774'. ub-bu-t,u [...]
775'. mu-ut u2-bi-x [...]
776'. ir-ku-us [...]
777'. _nig2-szu-mesz_-szu2-nu [...]
778'. _nig2-ga-mesz_-szu2-nu gam?-lu?-u2-ti a?-na a-ki-li
779'. ina un-s,i ne2-eb-re-ti la ig-mi3-lu
780'. e-ku-lu _ur-gi7-mesz {d}nin-kilim-mesz_
781'. _nig2-gig_-szu2-nu ra-bu-u
782'. ina szam-mu pi-i-szu2-nu ig-mu-ru
783'. _musz gir2-tab_ nam-masz-ti qaq-qa-ri ma-la ba-szu2-u
784'. zer-man-du iq-ti-szu2-nu-ti
785'. ik-su-su gi-il-du ku-ru-us-su
786'. _{kusz}da-e-sir-mesz_ u _{kusz}e-sir2-mesz_
787'. a-na bu-ri-szu2-nu u2-t,a-ab-bi-hu
788'. _dumu-mesz dumu-munus-mesz szesz-mesz nin9-mesz_
789'. [...] _du3_-szu2-un _uzu-mesz dumu-mesz_-szu2-nu
790'. e-ku-lu ku-um _ninda-mesz_
791'. _usz2-mesz dumu-munus-mesz_-szu2-nu isz-ta-at-tu-u
792'. ku-um szi-ka-ri
793'. ina la ma-ka-le-e iq-ta-a i-zu-ba
794'. mesz-re-e-ti-szu2-nu e-mu-u sza2-lam-tisz2
795'. zi-i-me _ug3-mesz_ ku-ri u ni-is-sa-ti
796'. iq-t,u-ru _gin7_ qut-ri
797'. et,-lu sza ar-da-ti
798'. ar-da-tu sza et,-li
799'. ina re-bet _iri_ i-na-at,-t,a-lu pu-zur-szun3
800'. sza la s,u-ba-ti na-an-du-qu?
801'. te-di-iq _en_ ar-ni ba-sza2-mu u x [...]
802'. ih-szu-hu _un-mesz-[...]_
803'. mi-tu-tu _gin7 hal_ [...]
804'. re-e-me _ug3-mesz ig-[...]_
805'. _ad_ a-na _dumu_-szu2 _ama_ a-na _dumu-munus_-sza2
806'. ul i-ra-asz2-szi re-e-mu?
807'. et,-lu hi-rat-su un-da-asz2-szir
808'. _ad_ e-te-zib _dumu_ na-ram lib3-bi-szu2
809'. szu?-ut? mi3-tu-tu a-ha-mesz la na-t,a-li
810'. a-na _{lu2}kur2_ da-a-a-ki-szu2 it-ta-din pi-i-szu2
811'. szib-t,u _nam-usz2-mesz gig_ szu-ru-up-pu-u
812'. u2-s,a-hir _ug3-mesz kur uri{ki} du3_-szu2-un
813'. bi-rit _iri_ u _edin_ ig-mur-szu2-nu-ti
814'. _gir2 an-bar_ ha-an-t,u
815'. _szagina sipa_-szu2-nu ina _sza3_-szu2-nu e-zi-iz-ma
816'. u2-szam-qit si-it-tu2
817'. _adda-mesz un-mesz sila_ su-lu-u pur-ru-ku
818'. pu-uh-hu-u2 _ka2-mesz_
819'. _ugu iri_ u _nun_ sza2-qu-um-ma-tu2 na-da-ta
820'. sza2-hur-ra-tu tab-kat3
821'. ga-nun-szu2-un szu-uh-ru-ub
822'. _a-gar3-mesz?_-szu2-un ba-ku-u sa-ap-du
823'. _id2-mesz_-szu2-un sza u2-szah-bi-ba _a-mesz he2-nun_
824'. im-la-a sa-ki-ka
825'. {disz}{d}gesz-nu11-mu-gi-na _szesz_ nak-ri
826'. sza a-na _kur_ asz-szur{ki} ik-pu-du ne2-er-tu2
