Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINBE 2, Nabonidus 19 composite Click for archival page
Can you improve upon the content of this entry? Please contact us! | No Image Available | Composite text surface a 1. i3-nu-um {d}marduk {d}en-lil2 _dingir-mesz_ sza-qu-u2 _en_ gi-im-ra 2. u2-sza-pu-u2 ma-al-ku a-na e-pe2-esz e-nu-tim 3. {d}na-bi-um-na-'i-id szar-ri a-na za-ni-nu-tim im-bu-u3 4. u2-ul-lu-u2 re-e-szi-szu e-li ka-li-szu-nu _lugal-mesz_ 5. qi2-bi-tu-usz-szu _dingir-dingir gal-gal_ ih-du-u2 a-na szar-ru-ti-szu 6. {d}a-num u3 {d}en-lil2 _{gesz}gu-za_ a-gu-u2 _{gesz}nig2-gidri_ u3 szi-bir-ri 7. pa-ra-as, szar-ru-tim a-na du-ur u4-mu i-qi2-szu-szum 8. {d}e2-a ba-an ka-la-mu ne2-me-qi2 u2-sza2-ag-mi-ir-szu 9. {d}be-let-i3-li2 ba-na-at gi-im-ra u2-sza2-ak-li-lu bu-na-an-ne2-e-szu 10. {d}na-bi-um pa-qid ki-isz-sza2-ti isz-ru-uk-szu szu-ka-ma 11. {d}nanna-ri _dumu_ ru-be2-e u2-s,a-ab-ba-a nab-ni-it-su 12. {d}utu-szi nu-ur2 i3-li2 ir-i-am re-e2-ut-su 13. ba-'u-la-a-ti u2-sze-szi-ib qi2-bi-tu-usz-szu 14. {d}er3-ra-gal ga-asz-ru _dingir-dingir_ isz-ru-uk-szu du-un-num 15. {d}za-ba4-ba4 mu-ut-ta-al-lum u2-ma-sza u2-sza-ag-mi-ir-szu 16. {d}nusku da-pi-nu u2-za-'i-in-szu me-lam-mi _lugal_-u2-tu 17. a-na u2-'u-ur2 t,e3-e-mu sza-ka-ni7 szi-tul-tum u3 pa-ra-as ar2-kat2 i-tur sze-du-usz-szu 18. a-na mu-er-ru-ti-szu e-pe2-szu _dingir-dingir gal-gal_ u2-sza2-li-ku re-s,u-su 19. i-nu-szu {d}na-bi-um-na-'i-id _lugal_ babilax(|TIN.TIR|){ki} ru-bu-um na-a-dam 20. re-e2-a-am it-pe-szu pa-li-ih _dingir-dingir gal-gal_ 21. _szagina_ za-ni-nu sza a-na t,e3-e-mu _dingir-dingir_ pu-tuq-qu 22. sza u4-mi-sza-am-ma isz-te-ne2-e'-u2 asz-rat _dingir-mesz_ u3 {d}isz-tar 23. _dumu_ {disz}{d}na-bi-um-din-su-iq-bi _nun_ e-em-qa2 a-na-ku 24. e-nu-ma {d}marduk _en gal_-u2 a-na be-lu-ti3 ma-a-ti im-bu-u3 ni-bi-ti3 25. mar ru-be2-e {d}na-bi-um zi-ik-ru szar-ru-ti-ia u2-szar-bu-u3 26. u4-mi-sza-am-ma a-ta-mi pu-lu-uh2-ti3 i-lu-ti-szu-un 27. ka-a-a-nam asz-te-ne2-e sza e-li-szu-nu t,a-a-bu 28. a-na e2-sag-il2 u3 e2-zi-da szu-tu-ra-ku zi-in-na-a-tim 29. re-esz mi-im-ma-a-a dam-qa u2-sze-er-re-eb ma-ha-ar-szu-un 30. gi-na-a la na-par-ka-a asz-te-ne2-e'-a asz-ri-szu-un 31. ma-ha-zi-szu-nu ra-bu-tim a-na ta-na-da-a-ta asz-tak2-ka-an 32. u2-szar-bi zi-ik-ra-szu2-nu in a-pa12-ta-asz2 da-ad2-me 33. a-na {d}utu _di-ku5-gal dingir_ sza-qu-u2 _en_ zimbir{ki} e2-babbar-ra ki-is,-s,i _ku3_ 34. szu-bat-sa resz-ti-ti sza ma-na-ma szar-ri mah-ri la u2-kal-li-mu te-me-en-szu2 35. e-pe2-esz-su {d}utu _en gal_-u2 u2-qa2-an-ni-ma 36. e-li te-me-en-na sza2 na-ra-am-{d}suen u2-ki-in