CDLI-Found Texts

RINBE 2, Nabonidus 19, ex. 01
Click for archival page

Primary publication	RINBE 2, Nabonidus 19, ex. 01
Author(s)	Weiershäuser, Frauke & Novotny, Jamie
Publication date	2020
Secondary publication(s)	Schaudig, Hanspeter, AOAT 256 (2001) 2.05, ex. 01
Collection	Louvre Museum, Paris, France
Museum no.	AO 06444
Accession no.
Provenience	uncertain (mod. uncertain)
Excavation no.
Period	Neo-Babylonian (ca. 626-539 BC)
Dates referenced	Nabonidus.00.00.00
Object type	cylinder
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20200105 cdliadmin_novotny
ATF source	Weiershäuser, Frauke & Novotny, Jamie
Translation	no translation (witness)
UCLA Library ARK
Composite no.	Q005416
Seal no.
CDLI no.	P518969

Can you improve upon the content of this entry?
Please contact us!

No Image Available

Cylinder

surface a

column 1
1. i3-nu-um {d}marduk {d}en-lil2 _dingir-mesz_ sza-qu-u2 _en_ gi-im-ra
2. u2-sza-pu-u2 ma-al-ku a-na e-pe2-esz e-nu-tim
3. {d}na-bi-um-na-'i-id szar-ri <a-na> za-ni-nu-tim im-bu-u3
4. u2-ul-lu-u2 re-e-szi-szu e-li ka-li-szu-nu _lugal-mesz_
5. qi2-bi-tu-usz-szu _dingir-dingir gal-gal_ ih-du-u2 a-na szar-ru-ti-szu
6. {d}a-num <u3> {d}en-lil2 _{gesz}gu-za_ a-gu-u2 _{gesz}nig2-gidri_ u3 szi-bir-ri
7. pa-ra-as, szar-ru-tim a-na du-ur u4-mu i-qi2-szu-szum
8. {d}e2-a ba-an ka-la-mu ne2-me-qi2 u2-sza2-ag-mi-ir-szu
9. {d}be-let-i3-li2 ba-na-at gi-im-ra u2-sza2-ak-li-lu bu-na-an-ne2-e-szu
10. {d}na-bi-um pa-qid ki-isz-sza2-ti isz-ru-uk-sza szu-ka-ma
11. {d}nanna# _dumu_ ru-be2-e u2-s,a-ab-ba-a nab-ni-it-su
12. {d}utu-szi nu-ur2 i3-li2 ir-i-am re-e2-ut-su
13. ba-'u-la-a-ti u2-sze-szi-ib qi2-bi-tu-usz-szu
14. {d}er3-ra-gal ga-asz-ru _dingir-dingir_ isz-ru-uk-sza du-un-num
15. {d}za-ba4-ba4 mu-ut-ta-al-lum u2-ma-sza u2-sza-ag-mi-ir-szu
16. {d}nusku da-pi-nu u2-za-'i-in-szu me-lam-mi _lugal_-u2-tu
17. a-na u2-'u-ur2 t,e3-e-mu sza-ka-ni7 szi-tul-tum u3 pa-ra-as ar2-kat2 i-tur sze-du-usz-szu
18. a-na mu-er-ru-ti-szu e-pe2-szu _dingir-dingir gal-gal_ u2-sza2-li-ku re-s,u-su
19. i-nu-szu {d}na-bi-um-na-'i-id _lugal_ babilax(|TIN.TIR|){ki} ru-bu-um na-a-dam
20. re-e2-a-am it-pe-szu pa-li-ih _dingir-dingir gal-gal_
21. _szagina_ za-ni-nu sza a-na t,e3-e-mu _dingir-dingir_ pu-tuq-qu
22. sza u4-mi-sza-am-ma isz-te!(NA) ne2-e'-u2 asz-rat _dingir-mesz_ u3 {d}isz-tar
23. _dumu_ {disz}{d}na-bi-um-din-su-iq-bi _nun_ e-em-qa2 a-na-ku
24. e-nu-ma {d}marduk _en gal_-u2 a-na be-lu-ti3 ma-a-ti im-bu-u3 ni-bi-ti3
25. mar ru-be2-e {d}na-bi-um zi-ik-ru szar-ru-ti-ia u2-szar-bu-u3
26. u4-mi-sza-am-ma a-ta-mi pu-lu-uh2-ti3 i-lu-ti-szu-un
27. ka-a-a-nam asz-te-ne2-e sza e-li-szu-nu t,a-a-bu
28. a-na e2-sag-il2 u3 e2-zi-da szu-tu-ra-ku zi-in-na-a-tim
29. re-esz im-mi-ma-a-a dam-qa u2-sze-er-re-eb ma-ha-ar-szu-un
30. gi-na-a la na-par-<ka>-a asz-te-ne2-e'-a asz-ri-szu-un
31. ma-ha-zi-szu-nu ra-bu-tim a-na ta-na-da-a-ta asz-tak2-ka-an
32. u2-szar-bi zi-ik-ra-<szu2>-nu in a-pa12-ta-asz2 da-ad2-me
33. a-na {d}utu _di-ku5-gal dingir_ sza-qu-u2 _en_ zimbir{ki} e2-babbar-ra ki-is,-s,i!(AD) _ku3_
34. szu-bat-sa resz-ti-ti sza ma-na-ma szar-ri mah-ri la u2-kal-li-mu te-me-en-szu2
35. e-pe2-esz-su {d}utu _en gal_-u2 u2-qa2-an-ni-ma
36. e-li te-me-en-na sza2 na-ra-am-{d}suen u2-ki-in usz-szu!-szu!
text has ba-ma