827'. u3 e-li an-szar2 _dingir_ ba-ni-ia
828'. iq-bu-u2 szil-la-tu2 _gal_-tu2
829'. mu-u-tu2 lem-nu i-szim-szu-ma
830'. ina mi-qit {d}gibil6 id-di-szu-ma
831'. u2-hal-li-qa nap-szat-su
832'. _{lu2}erin2-mesz_ e-pisz si-hi bar-ti
833'. ma-la it-ti-szu2 szak-nu e-du ul ip-par-szid
834'. mul-tah-t,u ul u2-s,i ina _szu-min_-ia
835'. lu-bul-tu szu-kut-tu2 a-qar-tu2 mim-ma si-mat _lugal_-ti
836'. hi-szih-ti _e2-gal_-szu2 ma-la ba-szu-u2
837'. {munus}sek-re-ti-szu2 _gal-mesz_-szu2 {lu2}szu-ut _sag-mesz_-szu2
838'. u3 _ug3-mesz_ li-bit _e2-gal_-szu2
839'. _ku3-babbar ku3-sig17 nig2-szu nig2-ga_
840'. _{gesz}gigir-mesz_ {gesz}sza2 sza2-da-di ru-kub _en_-u2-ti-szu2
841'. _ansze-kur-ra-mesz_ s,i-mit-ti ni-i-ri-szu2
842'. _ug3-mesz_ zi-kir u sin-nisz _tur_ u _gal_ sza2 la-pa-an mit-hu-s,i _{gesz}tukul-mesz_
843'. di-'u szib-t,u _nam-usz2-mesz_ u3 ne2-eb-re-tu2 i-sze-tu-ni
844'. ik-szu-da _szu-min_-a-a asz2-lu-la a-na _kur_ asz-szur{ki}
845'. _ug3-mesz en_ hi-it,-t,i
846'. an-nu kab-tu e-mid-su-nu-ti
847'. bu-un-na-an-ni-szu2-nu at-bal
848'. _kusz-mesz_-szu2-nu asz2-hu-ut,
849'. u2-nak-ki-sa _uzu-mesz_-szu2-un
850'. {disz}in-da-bi-bi sza2 _egir_ {disz}tam-ma-ri-ti
851'. u2-szi-bu ina _{gesz}gu-za_ {kur}elam-ma{ki}
852'. da-na-an _{gesz}tukul-mesz_-ia e-mur-ma
853'. sza2 ul-tu2 re-e-szi u2-szam-ri-ru _ugu_ {kur}elam-ma{ki}
854'. _dumu-mesz kur_ asz-szur{ki} sza2 asz2-pu-ru
855'. a-na kit-ri {disz}{d}ag-en-mu-mesz _dumu_ {disz}{d}marduk-a?-asz
856'. sza _gin7_ ib-ri tap-pe-e na-s,ar _kur_-szu2
857'. it-ta-na-al-la-ku it-ti-szu2
858'. sza2 {disz}{d}ag-en-mu-mesz ina pi-ir-s,a-a-ti
859'. ina szat mu-szi us,-s,ab-bi-tu ik-lu-u ina ki-li
860'. {disz}in-da-bi-bi _lugal_ {kur}elam-ma{ki}
861'. ul-tu2 _e2_ s,i-bit-ti u2-sze-s,a-asz2-szu2-nu-ti
862'. ki-i s,a-bat a-bu-ut-ti qa-be2-e _munus saga_-szu2
863'. la ha-t,e-e mi-s,ir _kur_-szu2
864'. ina _szu-min {lu2}a kin_-szu2 u2-sze-bi-la a-di _igi_-ia
865'. e-li {disz}{d}ag-en-mu-mesz _dumu_ {disz}{d}marduk-a-asz
866'. _ARAD_ da-gil2 pa-ni-ia
867'. sza2 in-nab-tu il-li-ku a-na {kur}elam-ma{ki}
868'. u3 si-it-ti _dumu-mesz kur_ asz-szur{ki}
869'. sza {disz}{d}ag-en-mu-mesz ina pi-ir-s,a-a-ti
870'. u2-s,ab-bi-tu u2-bi-lu it-ti-szu2