usz-szu-szu 37. sza _bad3_ u4-gal-a-ma2-ru10 _bad3_ gu2-du8-a{ki} ul-la-a re-szi-szu 38. _bad3_ me-lem4-kur-kur-ra-dul-la _bad3_ kisz{ki} u2-za-aq-qi2-ir hur-sa-ni-isz 39. a-na {d}urasz _en_ ga-asz-ru _e2_ a2-ki-tu4 ta-ap-szu-uh-ti-szu 40. ki-ma la-bi-ri-im-ma e-esz-szi-isz e-pu2-usz 41. sza {iri}u2-ba-as-si _dal-ba-an-na_ babila2{ki} u3 bar2-sipa{ki} 42. i-na _esir-e3-a_ u3 a-gur-ru re-e-szi-szu ul-li-ma 43. {d}na-na-a {d}isz-tar szu-ur2-bi-tum u2-sze-ri-ib ki-is,-s,u-usz-szu 44. a-na {d}sin _en gal_-u2 a-szi-ib e2-kisz-nu-gal2 sza2 qe2-reb uri2{ki} 45. sa-at-tuk-ki-szu u2-t,a-ah-hi-id-ma u2-szar-ri-hu ni-id-be2-e-szu2 46. asz-te-ne2-e'-e-ma asz-ri-szu a-ba-lu be-lu-ut-su 47. a-na e-ri-isz-ti i-ri-sza-an-ni ap-lah3 at-ta-'i-id-ma 48. e-ri-isz-ta-szu la ak-la-am-ma am-gu-ru qi2-bit-su 49. _dumu-munus_ s,i-it lib3-bi-ia a-na e-nu-tim asz2-szi-ma en-nig2-al-di-{d}nanna szum-szu2 am-be2-e-ma 50. a-na e2-ge6-par3 u2-sze-ri-ib a-na ma-ha-zi _dingir-dingir gal-gal_ 51. ka-li-szu-nu za-na-nu na-sza-an-ni lib3-bi 52. i-nu-szu a-na {d}lugal-mar2-da qar-ra-du mu-ut-ta-al-lum 53. et,-lu-um mu-ut-le-el2-lu-u2 sza2 da-na-num szu-uk-lu-lu 54. u4-um ez-zi sza2 la im-mah-ha-ru qa2-bal-szu 55. ra-hi-is, _kur_ nu-kur2-ti sza-lil _kur_ a-a-bi a-szi-ib e2-igi-kalam-ma 56. be-li2-ia at-ta-'i-id-ma _{gesz}gigir_ ru-ku-bu i-lu-ti-szu 57. si3-ma-at qar-ra-du-ti-szu sza-li-la-at _kur_ a-a-bi 58. sza a-na ta-ha-zi szu-lu-ka-at sza isz-tu _u4-mesz_ ru-qu-tu2 59. szar-ri mah-ri la i-pu2-szu i-na te-me-en e2-igi-kalam-ma 60. _na4-mesz_ ti-iq-ni-szu u3 u2-nu-ut-su in-na-mir-ma _{gesz}gigir_ szu-a-ti 61. e-esz-szi-isz ab-ni i-na _ku3-babbar_ eb-bi _ku3-sig17_ nam-ri u3 ni-si3-iq-tu4 _na4-mesz_ 62. ra-bisz u2-za-'i-in-szu-ma a-na mah-ri-szu u2-sze-ri-ib 63. e2-igi-kalam-ma _e2_-su sza2 _lugal_ mah-ri i-pu2-szu-ma ul-lu-u2 re-e-szi-szu 64. i-ga-ri ki-di-szu2 la u2-sza2-as-hi-ru-ma la u2-dan-ni-in ma-as,-s,ar-tu-usz 65. a-szar-szu na-di-ma la ru-uk-ku-su sip-pe-e-szu e-pe-ri-szu 66. qa-a-a-pu-ti ad-ka te-me-en-szu la-bi2-ra a-hi-it, ab-re-e-ma 67. e-li te-me-en-ni-szu u2-kin usz-szu-szu _bad3_-szu ab-ni-ma 68. ma-as,-s,ar-ta-sza u2-dan-ni-in e-esz-szi-isz e-pu2-usz-ma ul-la-a re-e-szi-szu 69. {d}lugal-mar2-da _en_ szur-bu-u2 _ur-sag_ mug-da-asz-ri a-na _e2_ szu-a-ti 70. ha-di-isz i-na e-re-bi-ka mim-mu-u2 e-te-ep-pu-usz ha-disz in nap-lu-si-ka 71. in ma-ha-ar {d}marduk _lugal an_ u3 _ki_ u4-mi-szam-ma at-ma-a _saga_-ti3 72. li-ri-ku _u4-mesz din_-ia lu-usz-ba-a lit-tu-tu i-na _{gesz}tukul-mesz_-ka ez-zu-tim 73. szu-um-qi2-tu a-a-bi-ia hu-ul-li-iq gim-ra-at ga-ri-ia Version History |