Search results


   Page: 1   
1 text(s) found 		Return to Search Page
Search aids
Terms of Use
Internal login
Download all text      Download transliterations      Reduce to catalogue data      Unclear abbreviations?      Support the CDLI

RINAP 5/3 Sîn-šarru-iškun 19 composite
Click for archival page

Primary publicationRINAP 5/3 Sîn-šarru-iškun 19 composite
Author(s)Novotny, Jamie & Jeffers, Joshua
Publication date2022
Secondary publication(s)
Collection
Museum no.
Accession no.
ProvenienceKalhu (mod. Nimrud)
Excavation no.
PeriodNeo-Assyrian (ca. 911-612 BC)
Dates referencedSin-sharru-ishkun.00.00.00
Object typeother (see object remarks)
Remarkscomposite text
Materialcomposite
LanguageAkkadian
GenreRoyal/Monumental
Sub-genrecomposite
CDLI comments
Catalogue source20191004 cdliadmin
ATF sourceNovotny, Jamie & Jeffers, Joshua
Translation
UCLA Library ARK
Composite no.Q003880
Seal no.
CDLI no.P516913

Can you improve upon the content of this entry?
Please contact us!
No Image AvailableComposite text


surface a
1. a-na-ku {disz}{d}sin-lugal-gar-un _lugal gal lugal_ dan-nu _lugal szu2 lugal kur_ an-szar2{ki}
2. ni-isz _igi-min_ an-szar2 {d}nin-lil2 na-ram {d}marduk {d}zar-pa-ni-tum bi-bil lib3-bi {d}sin {d}nin-gal
3. i-tu-ut ku-un lib3-bi {d}ag {d}marduk mi-gir _dingir-mesz_ szu-ut _an ki_
4. sza2 an-szar2 {d}nin-lil2 {d}en {d}ag {d}sin {d}nin-gal {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}u-gur u {d}nusku
5. i-na bi-rit masz-szi-szu2 ke-nisz ip-pal-su-szu2-ma is-su-qu-szu2 a-na _lugal_-u-ti
6. za-nin-ut nap-har ma-ha-zi sza2-an-gu-tu gi-mir esz-ret _sipa_-u-ut nap-har s,al-mat _sag-du_ e-pe-szu2 iq-bu-u-szu2
7. ki-ma _ad_ u _ama_ it-ta-nar-ru-szu2-ma i-na-ru a-a-bi-szu2 u2-szam-qi2-tu2 ga-re-szu2
8. sza2 {d}e2-a? a-na e-nu-te kisz-sza2-ti ib-nu-szu2-ma ina nap-har x [...]
9. a-na kun-ni _suhusz kur_ szu-te-szur ba-'u-u2-la-a-ti a-ge-e _en_-u-ti e-pi-ru-usz na-an-nar3 _an_-e {d}sin
10. _{gesz}gidri_ i-szar-tu2 usz-pa-ru ke-e-nu a-na _sipa_-u-ti _ug3-mesz dagal-mesz_ {d}ag pa-qid kisz-sza2-ti u2-szat-me-hu rit-tu-usz-szu2
11. dal-ha-a-ti a-na tu-qu-ni ab-ta-a-ti a-na ke-sze-ri [...]
12. [...] a-na szu-szu-bi {d}en u {d}ag ul-lu-u _sag-mesz_-szu2
13. [...]-mu a-hi-iz t,e3-e-me u mil-ki mu-ta-mu-u2 dam-qa-a-ti
14. [...] x da-in de-en mi-sza2-ri sza2 at-mu-szu2 _ugu ug3-mesz_ ar-ma-nisz _du10-ga_
15. sza2 ik-kib-szu2 nu-ul-la-a-ti an-zil-la-szu2 sur-ra-a-te la ka-s,ir ik-ki pa-szi-szu2 [...]
16. [...] ik-ki-bi-szu2-nu na-s,i-ru [...]
17. _dumu_ {disz}an-szar2-du3-ibila lugal gal _lugal_ dan-nu _lugal szu2 lugal kur_ an-szar2 _lugal kur eme-gi7_ u uri{ki} _lugal_ kib-rat _limmu2_-tim