871'. ina _szu-min {lu2}a kin-mesz_-szu2 a-na {disz}in-da-bi-bi
872'. ki-a-am asz2-pur-szu-ma
873'. asz2-szu2 _ug3-mesz_ an-nu-u-ti la tu-sze-bi-la
874'. um-ma al-la-kam-ma _iri-mesz_-ka a-na-qar
875'. _ug3-mesz_ {iri}szu-sza2-an {iri}ma-dak-tu {iri}hi-da-lu a-szal-lal
876'. ul-tu _{gesz}gu-za lugal_-ti-ka a-dak-ke-ka-ma
877'. sza2-nam-ma ina _{gesz}gu-za_-ka u2-sze-szab
878'. ep-szet ina _igi_ {disz}te-um-man u2-szap-ri-ku u2-szam-har-ka ka-a-ta
879'. a-di _{lu2}a kin_-szu2 ma-har-szu2 la i-kasz-sza2-du
880'. la u2-sza2-an-nu-szu2 szi-kin t,e3-e-me-ia
881'. ina tukul-ti an-szar2 {d}sin {d}utu {d}en {d}ag
882'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir
883'. {d}masz {d}nusku {d}u-gur
884'. sza2 it-tal-la-ku _a2-min_-a-a
885'. i-na-ar-ru ga-re-ia
886'. a-lak? _{lu2}a kin_-ia sza a-na {iri}de-ri
887'. asz2-pu-ru isz-mu-u qe2-reb {kur}elam-ma{ki}
888'. pu-luh-ti _lugal_-ti-ia
889'. sza2 u2-za-'i-nu-in-ni _dingir-mesz gal-mesz_
890'. {kur}elam-ma{ki} is-hup-ma _un-mesz_ {kur}elam-ma{ki}
891'. s,e-er {disz}in-da-bi-bi ib-bal-ki-tu
892'. i-na-ru-usz i-na _{gesz}tukul-mesz_
893'. {disz}um-man-al-da-si _dumu_ {disz}at-ta-me-tu
894'. u2-sze-szi-bu ina _{gesz}gu-za_-szu2
895'. i-na 1(u)-e? ger-ri-ia
896'. a-na {kur}elam-ma{ki?} lu al-lik
897'. ina me-ti-iq ger-ri-ia
898'. {iri}e2-{disz}im-bi-i _iri_ tukul-ti {kur}elam-ma{ki?} ak?-szu?-ud
899'. [...] x-szu2
900'. [...] x x
n lines broken
901'. [...] x x x x?
902'. [...] x _disz_ x x
903'. [...] x sza2 {kur}elam-ma{ki}
904'. [...] x isz-pu-ra-asz2-szu2
905'. [...] {disz}{d}gesz-nu11-mu-gi-na
906'. [...] _me3?_-ia ina u2-s,i mah-s,u
907'. [...] la? iq-tu-u2 nap-szat-su
908'. [...] la-pa-an _{gesz}tukul_ an-szar2 la pa-de-e
909'. a-na da-la-li ta-nit-ti an-szar2 u {d}1(u)-5(disz) _en-mesz_-ia
910'. e-disz-szi-szu2 in-nab-tu ana {kur}elam-ma{ki}
911'. {disz?}bar?-bu-ru _dumu_-szu2 ul-tu {iri}e2-{disz}im-bi-i
912'. u2-sze-s,a-am-ma _kusz_-szu2 asz2-hu-ut,
913'. {disz}tam-ma-ri-tu _man_ {kur}elam-ma{ki} mun-nab-tu
914'. sza ul-tu qe2-reb _kur_ asz-szur{ki}
915'. it-bu?-u2? il-li-ku ana {kur}elam-ma{ki}
916'. ti-ib _me3_-ia dan-ni
917'. [...] x _{gesz}tukul-mesz_-ia
918'. sza2 _ugu? {kur}elam-ma{ki?}_ u2-szam-ri-ru e-mur-ma
919'. [...] x x? x x?