column 2
1. sza _bad3_ u4-gal-a-ma2-ru10 _bad3_ gu2-du8-a{ki} ul-la-a re-szi-szu
2. _bad3_ me-lem4-kur-kur-ra-dul-la _bad3_ kisz{ki} u2-za-aq-qi2-ir hur-sa-ni-isz
3. a-na {d}urasz _en_ <ga>-asz-ru _e2_ a2-ki-tu4 ta-ap-szu-uh-ti-szu
4. ki-ma la-bi-ri-im-ma e-esz-szi-isz e-pu2-usz
5. sza {iri}u2-ba-as-si _dal-ba-an-na_ babila2{ki} u3 bar2-szid{ki}
6. i-na _esir-e3-a_ u3 a-gur-ru re-e-szi-szu ul-li-ma
7. {d}na-na-a {d}isz-tar szu-ur2-bi-tum u2-sze-ri-ib ki-is,-s,u-usz-szu
8. a-na {d}sin _en gal_-u2 a-szi-ib e2-kisz-nu-gal2 sza2 qe2-reb uri2{ki}
9. sa-at-tuk-ki-szu u2-t,a-ah-hi-id-ma u2-szar-ri-hu ni-id-be2-e-szu2
10. <asz>-te-ne2-e'-e-ma asz-ri-szu a-ba-lu be-lu-ut-su
11. a-na e-ri-isz-ti i-ri-sza-an-ni ap-lah3 at-ta-'i-id-ma
12. e-ri-isz-ta-szu la ak-la-am-ma am-gu-ru qi2-bit-su
13. _dumu-munus_ s,i-it lib3-bi-ia a-na e-nu-tim asz2-szi-ma en-nig2-al-di_-{d}nanna_ szum-szu2 am-be2-e-ma
14. a-na e2-ge6-par3 u2-sze-ri-ib a-na ma-ha-zi _dingir-dingir gal-gal_
15. ka-li-szu-nu za-na-nu na-sza!(SZU) an-ni lib3-bi
16. i-nu-szu a-na {d}lugal-mar2-da qar-ra-du mu-ut-ta-al-lum
17. et,-lu-um mu-ut-le-el2-lu-u2 sza2 da-na-num szu-uk-lu-lu
18. u4-um ez-zi sza2 la im-mah-ha-ru qa2-bal-szu
19. ra-hi-is, _kur_ nu-kur2-ti sza-lil _kur_ a-a-bi a-szi-ib e2-igi-kalam-ma!(SZU)
20. be-li2-ia at-ta-'i-id-ma _{gesz}gigir_ ru-ku-bu i-lu-ti-szu
21. si3-ma-at qar-ra-du-ti-szu sza-li-la-at _kur_ a-a-bi
22. <sza> a-na ta-ha-zi szu-lu-ka-at sza isz-tu _u4-mesz_ ru-qu-tu2
23. szar-ri mah-ri la i-pu2-szu i-na <<i>> te-me-en e2-igi-kalam-ma
24. _na4-mesz_ ti-iq-ni-szu u3 u2-nu-ut-su in-na-mir-ma _{gesz}gigir_ szu-a-ti
25. e#-esz-szi-isz ab-ni i-na _ku3-babbar_ <eb>-bi _ku3-sig17_ nam-ri u3 ni-si3-iq-ti3!(IN) _na4-mesz_
26. ra-bisz u2-za-'i-in-szu-ma a-na mah-ri-szu u2-sze-ri-ib
27. e2-igi-kalam-ma _e2_-su sza2 _lugal_ mah-ri i-pu2-szu-ma ul-lu-u2 re-e-szi-szu
28. i-ga-ri ki-di-szu2 la u2-sza2-as-hi-ru-ma la u2-dan-ni-in ma-as,-s,ar-tu-usz
29. a-szar-szu na-di-ma la ru-uk-ku-su sip-pe-e-szu e-pe-ri-szu
30. qa-a-a-pu-ti ad-ka te-me-en-szu la-bi2-ra a-hi-it, ab-re-e-ma
31. e-li te-me-en-ni-szu u2-kin usz-szu-szu _bad3_-szu ab-ni-ma
32. ma-as,-s,ar-ta-sza u2-dan-ni-in e-esz-szi-isz e-pu2-usz-ma ul-la-a re-e-szi-szu
33. {d}lugal-mar2-da _en_ szur-bu-u2 _ur-sag_ mug-da-asz-ri a-na _e2_ szu-a-ti
34. ha-di-isz i-na e-re-bi-ka mim-mu-u2 e-te-ep-pu-usz ha-disz! in nap! lu-si-ka
text has ku3-babbar, nig2
35. in ma-ha-ar {d}marduk _lugal an_ u3 _ki_ u4-mi-szam-ma at-ma-a _saga_-tim
36. li-ri-ku _u4-mesz din_-ia lu-usz-ba-a lit-tu-tu i-na _{gesz}tukul-mesz_-<ka> ez-zu-tim
37. szu-um-qi2-tu a-a-bi-ia hu-ul-li-iq gim-ra-at ga-ri-ia

Version History

Page: 1

Search results