18. _dumu_ {disz}an-szar2-szesz-szum2-na _lugal gal lugal_ dan-nu _lugal_ kisz-sza2-ti _lugal kur_ an-szar2{ki} _szagina_ babila2{ki} _lugal kur eme-gi7_ u uri{ki}
19. _dumu_ {disz}{d}sin-szesz-mesz-su _lugal gal lugal_ dan-nu _lugal_ kisz-sza2-ti _lugal kur_ asz-szur{ki} _nun_ la sza2-na-an
20. _sza3-bala-bala_ {disz}lugal-gi-na _lugal gal lugal_ dan-nu _lugal szu2 lugal kur_ asz-szur{ki} _szagina_ babila2{ki} _lugal kur eme-gi7_ u uri{ki}
21. [...] _nun_ na-a'-du _szagina_ it-pe-e-szu2 na-ram {d}ag u {d}tasz-me-tum [...]
22. ul-tu an-szar2 {d}en {d}ag {d}sin {d}utu be-lut _kur_ u _ug3-mesz_ u2-[...]
23. _szu-min_-u-a u2-mal-lu-u? u2-sa-at dum-qi2 e-pu-szu2-u-in-ni za-'i-i-ri-ia ik-mu-u x [...]
24. t,u-da-at [...]-ni-ma t,a-bisz u2-sze-szib-u2-in-ni ina _{gesz}gu-za lugal_-u-ti _ad du3_-ia
25. i-na _gesz-mi_-szu2-nu _du10-ga_ s,u-lu-li-szu2-nu rap-szi ke-nisz ar-te-'a-a ba-'u-u2-lat {d}en-lil2
26. ul-tu s,e-he-ri-ia a-di ra-be2-ia ar-ki _dingir-mesz gal-mesz en-mesz_-ia lu at-tal-lak-ma lu ab-ri x x x
27. asz2-ra-te-szu2-nu asz2-te-'e-e-ma mim-ma sza2 _ugu dingir_-u2-ti-szu2-nu _gal_-ti _du10-ga_ a-na e-pe-sze lib3-bi ub-la
28. sza2 za-na-an ma-ha-zi szuk-lul esz-re-e-ti? szu-te-szur par-s,e ki-du-de?-e? ma-szu-u2-ti
29. ka-a-a-an usz-ta-ad-da-nu kar-szu2-u-a
30. i-na _sag lugal_-ti-ia ina mah-re-e _bala_-ia sza2 ina _{gesz}gu-za lugal_-u-ti ra-bisz u2-szi-bu
31. _e2_ {d}x x sza2 {disz}{d}iszkur-erin2-tah2 x x _lugal_ pa-a-ni mah-ri-ia e-pu-szu2 e-na-ah-ma
32. i-na [...] x _ki_ i-na szi-pir ka-ku3-gal-lu-ti [...]
33. i-na x [...]
34. te-me-en-szu2 ad-di-ma _e2_ x x x [...]
35. _e2_ szu-a-tu2 [...] ar-s,ip u2-szak-lil [...]
36. _gesz-hur-mesz_-szu2 _gal-mesz_ [...] x x [...]
37. {d}ag u {d}tasz-me-tum [...] szub-tu [...]
38. {d}ag _ibila_ gasz-ru [...] ha-disz _igi?-bar?_-ma lim-ma-hir pa-nu-uk-ka? [...]
39. ur-rik u4-me-ia _mu-an-na-mesz_-ia szu-um-dil na-an-na-bi ki-im-ti? ru-up-pisz
40. kur-bu _lugal_-u-ti hu-ud lib3-bi t,u-ub _uzu-mesz_ na-mar ka-bat-ti a-na da-risz ki-i-na
41. _{lu2}kur2-mesz_-ia ne2-er ki-szad la ma-gi-re-ia szuk-nisz sze-pu-u2-a
42. _nun egir_-u2 ina _lugal-mesz dumu-mesz_-ia e-nu-ma _e2_ szu-a-tu2 in-na-hu-ma il-la-ku la-ba-risz
43. an-hu-us-su lu-ud-disz _mu-sar_-u szi-t,ir _mu_-ia li-mur-ma _i3-gesz_ lip-szu-usz _{udu}siskur bala_-qi2
44. it-ti _mu-sar_-e szi-t,ir _mu_-szu2 lisz-kun {d}ag u {d}tasz-me-tum ik-ri-bi-szu2 i-szem-mu-u2
45. sza2 _mu-sar_-u2? szi-t,ir _mu_-ia u2-nak-ka-ru-ma it-ti _mu-sar_-e szi-t,ir _mu_-szu2 la i-szak-ka-nu
46. an-szar2 {d}en {d}ag a-na ni-isz _szu-min_-szu2 a-a iz-zi-zu-ma a-a isz-mu-u su-up-pe-e-szu2
47. _lugal_-us-su lis-ki-pu? ag-gesz li-ru-ru-szu2-ma _mu_-szu2 _numun_-szu2 ina _kur_ li-hal-liq-qu



Version History
  Page: 1