n lines broken
920'. {iri}ma-dak-tu2 _iri lugal_-ti-szu2 u2-masz-szir-ma
921'. in-na-bit-ma _kur_-szu2 e-li
922'. {disz}am-ba_-lagab_-u-a sza2 me2-eh-ret {disz}um-man-al-da-si
923'. asz2-bu ina _{gesz}gu-za_ {kur}elam-ma{ki} [...]
924'. u2-szi-[...] x _ia_ x [...]
925'. {iri}bu-bi-lu _iri?_ mu-szab _en_-ti-szu2 u2-masz-szir-ma
926'. ki?-ma _ku6-mesz?_ szu-pul _a-mesz_ is,-bat-ma
927'. in-na-bit? a-na ru-qe2-e-ti
928'. ina ta-a-a-ar-ti?-ia {iri}ga-tu-du
929'. {iri}ga-tu-du-ma {iri}da-e-ba
930'. {iri}na-di-i' {iri}bad3-am-na-ni
931'. {iri}bad3-am-na-ni-ma {iri}ha-ma-nu
932'. {iri}ta-ra-qu? {iri}ha-a-a-u2-si
933'. [...] {iri}ha-ra-a'
934'. {iri}e2-{disz}im-bi-i {iri}ma-dak-tu
935'. {iri}szu-sza2-an {iri}bu-be2-e
936'. {iri}sze-{disz}{d}szu2-man-a-ni {iri}ur-da-li-ka
937'. {iri}al-ga-ri-gi {iri}tu-u-bu
938'. {iri}du-un?_-lugal {iri}bad3_-{disz}un-da-si
939'. {iri}bad3-{disz}un-da-si-ma {iri}bu-bi-lu
940'. {iri}sa-am-u2-nu {iri}e2-{disz}bu-na-ki
941'. [...] {iri}qa-ba-ri-na
942'. {iri}qa-ba-ri-na-ma _iri-mesz_ szu-nu-ti
943'. ap-pul aq-qur ina {d}gesz-bar aq-mu
944'. _ug3?-mesz_-szu2-nu _gu4-mesz_-szu2-nu s,e-e-ni-szu2-nu
945'. _nig2-szu_-szu2-nu _nig2-gur11_-szu2-nu
946'. {gesz}s,u-um_-bi-mesz ansze-kur-ra-mesz_
947'. _ansze-kunga-mesz_ {gesz}til-li u2-nu-ut _me3_
948'. asz2-lu-la a-na _kur_ asz-szur{ki}
949'. _un-mesz_ {kur}elam-ma{ki} sza {disz}{d}sin-pap-mesz-su
950'. _ad ad_ ba-ni-ia ina _muru2_ ta-ha-zi
951'. _nundum-mesz_-szu2-un ip-ru-'u-u2-ma
952'. it-ba-lu bu-un-na-an-ni-szu2-un
953'. sza? ul-tu bi-rit _adda-mesz_
954'. _bad5-bad5?_ {kur}elam-ma{ki} in-nab-tu
955'. a-na szu-zu-ub _zi_-ti3-szu2-un
956'. ina tukul-ti an-szar2 u3 {d}isz-tar
957'. qa-a-ti ik-szu-us-su-nu-ti
958'. a-na _kur_ asz-szur{ki} u2-ra-a
959'. asz2-hu-t,a _kusz_-szu2-un
960'. _ug3-mesz_ unu{ki} nibru{ki} ud-ud-ag{ki}
961'. {kur}e2-{disz}dak-ku-ri {kur}e2-{disz}a-muk-ka-ni
962'. [...] x? x-ti _kur_ asz-szur{ki} i-har-ra-s,u
963'. i-t,ap-pu-u2 a-na {kur}elam-ma{ki}
964'. it-ti szal-lat {kur}elam-ma{ki}
965'. asz2-lu-la a-na _kur_ asz-szur{ki}
966'. e-li _ug3-mesz_ sza2-a-tu-nu
