Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINAP 5/3 Sîn-šarru-iškun 10 composite Click for archival page
Can you improve upon the content of this entry? Please contact us! | No Image Available | Composite text surface a 1. a-na-ku {disz}{d}sin-lugal-gar-un _lugal gal lugal_ dan-nu _lugal szu2 lugal kur_ an-szar2{ki} 2. sza an-szar2 {d}nin-lil2 {d}marduk {d}zar-pa-ni-tum {d}ag {d}tasz-me-tum ina ni-isz _igi-min_-szu2-nu _saga-mesz_ 3. ke-nisz ip-pal-su-szu2-ma is-su-qu-szu2 a-na _lugal_-u-ti a-na kun-ni _suhusz kur_ 4. szu-te-szur ba-'u-la-a-ti dal-ha-a-ti a-na tu-qu-ni ab-ta-a-ti 5. a-na ke-sze-ri a-ge-e be-lu-ti i-pi-ru-usz na-an-nar3 _an_-e {d}sin 6. _{gesz}gidri_ i-szar-tu2 usz-pa-ru ke-e-nu a-na re-'u-u-ti _ug3-mesz dagal-mesz_ 7. {d}ag pa-qid kisz-sza2-ti u2-szat-me-hu rit-tu-usz-szu2 lib3-bu rap-szu2 ka-rasz ta-szim-ti 8. a-hi-iz t,e3-e-me u3 mil-ki la-mid szi-tul-ti da-a-a-nu ke-e-nu da-bi-ib kit-ti 9. u3 mesz-sza2-ri sza2 ik-kib-szu2 nu-ul-la-a-ti an-zil-la-szu2 sur-ra-a-ti 10. _nun_ na-a'-du _szagina_ it-pe-szu2 _{lu2}sipa_ ke-e-nu mut-tar-ru-u _ug3-mesz dagal-mesz_ 11. sza _dingir-mesz gal-mesz lugal_-us-su ki-ma u2-lu _i3-mesz_ usz-t,ib-bu _ugu_ gi-mir ma-ti-tan 12. _dumu_ {disz}an-szar2-du3-ibila _lugal gal lugal_ dan-nu _lugal szu2 lugal kur_ an-szar2 _lugal kur eme-gi7_ u uri{ki} 13. _lugal_ kib-rat _limmu2_-tim _dumu_ {disz}an-szar2-szesz-szum2-na _lugal gal lugal_ dan-nu _lugal szu2 lugal kur_ an-szar2{ki} 14. _szagina_ babila2{ki} _lugal kur eme-gi7_ u _uri{ki} dumu_ {disz}{d}sin-szesz-mesz-su _lugal gal lugal_ dan-nu _lugal szu2_ 15. _lugal kur_ an-szar2{ki} _nun_ la sza2-na-an _sza3-bala-bala_ {disz}lugal-gi-na _lugal gal lugal_ dan-nu _lugal szu2 lugal kur_ an-szar2{ki} 16. _szagina_ babila2{ki} _lugal kur eme-gi7_ u uri{ki} ina _sag lugal_-u-ti-ia ul-tu an-szar2 {d}en {d}ag 17. {d}sin {d}utu {d}nin-urta {d}u-gur u {d}nusku ina bi-rit masz-szi-ia ut-tu-un-ni-ma ih-szi-hu _lugal_-u-ti 18. ki-ma _ad_ u _ama_ it-ta-nar-ru-un-ni-ma i-na-ru a-a-bi-ia u2-szam-qi2-tu za-'i-i-ri-ia 19. u2-sa-at _saga_ i-pu-szu-u-ni t,a-bisz u2-sze-szib-u-in-ni i-na _{gesz}gu-za lugal_-u-ti _ad du3_-ia 20. sza za-na-an ma-ha-zi szuk-lul esz-re-e-ti szu-te-szur pe?