967'. asz2-al us,-s,i-is,
968'. ki-i hi-it,-t,i-szu-nu-ma
969'. a-nir-szu2-nu-ti ina _{gesz}tukul-mesz_
970'. _ug3-mesz_ u3 szal-la-at {kur}elam-ma{ki}
971'. sza ina qi2-bit an-szar2 {d}sin {d}utu {d}en {d}ag
972'. {d}1(u)-5(disz) sza nina{ki} {d}szar-rat-kid-mu-ri
973'. {d}1(u)-5(disz) sza {iri}limmu2-dingir{ki} {d}masz u {d}u-gur
974'. ah-bu-ta re-sze-e-ti
975'. a-na _dingir-mesz_-ia asz2-ruk
976'. _erin2-mesz {gesz}pan_ {gesz}a-ri-tu
977'. [...] ak-s,ur
978'. e-li ki-s,ir _lugal_-ti-ia u2-rad-di
979'. si-it-tu-ti a-na _{lu2}nam-mesz_-ia
980'. _{lu2}gal-mesz_-ia ma-ha-za-ni-ia
981'. [...] x-ia
982'. ki-ma s,e-e-ni u2-za-'i-iz?
983'. {disz}ia-u-ta-a' _dumu_ {disz}ha-za-a_-dingir_
984'. _lugal_ {kur}qa-ad-ri e-pisz _ARAD_-ti-ia
985'. asz2-szu2 _dingir-mesz_-szu2 im-hur-an-ni-ma
986'. u2-s,al-la-a _en_-u2-ti
987'. _mu dingir-mesz gal-mesz_ u2-sza2-az-kir2-szu2-u-ma
988'. {d}a-tar-sa-ma-in u2-ter-ma a-din-szu2
989'. ar-ka-nu ina a-de-ia ih-t,i-ma
990'. t,a-ab-ti la is,-s,ur-ma
991'. is,-la-a _{gesz}szudun_ be-lu-ti-ia
992'. a-na sza2-'a-al szul-mi3-ia
993'. _giri3-min_-szu2 ip-ru-us-ma
994'. ik-la-a ta-mar-ti
995'. _ug3-mesz_ {kur}a-ri-bi it-ti-szu2
996'. u2-sza2-bal-kit-ma ih-ta-nab-ba-tu2
997'. hu-bu-ut _kur_ mar-tu{ki}
998'. _erin2-hi-a_-ia sza2 ina mi-s,ir _kur_-szu2 asz2-bu
999'. u2-ma-'e-e-ra s,e-ru-usz-szu2
1000'. _bad5-bad5_-szu2-nu isz-ku-nu
1001'. _ug3-mesz_ {kur}a-ri-bi ma-la it-bu-u-ni
1002'. u2-ra-si-bu ina _{gesz}tukul-mesz_
1003'. _e2 edin_ kul-ta-ri mu-sza2-bi-szu2-nu
1004'. _izi_ u2-sza2-hi-zu ip-qi2-du a-na {d}gesz-bar
1005'. _gu4-mesz_ s,e-e-ni _ansze-mesz ansze-gam-mal-mesz_
1006'. a-me-lu-tu isz-lu-lu-u-ni ina la mi3-ni
1007'. se-he-ep _kur_ ka-la-mu a-na si-hir-ti-szu2
1008'. un-da-al-lu-u a-na pat, gim-ri-sza2
1009'. _ansze-gam-mal-mesz_ ki-ma s,e-e-ni
1010'. u2-par-ri-is u2-za-'i-iz
1011'. a-na _ug3-mesz kur_ asz-szur{ki}
1012'. qa-bal-ti _kur_-ia _ansze-gam-mal_
1013'. ina _gin2_ ina 1/2(disz) _gin2_ kas-pi
1014'. i-szam-mu ina _ka2_ ma-hi-ri
1015'. {munus}asz2-tam-mu ina ni-id-ni _{lu2}lunga2_ ina {dug}ha-be2-e
n lines broken
1016'. {disz}ia-u-ta-a' ma-ru-usz-tu2 im-hur-szu-ma
1017'. e-disz-szi-szu2 in-na-bit a-na {kur}na-ba-a-a-ti
1018'. {disz}a-bi-ia-te-e' _dumu_ {disz}te-e'-ri
1019'. a-na nina{ki} il-li-kam-ma
1020'. u2-na-asz2-sziq _giri3-min_-ia
1021'. a-de-e a-na e-pesz _ARAD_-ti-ia
1022'. it-ti-szu2 asz2-kun
1023'. ku-um {disz}ia-u-ta-a' asz2-kun-szu2 a-na _lugal_-u-ti
1024'. _ku3-sig17 {na4}igi-min-mesz {na4}babbar-dili_ gu-uh-lu
1025'. _ansze-gam-mal-mesz ansze-mesz_ bit-ru-u2-ti
1026'. man-da-at-tu2 szat-ti-szam-ma
1027'. u2-kin _edin_-usz-szu2
1028'. {disz}am-mu-la-di-in _lugal_ {kur}qa-ad-ri
1029'. sza it-ti _kur_ asz-szur{ki} ik-ki-ru
1030'. ih-ta-nab-ba-tu2 hu-bu-ut _kur_ mar-tu{ki}
1031'. ina zi-kir _mu_-ia sza2 an-szar2 {d}sin {d}utu
1032'. {d}en {d}ag {d}1(u)-5(disz) sza nina{ki}
1033'. {d}szar-rat-kid-mu-ri {d}1(u)-5(disz) sza {iri}limmu2-dingir
1034'. {d}masz {d}nusku? {d}u-gur u2-szar-bu-u
1035'. {disz}ka-ma-as-hal-ta-a _man_ {kur}ma-'a-a-ba
1036'. _ARAD_ da-gil2 pa-ni-ia
1037'. ina _me3_ isz-ku-nu _bad5-bad5_-szu2
1038'. {disz}am-mu-la-di si-it-ti _ug3-mesz_-szu2
1039'. sza la-pa-an da-a-ki i-sze-tu-u2-ni
1040'. u2-s,ab-bit ina _szu-min szu-min_ u _giri3-min_
1041'. bi-re-tu2 _an-bar_ id-di-ma a-na nina{ki}
1042'. a-di mah-ri-ia u2-sze-bi-la
1043'. {disz}na-at-nu _lugal_ {kur}na-ba-a-a-ti
1044'. sza a-szar-szu2 ru-u2-qu
1045'. isz-ma-a da-na-an an-szar2 u {d}marduk
1046'. sza u2-tak-kil-u2-in-ni
1047'. sza ma-ti-ma a-na _lugal-mesz ad-mesz_-ia
1048'. _{lu2}a kin_-szu2 la isz-pu-ra
1049'. la isz-'a-a-lu4 szu-lum _lugal_-ti-ia
1050'. ul-tu {disz}ia-u-ta-a' _lugal_ {kur}a-ri-bi
1051'. _ARAD_ da-gil2 pa-ni-ia
1052'. a-na {kur}na-ba-a-a-ti in-nab-tu-ma
1053'. il-li-ku ma-har {disz}na-at-nu
1054'. {disz}na-at-nu a-na {disz}ia-u-ta-a' ki-a-am iq-bi-szu2
1055'. um-ma a-na-ku la _szu-min kur_ asz-szur{ki}
1056'. ul-te-zi-i-bi
1057'. u3 at-ta tasz-kun-an-ni a-na dan-nu-ti-ka
1058'. {disz}na-at-nu ip-lah3-ma ir-sza2-a na-kut-tu
1059'. _{lu2}a kin-mesz_-szu2 a-na sza2-'a-al szul-mi3-ia
1060'. isz-pur-am-ma u2-na-asz2-szi-qa _giri3-min_-ia