-lu-de-e ka-a-a-an usz-ta-da-na kar-szu2-u-a 21. asz2-rat _dingir-mesz gal-mesz en-mesz_-ia asz2-te-'e-e-ma mim-ma sza2 _ugu dingir_-ti-szu2-nu _gal_-ti _du10-ga_ a-na e-pe-sze 22. lib3-bi ub-la ina u4-mi-szu2-ma _e2_ {d}ag sza2 qe2-reb bal-til{ki} {disz}{d}sal2-ma-nu_-masz du3 e2_ an-szar2 e-pu-usz 23. e-na-ah-ma {disz}asz-szur-sag?-i-szi? _a_ {disz?}mu?-tak-kil-{d}nusku? e-pu-usz e-na-ah-ma {disz}{d}iszkur-erin2-tah2 _dumu_ {disz}szam-szi-{d}iszkur 24. e-pu-usz-ma la-ba-risz il-lik ul-tu _u4-mesz_ ma-a'-du-ti ni-du-tu2 il-lik-ma i-te-me qaq-qa-risz 25. {d}ag {d}tasz-me-tum ina _e2_ {d}isz-tar asz-szur-i-ti asz2-bu-ma i-mah-ha-ru sur-qe2-ni 26. _lugal-mesz ad-mesz_-ia a-li-kut mah-ri-ia _du3_-esz _e2_ szu2-a-tu2 la ih-su-su-nim-ma 27. ul isz-ku-nu uz-nu a-na-ku {disz}{d}sin-lugal-gar-un _lugal szu2 lugal kur_ an-szar2{ki} pa-lih _dingir-mesz gal-mesz_ 28. musz-te-e'-u asz2-ri-szu2-nu e-pe-esz _e2_ szu2-a-tu2 ina lib3-bi-ia ib-ba-szi-ma ka-bat-ti ub-la 29. ina _ur5_-szu2 la-bir-tu2 ina _masz-kan2_-szu2 mah-ri-ti ina _iti du10-ga_ u4-me sze-me-e ina szi-pir ka-ku3-gal-lu-ti ina {na4}pi-i-li 30. _na4 kur_-i dan-ni tam-la-a? usz-mal-li ul-tu _usz8_-szu2 a-di gaba-dib-bi-szu2 ar-s,ip u2-szak-lil 31. szi-pi-ir _e2_ szu2-a-tu2 e-pu?-usz-ma ki-ma _u4-mesz_ u2-nam-mir {d}ag {d}lal2 _dingir-mesz gal-mesz en_-ia 32. ul-tu _e2_ {d}isz-tar asz-szur-i-ti u2-sze-s,a-am-ma ina _iti du10-ga_ u4-me sze-me-e qe2-reb-szu2 u2-sze-rib-ma 33. u2-szar-me _bara2_ da-ra-a-ti _gu4-mah_-hi resz-tu-u-ti _gukkal-mesz_ ma-ru-u-ti zi-i-bi qa-asz2-du-ti 34. ina ma-har {d}ag {d}lal2 _en-mesz_-ia aq-qi2-ma usz-par-zi-ha qe2-reb e2-kur-ri {d}ag {d}lal2 35. ep-sze-ti-ia _saga-mesz_ ha-disz ip-pal-su-ma ik-tar-ra-bu _lugal_-u-ti 36. _nun egir_-u ina _lugal-mesz dumu-mesz_-ia e-nu-ma _e2_ szu2-a-tu2 in-na-hu-ma 37. il-la-ku la-ba-risz an-hu-us-su lu-ud-disz _mu-sar_-u szi-t,ir _mu_-ia 38. li-mur-ma _i3-gesz_ lip-szu-usz ni-qa-a li-iq-qi2 it-ti _mu-sar_-e szi-t,ir _mu_-szu2 lisz-kun 39. an-szar2 {d}nin-lil2 {d}marduk {d}zar-pa-ni-tum {d}ag {d}tasz-me-tum ik-ri-bi-szu2 i-szem-mu-u 40. sza2 _mu-sar_-u szi-t,ir _mu_-ia u2-nak-kar-u-ma 41. it-ti _mu-sar_-e szi-t,ir _mu_-szu2 la i-szak-ka-nu u szu-mi it-ti _mu_-szu2 42. la i-szat,-t,i-ru an-szar2 {d}nin-lil2 {d}marduk {d}zar-pa-ni-tum {d}ag {d}tasz-me-tum 43. a-na ni-isz _szu-min_-szu2 a-a iz-zi-zu-ma a-a isz-mu-u2 su-up-pi-szu 44. ag-gesz li-ru-ru-szu-ma _mu_-szu2 _numun_-szu2 _nunuz_-szu2 ina _kur_ lu-hal-li-qu Version History |