1061'. a-na sza2-kan a-de-e su-lum-me-e
1062'. e-pesz _ARAD_-ti-ia
1063'. u2-s,a-na-al-la-a be-lu-u-ti
1064'. a-na-ku ha-disz ap-pa-lis-szu-ma
1065'. pa-ni-ia _saga-mesz ugu_-szu2 asz2-kun
1066'. _gun_ man-da-at-tu szat-ti-szam-ma
1067'. u2-kin s,e-ru-usz-szu2
1068'. ina u4-me-szu2-ma _e2_ {d}ag sza qe2-reb {iri}kal3-ha
1069'. sza {disz}{d}iszkur-erin2-tah2 _dumu_ {disz}szam-szi-{d}iszkur _man kur_ asz-szur{ki}
1070'. _lugal_ pa-ni mah-ri-ia e-pu-szu2
1071'. il-li-ka la-ba-risz
1072'. an-hu-us-su ad-ke-e-ma
1073'. ina _kasz-sag_ u _gesztin-mesz_ ab-lu-la ka-lak-ku
1074'. za-bil tup-szik-ki ina me-lu-li il-bi-nu li-bit-tu2
1075'. ina za-ma-ri _hul2-mesz_ u ri-sza2-a-ti
1076'. ul-tu _usz8_-szu2 a-di _gaba-dib_-szu2
1077'. ar-s,ip u2-szak-lil
1078'. _gesz-ur3-mesz {gesz}eren-mah-mesz_ u2-szat-ri-s,a _ugu_-szu2
1079'. x x x x? us-si-ma gi-mir pa-asz2-qi2-szu2
1080'. _mu-sar_-u2 szi-t,ir _mu_-ia
1081'. ta-nit-ti qar-ra-du-ti-ia
1082'. sza ina tukul-ti an-szar2 {d}sin {d}utu
1083'. {d}en u {d}ag {d}1(u)-5(disz) sza nina{ki}
1084'. {d}1(u)-5(disz) sza {iri}limmu2-dingir {d}masz {d}nusku {d}u-gur
1085'. ina _kur-kur_ at-tal-la-ku
1086'. asz2-ku-nu da-na-nu u li-i-tu2
1087'. asz2-t,ur-ma e-zi-ba ah-ra-tasz
1088'. a-na _egir_ u4-me ina _lugal-mesz dumu-mesz_-ia
1089'. sza an-szar2 u3 {d}1(u)-5(disz)?
1090'. a-na be-lut _kur_ u _ug3-mesz_ i-nam-bu-u2 zi-kir-szu2
1091'. _mu-sar_ szi-t,ir _mu_-ia li-mur-ma
1092'. _i3-gesz_ lip-szu2-usz _{udu}siskur_ liq-qi2
1093'. it-ti _mu-sar_-e szi-t,ir _mu_-szu2 lisz-kun
1094'. _dingir-mesz gal-mesz_ ma-la ina _mu-sar_-e
1095'. an-ne2-e szat,-ru
1096'. ki-i ia-a-ti-ma lisz-ru-ku-szu2
1097'. da-na-nu u li-i-tu2
1098'. sza _mu-sar_-u2 szi-t,ir _mu_-ia
1099'. szu-me {disz}an-szar2-pap-asz _ad_-ia
1100'. u3 {disz}{d}sin-pap-mesz-su _ad ad_-ia ib-ba-tu2
1101'. it-ti _mu-sar_-e-szu2 la i-szak-ka-nu
1102'. _dingir-mesz gal-mesz_ a-szi-bu-ut _an_-e u _ki_-tim
1103'. ag-gesz li-ru-ru-szu2
1104'. _lugal_-us-su lis-ki-pu
1105'. _mu_-szu2 _numun_-szu2 ina _kur_ li-hal-li-qu



Version History

  Page: 1